1 Samuel 10:10 - Bibl Koad 21: Ar Bibl e Brezhoneg evit ar Vretoned

¹⁰ Pa'c'h errujont e Gibea, setu, ur bagad profeded en em gavas dirazañ. Ha Spered an AOTROU a grogas ennañ, hag e profedas en o zouez.

1 Samuel 10:10 Referencias Cruzadas

Ar Varnerien 15:14

Pa erruas da Lehi ar Filistined a laoskas kriadennoù a levenez en arbenn dezhañ. Spered an AOTROU a grogas ennañ, ar c'herdin a oa war e zivrec'h a zeuas da vezañ evel lin devet en tan, hag e ereoù a gouezhas diwar e zaouarn.

Ar Varnerien 3:10

Spered an AOTROU a voe warnañ, hag e varnas Israel, hag ez eas d'ar brezel. An AOTROU a lakaas Kushan-Rishataim roue Mezopotamia etre e zaouarn, hag e zorn a voe galloudus a-enep Kushan-Rishataim.

1 Samuel 11:6

Spered Doue a grogas e Saül pa glevas ar c'homzoù-se, hag e gounnar a entanas meurbet.

1 Samuel 16:13

Neuze Samuel a gemeras ar c'horn eoul hag a olevas anezhañ e-touez e vreudeur. Hag adalek an deiz-se e krogas Spered an AOTROU en David. Ha Samuel a savas hag a yeas da Rama.

1 Samuel 2:35

Me a lakaio din un aberzhour feal, unan hag a raio hervez va c'halon ha va ene. Hag e savin dezhañ un ti padus, hag e kerzho dirak va olevad da viken.