1 Samuel 2:3 - Bibl Koad 21: Ar Bibl e Brezhoneg evit ar Vretoned

³ Na lavarit ket kement a gomzoù rok. Ra ne zeuio ket komzoù balc'h eus ho kenoù, rak an AOTROU eo un Doue a anavez pep tra, ha gantañ eo pouezet an oberoù.

1 Samuel 2:3 Referencias Cruzadas

1 Rouaned 8:39

selaou anezho eus an neñvoù, eus al lec'h emaout o chom, pardon, gra, ha ro da bep hini hervez e holl hentoù, te hag a anavez e galon, rak te da-unan a anavez kalonoù mibien an dud.

Levr Job 31:6

ra bouezo Doue ac'hanon gant ur valañs just, hag ec'h anavezo va eeunder.

Salmoù 147:5

Meur eo hon Aotrou, e c'halloud a zo bras, e skiant a zo divent.

Salmoù 17:10

Serriñ a reont o c'halonoù kaledet, o genoù a gomz gant rogentez.

Salmoù 31:18

AOTROU, ra ne vin ket mezhek rak da aspedet em eus, ra vo mezhek ar re zrouk, ma vo o genoù serret e lec'h ar marv!

Salmoù 44:21

Mar hor bije ankounac'haet anv hon Doue, hag astennet hon daouarn etrezek un doue estren,

Salmoù 75:5

Lavaret em eus d'ar re lorc'hus: Na fougeit ket! Ha d'ar re zrouk: Na savit ket ho korn!

Salmoù 94:4

Betek pegoulz e stlabezo an holl vicherourien a zireizhder komzoù fall, hag en em veulint?

Krennlavarioù 16:2

Holl hentoù an den a seblant glan dezhañ, an AOTROU eo a bouez ar speredoù.

Krennlavarioù 24:12

Mar lavarez: Setu, n'hon eus ket anavezet, ha ne glevo ket an hini a bouez ar c'halonoù? Ha ne ouezo ket an hini a ziwall da ene? Ha ne roio ket en-dro da bep hini hervez e oberennoù?

Krennlavarioù 8:13

Doujañs an AOTROU eo kasoni an droug. Kasaat a ran al lorc'h, ar rogentez, an hent drouk hag ar genoù fall.

Izaia 26:7

Hent an hini reizh a zo eeun, hag e plaenaez e hent d'an den reizh.

Izaia 37:23

Piv ac'h eus dismegañset ha goapaet? A-enep piv ec'h eus savet da vouezh, ha douget d'an nec'h da zaoulagad? A-enep Sant Israel eo.

Jeremiaz 17:10

Me an AOTROU a furch ar galon hag a amprou al lounezhi, evit reiñ da bep hini hervez e hentoù, hervez frouezh e oberoù.

Ezekiel 35:13

Daeet hoc'h eus ac'hanon gant ho kenoù, ha liesaet hoc'h eus ho komzoù a-enep din, ha klevet em eus.

Daniel 4:37

Bremañ eta, me Nebukadnezar a veul, a uhela hag a ro gloar da Roue an neñvoù, a zo reizh e holl oberennoù hag eeun e hentoù. Eñ a c'hell izelaat ar re a gerzh gant lorc'h.

Daniel 5:27

TEKEL: pouezet out bet er valañs ha kavet skañv.

Malaki 3:13

Ho komzoù a zo garv a-enep din, eme an AOTROU. Hag e lavarit: Petra hon eus lavaret a-enep dit?

Hebreed 4:12

Rak ger Doue a zo bev ha nerzhus, lemmoc’h eget kleze a zaou droc’h ebet, o treuziñ betek disparti an ene diouzh ar spered, ar juntoù diouzh ar mel, hag o merzhout soñjezonoù ha mennadoù ar galon.

Jozue 22:22

Doue, an AOTROU Doue, Doue, an AOTROU Doue a anavez, hag Israel a anavezo, mard eo dre zispac'h ha mard eo evit un torfed a-enep an AOTROU , na zeuio ket eñ d'hor sikour hiziv!

Apocalyps 2:23

Lakaat a rin he bugale da vervel eus ar marv, hag an holl Ilizoù a ouezo penaos ez on an hini a furch al lounezhi hag ar c’halonoù. Reiñ a rin da bep hini ac’hanoc’h hervez e oberoù.

Ar Varnerien 9:38

Zebul a lavaras: Pelec'h emañ bremañ da vrabañserezh pa lavare: Piv eo Abimelek, ma servijfemp anezhañ? Ha n'emañ ket aze ar bobl a zisprizes? Kae bremañ d'ober brezel en o enep!

1 Samuel 16:7

Met an AOTROU a lavaras da Samuel: Na laka ket evezh ouzh e zremm nag ouzh uhelder e vent, rak taolet em eus kuit anezhañ. An AOTROU ne wel ket evel ma wel an den. An den a sell ouzh diavaez an dud, met an AOTROU a sell ouzh ar galon.