2 Samuel 22:3 - Bibl Koad 21: Ar Bibl e Brezhoneg evit ar Vretoned

³ O Doue, va roc'h a gavan bod enni! Va skoed hag an nerzh am dieub, va repu uhel ha va minic'hi! Va Salver, te a ziwall ac'hanon diouzh ar feulster.

2 Samuel 22:3 Referencias Cruzadas

Geneliezh 15:1

Goude kement-se, komz an AOTROU a voe disklêriet da Abram en ur weledigezh, o lavarout: Na'z pez ket aon, Abram, me eo da skoed, ha da c'hopr a vo bras-meurbet.

2 Samuel 22:31

Hent Doue a zo peurvat, ger an AOTROU a zo amprouet. Ur skoed eo evit an holl re a laka o fiziañs ennañ.

2 Samuel 22:47

An AOTROU a zo bev! Benniget ra vo va roc'h! Uhelaet ra vo Doue va silvidigezh,

2 Samuel 22:49

am zenn eus va enebourien, am uhela dreist ar re savet em enep, am dieub eus an den taer.

2 Samuel 22:51

Eñ eo an hini a ro un dieubidigezh veur d'e roue, a ra trugarez d'e Olevad, da Zavid ha d'e lignez da viken.

2 Samuel 23:3

Doue Israel en deus lavaret, Roc'h Israel en deus komzet drezon: An hini a ren e-touez an dud gant reizhder, an hini a ren gant doujañs-Doue,

Salmoù 14:6

Mezh a rit d'an hini glac'haret en e c'hortoz, an AOTROU eo e repu.

Salmoù 140:1

D'ar mestr-kaner; salm David.

Salmoù 140:11

Ro gouezho glaou devus warno! Ra o stlapo en tan, en tonnoù don na savint ket diouto!

Salmoù 140:4

a lemm o zeod evel un naer, hag o deus binim naer-wiber dindan o muzelloù.  Ehan

Salmoù 142:4

Pa emañ va spered dinerzhet ennon, te a anavez va hent. Kuzhet o deus ur pech din en hent a gerzhen warnañ.

Salmoù 144:2

va madoberour ha va c’hreñvlec’h, va repu uhel ha va dieuber, va skoed hag an hini en em dennan ennañ, an hini a renk va fobl dindanon!

Salmoù 18:2

Lavarout a reas: Karout a rin ac'hanout, o AOTROU, va nerzh!

Salmoù 27:5

Rak va c'huzhat a raio en e repu en deiz fall, va c'huzhat a raio e sekred e dabernakl. Sevel a raio ac'hanon war ur roc'h.

Salmoù 28:7

An AOTROU a zo va nerzh ha va skoed. Va c'halon en deus fiziet ennañ hag on bet sikouret. Va c'halon ivez a zo laouenaet, hag e veulan anezhañ dre va c'hanennoù.

Salmoù 3:3

Pegement a lavar diwar va ene: Silvidigezh ebet evitañ e-kichen Doue!  Ehan

Salmoù 32:7

Te eo va repu, va diwall a rez eus an estrenvan, va gronnañ a rez gant kanaouennoù a zieubidigezh.  Ehan

Salmoù 46:1

D'ar mestr-kaner; kanaouenn mibien Kora; war "Alamod".

Salmoù 46:11

Paouezit hag anavezit eo me a zo Doue, me a vo meulet e-touez ar pobloù, me a vo meulet dre an douar holl.

Salmoù 46:2

Doue eo hor repu hag hon nerzh, ur skoazell en estrenvan, aezet bras da gavout.

Salmoù 46:7

Ar pobloù a fiñv, ar rouantelezhioù a vrañsell, lakaat a ra e vouezh da vezañ klevet, hag an douar a deuz.

Salmoù 5:12

Met ra laouenaio an holl re en em denn war-zu ennout! Ra ganint a levenez da viken! Ra diwalli anezho! Ra drec'ho ennout a re a gar da anv!

Salmoù 55:9

Hastañ a rin tec'hout kuit, pell eus an avel taer, pell eus ar barr-amzer.

Salmoù 59:16

Ra ez aint aze hag amañ o klask debriñ, ha ra dremenint an noz hep bezañ leuniet.

Salmoù 61:3

Eus penn an douar e krian dit pa wana va c'halon. Ve degas war ar roc'h-se, hag a zo re uhel evidon.

Salmoù 71:7

Bet on evel ur burzhud dirak daoulagad kalz, met te eo va bodenn greñv.

Salmoù 72:14

Dasprenañ a raio o ene eus ar waskerezh hag eus an taerder, hag o gwad a vo prizius dirak e zaoulagad.

