Adlezenn 15:10 - Bibl Koad 21: Ar Bibl e Brezhoneg evit ar Vretoned

¹⁰ A-dra-sur e roi dezhañ, ha da galon ne vo ket dilaouen, rak abalamour da-se an AOTROU da Zoue a vennigo ac'hanout ez holl labourioù, e kement a ri gant da zaouarn.

Adlezenn 15:10 Referencias Cruzadas

Krennlavarioù 22:9

Al lagad madoberus a vo benniget, dre m'en devo roet eus e vara d'ar paour.

Ar Prezeger 11:1

Taol da vara war-c'horre an doureier, rak goude kalz amzer en adkavi.

Izaia 32:8

Met an denjentil en deus mennadoù jentil, hag e kendalc'ho gant oberennoù jentil.

Izaia 58:10

mar digorez da ene d'an naoneg, mar leuniez an ene glac'haret, neuze da sklêrijenn a savo e-kreiz an deñvalijenn, ha da deñvalijenn a vo evel ar c'hreisteiz.

Mazhev 25:40

Hag ar Roue a responto hag a lavaro dezho: Me a lavar deoc’h e gwirionez, bep gwech ma hoc’h eus graet kement-se e-keñver unan eus ar re zisterañ eus va breudeur, hoc’h eus graet an dra-se din.

Actou an Ebestel 20:35

Diskouezet em eus deoc’h en holl draoù penaos en ur labourat evel-se ez eo ret sikour ar re wan ha kaout soñj eus gerioù an Aotrou Jezuz, en deus lavaret e-unan: Muioc’h a eürusted a zo o reiñ eget o resev.

Romaned 12:8

pe an hini a ali, ra en em stago ouzh an ali; pe an hini a ro aluzenoù, ra raio anezho gant eeunder; pe an hini a ren, ra raio gant evezh; pe an hini a ra oberoù a drugarez, ra raio anezho gant levenez.

Adlezenn 14:19

Pep loen a ruz hag a nij a vo un euzhusted evidoc'h, ne zebrot ket diouto.

Adlezenn 14:29

Dont a raio al Leviad, n'en deus na lodenn na hêrezh ganit, an diavaeziad, an emzivad hag an intañvez a vo e-barzh da zorojoù, hag e tebrint hag o devo o gwalc'h, evit ma vennigo ac'hanout an AOTROU da Zoue e kement labour a ri gant da zaouarn.

Adlezenn 15:18

Ne vo ket diaes dit kas anezhañ frank eus da di, rak servijet en devo ac'hanout e-pad c'hwec'h vloaz hag en devo talvezet div wech ur mevel gopret. Hag an AOTROU da Zoue a vennigo ac'hanout e kement a ri.

Adlezenn 15:4

Evel-se ne vo ket a beorien ganeoc'h, rak an AOTROU a vennigo ac'hanout a-dra-sur er vro a ro dit an AOTROU da Zoue da berc'hennañ evel hêrezh,

Adlezenn 23:20

D'an diavaeziad e c'helli prestañ war gampi, met ne bresti ket da'z preur war gampi, evit ma vennigo ac'hanout an AOTROU da Zoue e kement labour a ri gant da zaouarn, er vro ma'z ez e-barzh d'he ferc'hennañ.

Adlezenn 24:19

Pa ri da eost e-barzh da bark hag az po ankounac'haet ur feskenn er park, ne zistroi ket d'he c'herc'hat, evit an diavaeziad, evit an emzivad hag evit an intañvez e vo, evit ma vennigo ac'hanout an AOTROU da Zoue e kement a ri gant da zaouarn.

Adlezenn 28:8

An AOTROU a c'hourc'hemenno d'ar vennozh bezañ warnout ez solieroù hag e kement a ri gant da zaouarn, hag e vennigo ac'hanout er vro a ro dit an AOTROU da Zoue.

Hebreed 13:16

Ha n’ankounac’hait ober vad ha reiñ lod eus ho madoù, rak Doue a gemer plijadur en un hevelep aberzh.

1 Pêr 4:11

Mar komz unan bennak, ra gomzo hervez gerioù Doue. Mar gra unan bennak ur servij, ra raio anezhañ hervez an nerzh en deus Doue roet dezhañ, evit ma vo en holl draoù roet gloar da Zoue dre Jezuz-Krist, a zo dezhañ ar gloar hag ar galloud e kantvedoù ar c’hantvedoù! Amen.