Adlezenn 15:11 - Bibl Koad 21: Ar Bibl e Brezhoneg evit ar Vretoned

¹¹ Peorien e vo dalc'hmat er vro, setu perak e roan dit ar gourc'hemenn-mañ hag e lavaran dit: digeriñ a ri da zorn da'z preur, d'ar paour ha d'an ezhommeg a vo ez pro.

Adlezenn 15:11 Referencias Cruzadas

Ermaeziadeg 23:11

Met d'ar seizhvet e lakai anezhañ da ehanañ hag e lezi anezhañ da ziskuizhañ. Peorien da bobl a zebro e frouezh ha loened ar parkeier a zebro ar pezh a vano. Ober a ri an hevelep tra da'z kwinienn ha da'z olivezeg.

Krennlavarioù 19:17

An hini en deus truez ouzh ar paour a brest d'an AOTROU, hag eñ a rento dezhañ e vadober.

Krennlavarioù 22:2

Ar pinvidig hag ar paour en em gav, graet int bet o-daou gant an AOTROU.

Krennlavarioù 31:20

Astenn a ra he dorn d'ar paour, ha dougen a ra he daouarn d'an ezhommeg.

Ezekiel 18:7

na wallgas den, a ro d'an dleour e c'houestl en-dro, na ra ket a laeroñsi, a ro e vara d'an ezhommeg, a c'holo gant un dilhad an hini a zo en noazh,

Mazhev 26:11

Rak c’hwi ho po bepred peorien ganeoc’h, met n’ho po ket atav ac’hanon.

Mazhev 5:42

Ro d’an neb a c’houlenn ouzhit, ha na zistro ket diouzh an hini a fell dezhañ amprestañ diganit.

Sant Marc 14:7

Rak c’hwi ho po atav peorien ganeoc’h ha bep gwech ma c’hoantaot e c’hellot ober vat dezho, met n’ho po ket atav ac’hanon.

Sant Lucas 12:33

Gwerzhit ar pezh hoc’h eus hag roit eñ en aluzen. En em rit yilc’hier deoc’h ha ne goshaint ket, un teñzor en neñv ha ne vanko biken, a-belec’h al laer ne dosta ket hag e-pelec’h ar preñv ne zistruj ket.

Sant Ian 12:8

Rak ho po bepred ar beorien ganeoc’h, met n’ho po ket atav ac’hanon.

Actou an Ebestel 2:45

Gwerzhañ a raent o zraoù hag o madoù, hag e lodennent anezho d’an holl, hervez an ezhomm en doa pep hini.

Adlezenn 15:7

Pa vo unan eus da vreudeur paour ez kreiz, e-barzh da zorojoù, er vro a ro dit an AOTROU da Zoue, ne galetai ket da galon ha ne serri ket da zorn e-keñver da vreur paour,

Adlezenn 15:8

met e tigeri frank da zorn dezhañ, hag e presti dezhañ ar pezh en devo ezhomm, ar pezh a vanko dezhañ.