Salmoù 84:11

Rak un devezh ez leurioù a zo gwelloc'h eget mil e lec'h all. Gwelloc'h eo din en em zerc'hel war dreuzoù ti va Doue, eget bezañ o chom e teltennoù ar re zrouk,

Salmoù 84:9

AOTROU, Doue an armeoù, selaou va fedenn! Doue Jakob, ro da skouarn!

Salmoù 86:14

O Doue, tud lorc'hus a sav a-enep din, un engroez a dud rok a glask va buhez, n'o deus ket ac'hanout dirak o daoulagad.

Salmoù 9:10

An AOTROU a zo ur repu evit an hini gwasket, ur repu en amzer an estrenvan.

Salmoù 9:9

Barn a raio ar bed gant reizhder, barn a raio ar pobloù gant eeunder.

Ermaeziadeg 15:2

An AOTROU eo va nerzh ha va meuleudi. Bet eo va dieuber. Va Doue eo, e veuliñ a rin. Doue va zad eo, e ganmeuliñ a rin.

Krennlavarioù 18:10

Anv an AOTROU a zo un tour kreñv, an den reizh a red ennañ hag emañ e surentez.

Krennlavarioù 30:5

Pep ger Doue a zo glan. Ur skoed eo d'ar re a laka o fiziañs ennañ.

Izaia 12:2

Setu, Doue eo va silvidigezh. Fiziañs am bo ha ne'm bo ket aon, an AOTROU, an AOTROU, eo va nerzh ha va meuleudi, ha bet eo va Salver.

Izaia 32:2

Pep hini anezho a vo evel ur gwasked ouzh an avel hag ur vod ouzh ar glav, evel gwazhioù-dour en ul lec'h sec'h, evel skeud ur roc'h vras war un douar kras.

Izaia 45:21

Disklêriit, lakait anezho da zont, en em guzuilhit kenetrezoc'h! Piv en deus roet da glevout an traoù-se abaoe ar penn-kentañ, hag en deus o disklêriet abaoe pell 'zo? Ha n'eo ket me, an AOTROU? N'eus doue all ebet estregedon. Un Doue reizh hag a salv, n'eus ket unan all estregedon.

Jeremiaz 16:19

AOTROU, va nerzh, va c'hreñvder, va repu en deiz an estrenvan, ar broadoù a zeuio da'z kavout eus pennoù an douar, hag e lavarint: Hon tadoù o deus bet da hêrezh gevier ha mogidelloù, traoù hep gounid.

Jeremiaz 16:9

Rak evel-henn e komz AOTROU an armeoù, Doue Israel: Setu ez an da lakaat da baouez el lec'h-mañ, dirak ho taoulagad hag en ho teizioù, mouezh a joa ha mouezh a levenez, mouezh ar paotr-nevez ha mouezh ar plac'h-nevez.

Sant Lucas 1:47

ha va spered en em laouena e Doue va Salver,

Sant Lucas 1:69

dre m’en deus savet deomp ur c’horn a Silividigezh e tiegezh David e servijer,

Sant Lucas 1:71

Silvidigezh eus hon enebourien hag eus dorn ar re holl a gasa ac’hanomp,

Adlezenn 32:37

Lavarout a raio: Pelec'h emañ o doueoù, ar roc'h ma fizient ennañ,

Adlezenn 32:4

Eñ eo ar roc'h, e oberoù a zo peurvat, e holl hentoù a zo ur varnedigezh, un Doue leal eo, hep direizhder, gwirion hag eeun.

Adlezenn 33:29

Eürus out, Israel! Piv eo ar bobl a zo heñvel ouzhit, pobl saveteet gant an AOTROU, skoed da sikour, ha kleze da veurded? Da enebourien a vo doñvaet, ha te a vac'ho gant da dreid o lec'hioù uhel.

Titus 3:4

Met pa’z eo en em ziskouezet madelezh Doue hor Salver hag e garantez evit an dud,

Titus 3:6

en deus skuilhet gant pinvidigezh warnomp dre Jezuz-Krist hor Salver,

Hebreed 2:13

ha c’hoazh: Me en em fizio ennañ, ha c’hoazh: Setu me amañ, me hag ar vugale en deus Doue roet din.

1 Samuel 2:1

Neuze Anna a bedas hag a lavaras: Va c'halon a laouena en AOTROU , va c'horn a zo savet gant an AOTROU , va genoù a zigor a-enep va enebourien, dre ma'z on laouen ez silvidigezh.

1 Samuel 2:2

Nikun n'eo santel evel an AOTROU , n'eus hini all ebet nemedout, n'eus roc'h ebet evel hon Doue.