1 Rouaned 2:29 - Bibl Koad 21: Ar Bibl e Brezhoneg evit ar Vretoned

²⁹ Lavaret e voe d'ar roue Salomon e oa tec'het Joab e teltenn an AOTROU, ha setu, e-kichen an aoter. Salomon a gasa Benaja mab Jehojada, en ur lavarout dezhañ: Kae, ha sko warnañ.

1 Rouaned 2:29 Referencias Cruzadas

2 Samuel 8:18

Benaja mab Jehojada a oa penn ar Geretiz hag ar Beletiz, mibien David a oa e gentañ ofiserien.

1 Rouaned 2:25

Ar roue Salomon a roas urzh da Venaja mab Jehojada, a skoas warnañ, hag e varvas.

1 Rouaned 2:30

Benaja a zeuas da deltenn an AOTROU hag a lavaras: Evel-henn e lavar ar roue: Deus er-maez! Eñ a lavaras: Nann, amañ e varvin. Benaja en disklêrias d'ar roue o lavarout: Joab en deus komzet evel-se ha respontet evel-se.

1 Rouaned 2:31

Ar roue a lavaras dezhañ: Gra evel m'en deus lavaret, sko warnañ ha sebeilh anezhañ, hag e lami diwarnon ha diwar ti va zad ar gwad en deus Joab skuilhet hep abeg.

1 Rouaned 2:46

Ar roue Salomon a roas urzh da Venaja mab Jehojada, a yeas hag a skoas warnañ, hag e varvas. Hag ar rouantelezh a voe startaet etre daouarn Salomon.

Ermaeziadeg 21:14

Met mard eo unan bennak en em savet a-enep e nesañ evit e lazhañ dre douellerezh, e tapi anezhañ, diouzh va aoter zoken, evit ma vo lakaet d'ar marv.

Krennlavarioù 28:17

An den a zo karget gant gwad unan all a dec'ho betek ar poull, ra ne zalc'ho den anezhañ!

Ezekiel 9:6

Lazhit anezho holl betek an distruj: tud kozh, tud yaouank, gwerc'hezed, bugale, maouezed; met na dostait ket ouzh kement hini a zougo ar merk; krogit gant va santual. Kregiñ a rejont gant ar re gozh a oa dirak an ti.

1 Pêr 4:17

Rak an amzer a zeu ma tle ar varn kregiñ gant ti Doue. Ha mar krog ganeomp-ni, petra a vo diwezh ar re na sentont ket ouzh Aviel Doue?