1 Samuel 17:34 - Bibl Koad 21: Ar Bibl e Brezhoneg evit ar Vretoned

³⁴ David a lavaras da Saül: Pa vêsae da servijer deñved e dad, e teue ul leon pe un arzh a gemere un dañvad eus an tropell.

1 Samuel 17:34 Referencias Cruzadas

Geneliezh 31:39

Ne'm eus ket degaset dit loen diframmet ebet, va-unan am eus gouzañvet ar c'holl anezhi. Eus va dorn e c'houlennes ar pezh laeret en deiz hag ar pezh laeret en noz.

2 Samuel 17:8

Hag Hushai a lavaras: Anavezout a rez da dad hag e dud, tud kadarn ez int, o c'halon a zo c'hwerv, evel un arzhez a vefe kemeret he reoù vihan diganti er parkeier. Ha da dad a zo un den a vrezel na dremeno ket an noz gant ar bobl.

2 Samuel 23:20

Benaja mab Jehojada, mab un den kadarn eus Kabzeel, en doa graet oberoù bras. Skeiñ a reas war zaou zen eus ar re c'halloudusañ eus Moab. Diskenn a reas ivez hag e skoas war ul leon e-kreiz ur poull, un devezh erc'h.

1 Danevelloù 11:22

Benaja mab Jehojada, mab un den kadarn eus Kabzeel, en doa graet oberoù bras. Lazhañ a reas daou zen eus ar re c'halloudusañ eus Moab. Diskenn a reas ivez hag e skoas war ul leon e-kreiz ur poull, un devezh erc'h.

Salmoù 143:5

Soñj am eus eus an deizioù a-wechall, prederiañ a ran war da holl oberennoù, en em soñjal a ran e labourioù da zaouarn.

Ezekiel 34:12

Evel ma klask ar mêsaer e dropell en deiz ma'z emañ e-kreiz e zeñved stlabezet, evel-se e klaskin va deñved, dastum a rin anezho eus an holl lec'hioù ma vint bet strewet en devezh a goumoul hag a deñvalijenn.

Amoz 3:12

Evel-henn e komz an AOTROU: Evel ma savete ar mesaer diouzh genoù al leon div c'har pe un tamm skouarn, evel-se e vo saveteet mibien Israel a zo azezet e Samaria war gorn ur gwele ha war ur ballenn eus Damask.

Zakaria 11:16

Rak setu ez an da sevel er vro ur mêsaer na welo ket ar re a ya da goll, na glasko ket ar re a zo yaouank, na bareo ket ar re a zo gouliet, na vesaio ket ar re a zo yac'h. Met debriñ a raio a re lartañ, hag e tiframmo diouto betek o ivinoù.

Zakaria 9:7

Lemel a rin o gwad eus o genoù, hag o euzhusted a-douez o dent. Met int ivez o devo evit hon Doue un nemorant a vo evel ur penn e Juda, hag Ekron a vo evel ar Jebuziz.

Sant Lucas 2:8

Bez’ e oa en hevelep korn-bro mesaerien a gouske er parkeier hag a ziwalle o loened e-pad beilhadennoù an noz.

Sant Ian 10:11

Me eo ar mesaer mat. Ar mesaer mat a ro e vuhez evit e zeñved.

Romaned 5:4

an dalc’husted ar vertuz amprouet, hag ar vertuz amprouet an esperañs.

Hebreed 11:33

dre ar feiz o deus trec’het rouantelezhioù, o deus embreget ar reizhder, o deus resevet ar madoù prometet, o deus serret genoù al leoned,

Apocalyps 13:2

Al loen a welis a oa heñvel ouzh ul loupard, e dreid a oa evel re un arzh, e c’henoù evel genoù ul leon. An aerouant a roas dezhañ e nerzh, e dron hag ur galloud bras.

Ar Varnerien 14:6

Spered an AOTROU a grogas e Samzun, hag e tispennas anezhañ evel ma tispenner ur menn-gavr, hep netra en e zorn. Met ne lavaras na d'e dad na d'e vamm ar pezh en doa graet.

1 Samuel 17:15

David a yae hag a zistroe digant Saül da vêsa deñved e dad e Betlehem.

1 Samuel 17:33

Met Saül a lavaras da Zavid: Ne c'hellez ket mont a-enep ar Filistin-se evit en em gannañ gantañ, n'out nemet un den yaouank, hag eñ eo un den a vrezel abaoe e yaouankiz.

1 Samuel 17:35

Hag ez aen war e lerc'h, e skoen warnañ, hag e tennen an dañvad eus e c'henoù. Ha pa save em enep, e krogen en e javed, e skoen warnañ hag e lazhen anezhañ.