1 Samuel 2:2 - Bibl Koad 21: Ar Bibl e Brezhoneg evit ar Vretoned

² Nikun n'eo santel evel an AOTROU , n'eus hini all ebet nemedout, n'eus roc'h ebet evel hon Doue.

1 Samuel 2:2 Referencias Cruzadas

2 Samuel 22:3

O Doue, va roc'h a gavan bod enni! Va skoed hag an nerzh am dieub, va repu uhel ha va minic'hi! Va Salver, te a ziwall ac'hanon diouzh ar feulster.

2 Samuel 22:32

Rak piv a zo Doue, nemet an AOTROU, ha piv a zo ur roc'h, nemet hon Doue?

2 Samuel 7:22

Evel-se out bras, AOTROU Doue! Rak nikun n'eo heñvel ouzhit, ha n'eus Doue all ebet nemedout, hervez kement hon eus klevet gant hon divskouarn.

1 Rouaned 8:23

hag e lavaras: O AOTROU Doue Israel! N'eus Doue ebet eveldout, na d'an nec'h en neñvoù na d'an traoñ war an douar, o virout an emglev hag an drugarez e-keñver da servijerien a gerzh dirazout a-greiz o holl galon.

Salmoù 111:9

Kaset en deus an dasprenadur d'e bobl, diazezet en deus e emglev da viken. E anv a zo santel ha spontus.

Salmoù 18:2

Lavarout a reas: Karout a rin ac'hanout, o AOTROU, va nerzh!

Salmoù 18:31

Hent Doue a zo peurvat, ger an AOTROU a zo amprouet. Ur skoed eo evit an holl re a laka o fiziañs ennañ.

Salmoù 71:19

ha da reizhder savet uhel, o Doue! Ober a rez traoù bras, o Doue, piv a zo heñvel ouzhit?

Salmoù 71:3

Bez evidon ur roc'h a vodenn, e-lec’h ma c'hellin atav en em denn. Urzhiet ec'h eus ma vefen salvet, rak te eo va roc'h ha va c'hreñvlec'h.

Salmoù 73:25

Piv all am eus en neñv nemedout? Ne gavan plijadur nemet ennout war an douar.

Salmoù 86:8

Aotrou, nikun e-touez an doueoù n'eo eveldout, ha n'eus ket a oberennoù evel da re.

Salmoù 89:6

An neñvoù, o AOTROU, a veul da vurzhudoù, ha da fealded e bodadeg ar sent.

Salmoù 89:8

Doue a zo spouronus e bodadeg ar sent, spontusoc'h eget an holl re a zo en-dro dezhañ.

Salmoù 99:3

Ra vo meulet e anv bras ha spontus, rak santel eo.

Salmoù 99:5

Kanmeulit an AOTROU hon Doue, stouit dirak skabell e dreid, rak santel eo.

Salmoù 99:9

Kanmeulit an AOTROU hon Doue, stouit dirak menez e santelezh, rak an AOTROU hon Doue a zo santel.

Ermaeziadeg 15:11

Piv a zo eveldout e-touez an doueoù, o AOTROU? Piv a zo eveldout meurdezus e santelezh, din a veuleudioù, oc'h ober burzhudoù?

Izaia 40:18

Ouzh piv ec'h hañvalot Doue? Gant peseurt heñveledigezh e keñveriot anezhañ?

Izaia 44:6

Evel-henn e komz an AOTROU, Roue Israel hag e zasprener, AOTROU an armeoù: Me eo ar c'hentañ ha me eo an diwezhañ, ha n'eus Doue all ebet estregedon.

Izaia 44:8

N'ho pet ket aon ha na vezit ket spontet. Ha ne'm eus ket e roet da anavezout dit ha kemennet abaoe pell 'zo? C'hwi a zo va zestoù: Hag-eñ ez eus un doue estregedon? N'eus ket ur roc'h all, n'anavezan ket unan all.

Izaia 57:15

Evel-henn e komz an Uhel-Meurbet, hag a zo o chom er beurbadelezh, hag a zo santel e anv: Emaon o chom en ul lec'h uhel ha santel, hag ivez gant an den glac'haret hag uvel a spered, evit bevaat spered ar re zilorc'h hag evit bevaat kalon ar re c'hlac'haret.

Izaia 6:3

Krial a raent an eil d'egile, hag e lavarent: Santel, santel, santel eo AOTROU an armeoù! An douar holl a zo leuniet gant e c'hloar!

Jeremiaz 10:6

Den n'eo heñvel ouzhit, AOTROU! Te a zo bras, ha da anv a zo bras e galloud.

Leviegezh 11:44

Rak me eo an AOTROU ho Toue; c’hwi en em santelaio hag e viot santel rak me a zo santel. N’en em lakait ket dic’hlan en abeg da hini ebet eus ar stlejviled a ruz war an douar.

Leviegezh 11:45

Rak me eo an AOTROU en deus ho lakaet da bignat eus bro Ejipt evit bezañ ho Toue, hag e viot santel rak me a zo santel.

Leviegezh 19:2

Komz da holl vodadenn mibien Israel ha lavar: Bezit santel rak me a zo santel, me, an AOTROU ho Toue.

Romaned 15:4

Rak kement a zo bet skrivet gwechall, a zo bet skrivet evit hor c’helennadurezh, evit m’hor bo an esperañs dre ar basianted hag ar frealz eus ar Skriturioù.

Romaned 4:8

Eürus an den na gonto ket dezhañ an Aotrou e bec’hed!

Adlezenn 3:24

Aotrou AOTROU, kroget ec'h eus da ziskouez da'z servijer da vraster ha da zorn kreñv, rak pehini eo an doue, en neñv ha war an douar, a c'hellfe seveniñ oberennoù ha burzhudoù heñvel ouzh da re?

Adlezenn 32:20

Lavaret en deus: Kuzhat a rin va dremm outo, hag e welin penaos e vo o diwezh, rak ur rummad fall ez int, mibien diskredik.

Adlezenn 32:39

Gwelit bremañ penaos eo me va-unan eo me, ha penaos n'eus doue all ebet nemedon. Me a ra mervel ha bevañ, me a c'hloaz hag a yac'ha, ha n'eus den hag a c'hell dieubiñ eus va dorn.

Adlezenn 32:4

Eñ eo ar roc'h, e oberoù a zo peurvat, e holl hentoù a zo ur varnedigezh, un Doue leal eo, hep direizhder, gwirion hag eeun.

Adlezenn 4:35

Diskouezet eo bet dit evit ma'c'h anavezi penaos eo Doue an AOTROU, ha n'eus hini all ebet nemetañ.

Adlezenn 4:39

Gouez eta hiziv ha merk ez kalon penaos eo Doue an AOTROU, d'an nec'h en neñv ha d'an traoñ war an douar, ha n'eus hini all ebet nemetañ,

1 Pêr 1:16

rak skrivet eo: Bezit santel, rak me a zo santel.