1 Rouaned 21:4 - Bibl Koad 21: Ar Bibl e Brezhoneg evit ar Vretoned

⁴ Akab a zistroas d'e di, glac'haret ha kounnaret gant ar gomz en doa lavaret dezhañ Nabod eus Jizreel, p'en doa respontet: Ne roin ket dit hêrezh va zadoù. Hag e c'hourvezas war e wele, e tistroas e zremm, ha ne zebras netra.

1 Rouaned 21:4 Referencias Cruzadas

2 Samuel 13:2

Amnon a oa trubuilhet betek bezañ klañv en abeg da Damar e c'hoar, hag hi a oa gwerc'h. Hag e seblante re ziaes da Amnon kaout tra ebet diouti.

2 Samuel 13:4

Lavarout a reas dezhañ: Mab roue, perak e treutaez evel-se a zeiz da zeiz? Ha ne zisklêri ket din? Amnon a lavaras dezhañ: Karout a ran Tamar c'hoar va breur Absalom.

1 Rouaned 20:43

Ha roue Israel a yeas d'e di, glac'haret ha kounnaret, hag e teuas da Samaria.

1 Rouaned 21:1

Goude an traoù-se, Nabod eus Jizreel o kaout ur winienn e Jizreel, e-kichen palez Akab roue Samaria,

1 Rouaned 21:3

Met Nabod a respontas da Akab: Ra ziwallo an AOTROU ac'hanon da reiñ dit hêrezh va zadoù.

1 Rouaned 21:5

Jezabel e wreg a zeuas d'e gavout hag a lavaras dezhañ: Perak eo glac'haret da spered ha ne zebrez ket?

Ester 5:13

Met kement-se holl n'eo ket a-walc'h din, e-keit ha ma welin Mardoke ar Yuzev azezet ouzh dor ar roue.

Levr Job 5:2

Ar vuanegezh a lazh an diskiant, an desped a laka ar sod da vervel.

Ar Prezeger 6:9

Gwelloc'h eo ar pezh a zo gwelet gant an daoulagad eget ar c'hoantoù goullo. Kement-se ivez a zo avel ha poan spered.

Jonaz 4:1

Displijet kalz eo bet Jonaz gant kement-se, hag ez eas droug ennañ.

Jonaz 4:4

An AOTROU a lavaras dezhañ: Hag e rez mat o fuloriñ?

Jonaz 4:8

Pa savas an heol, Doue a lakaas un avel domm da c'hwezhañ eus ar sav-heol, hag an heol a skoas war benn Jonaz, en doare ma vagane. Hag e c'houlennas ar marv o lavarout: Gwelloc'h eo din ar marv eget ar vuhez.

Jonaz 4:9

Ha Doue a lavaras da Jonaz: Hag e rez mat o fuloriñ abalamour d'ar risin? Hag e respontas: Ober a ran mat o fuloriñ betek ar marv.

Efeziz 4:27

ha na roit ket digor d’an diaoul.

S. Jakes 1:14

Met pep hini a zo temptet pa’z eo sachet hag hualet gant e zroukc’hoant e-unan.

1 Samuel 28:23

Ha ne fellas ket dezhañ, hag e lavaras: Ne zebrin ket. Met e servijerien, hag ar vaouez ivez, a zalc'has warnañ, hag e sentas outo. Sevel a reas eus an douar hag ec'h azezas war ar gwele.