1 Samuel 25:2 - Bibl Koad 21: Ar Bibl e Brezhoneg evit ar Vretoned

² E Maon e oa un den o kaout madoù e Karmel. Hag an den-mañ a oa pinvidik-meurbet, tri mil dañvad ha mil gavr a oa dezhañ. Hag e oa e Karmel evit touzañ e zeñved.

1 Samuel 25:2 Referencias Cruzadas

Geneliezh 13:2

Abram a oa gwall binvidik e tropelloù, en arc'hant hag en aour.

Geneliezh 26:13

An den-se a zeuas da vezañ bras, hag ez ae bepred en ur greskiñ betek ma teuas da vezañ gwall binvidik.

Geneliezh 31:19

Laban a oa aet da douzañ e zeñved ha Rachel a laeras terafim he zad.

Geneliezh 32:14

daou c'hant gavr hag ugent bouc'h, daou c'hant dañvadez hag ugent maout,

Geneliezh 38:13

Ar c'heloù a voe roet da Damar, o lavarout: Setu, da dad-kaer a bign da Dimna da douzañ e zeñved.

2 Samuel 19:32

Barzilhai a oa kozh-meurbet, oadet a bevar-ugent vloaz. Pourvezet en doa boued d'ar roue pa oa o chom e Mahanaim, rak un den pinvidik-tre e oa.

Levr Job 1:3

Hag e perc'henne seizh mil dañvad, tri mil kañval, pemp kant koublad ejened, pemp kant azenez, hag un niver bras a servijerien. An den-se a oa ar brasañ eus mibien ar sav-heol.

Levr Job 42:12

An AOTROU a vennigas amzer diwezhañ Job muioc'h eget e amzer gentañ. Hag e perc'hennas pevarzek mil dañvad, c'hwec'h mil kañval, mil koublad ejened ha mil azenez.

Salmoù 17:14

Dre da zorn, AOTROU, dieub diouzh an dud, diouzh tud ar bed-mañ; o lodenn a zo er vuhez-mañ, leuniañ a rez o c'hof gant da vadoù, o mibien a zo leuniet hag e lezont an nemorant d'o bugale-vihan.

Krennlavarioù 30:22

en abeg d'ur servijer a zeu da ren, en abeg d'un diskiant leuniet a voued,

Jozue 15:55

Maon, Karmel, Zif, Juta,

1 Samuel 15:12

Samuel a savas mintin mat evit mont da gavout Saül. Hag e voe danevellet da Samuel o lavarout: Deuet eo Saül da Garmel, ha setu, savet en deus eno ur maen-eñvor, ha goude eo distroet, hag o tremen e-biou eo diskennet da Gilgal.

1 Samuel 23:24

Sevel a rejont eta hag ez ejont da Zif, a-raok Saül. Met David hag e dud a oa e gouelec'h Maon, er blaenenn, e kreisteiz al lec'h distro.

1 Samuel 30:5

Div wreg David a oa bet tapet, Akinoam eus Jizreel hag Abigail gwreg Nabal eus Karmel.