1 Samuel 10:9 - Bibl Koad 21: Ar Bibl e Brezhoneg evit ar Vretoned

⁹ Kerkent ha m'en doa troet e gein evit mont kuit digant Samuel, Doue a gemmas dezhañ e galon evit unan all, hag an holl arouezioù a c’hoarvezas gantañ en deiz-se.

1 Samuel 10:9 Referencias Cruzadas

Ezekiel 36:26

Hag e roin deoc'h ur galon nevez, hag e lakain ur spered nevez en ho tiabarzh. Dilemel a rin ar galon vaen diouzh ho korf, hag e roin deoc'h ur galon kig.

Sant Marc 14:16

E ziskibien a yeas kuit, a zeuas e kêr hag a gavas an traoù evel m’en doa lavaret dezho. Hag e kempennjont ar Pask.

Ar Varnerien 6:21

Ael an AOTROU a astennas beg ar vazh a oa en e zorn, hag a stokas ouzh ar c'hig hag ar gwestell hep goell. An tan a bignas eus ar roc'h hag a zevas ar c'hig hag ar gwestell hep goell. Hag ael an AOTROU a yeas kuit a-zirak e zaoulagad.

Ar Varnerien 7:11

Hag e klevi ar pezh a lavarint ha da zaouarn a vo nerzhet; diskenn d'ar c'hamp. Diskenn a reas eta gant Pura e servijer, betek gward a-raok ar c'hamp.

1 Samuel 16:13

Neuze Samuel a gemeras ar c'horn eoul hag a olevas anezhañ e-touez e vreudeur. Hag adalek an deiz-se e krogas Spered an AOTROU en David. Ha Samuel a savas hag a yeas da Rama.

1 Samuel 2:35

Me a lakaio din un aberzhour feal, unan hag a raio hervez va c'halon ha va ene. Hag e savin dezhañ un ti padus, hag e kerzho dirak va olevad da viken.