1 Rouaned 2:24 - Bibl Koad 21: Ar Bibl e Brezhoneg evit ar Vretoned

²⁴ Ha bremañ, bev eo an AOTROU en deus va lakaet da azezañ war dron David va zad, hag en deus graet din un ti, evel m'en doa lavaret! A-dra-sur Adonija a vo lakaet d'ar marv hiziv.

1 Rouaned 2:24 Referencias Cruzadas

2 Samuel 12:10

Ha bremañ ar c'hleze ne bellaio biken diouzh da di, dre ma ec'h eus disprizet ac'hanon, ha ma ec'h eus kemeret gwreg Uri an Hitit evit ma vefe da wreg.

2 Samuel 7:27

Rak te da-unan, AOTROU an armeoù Doue Israel, te ac'h eus disklêriet an traoù-se da'z servijer o lavarout: Me a savo dit un ti! Setu perak da servijer en deus kavet an hardizhegezh d'ober dit ar bedenn-mañ.

1 Rouaned 1:29

Neuze ar roue a touas hag a lavaras: Bev eo an AOTROU, en deus dieubet va ene eus pep enkrez!

1 Rouaned 1:46

Salomon a zo azezet war dron ar rouantelezh.

1 Rouaned 1:52

Salomon a lavaras: Ma en em ren evel un den kenañ, ne gouezho ket ur vlevenn dezhañ d'an douar, met ma en em gav droug ennañ, e varvo.

1 Rouaned 10:9

Ra vo benniget an AOTROU da Zoue, en deus kavet e blijadur ennout, evit da lakaat war dron Israel! Dre m'en deus karet an AOTROU Israel da viken, eo en deus da lakaet da roue, evit ober eeunder ha reizhder.

1 Danevelloù 17:10

abaoe an deizioù ma em eus lakaet barnerien war va fobl Israel. Izelaet em eus da holl enebourien, hag e kemennan dit penaos an AOTROU a savo un ti dit.

1 Danevelloù 17:17

Met nebeut a dra eo da'z taoulagad, o Doue! Komzet ec'h eus diwar-benn ti da servijer evit un amzer bell, hag ec'h eus sellet ouzhin evel ouzh un den a renk uhel, o AOTROU Doue!

1 Danevelloù 17:23

Ha bremañ, AOTROU , ra vo start da viken an traoù ac'h eus disklêriet diwar-benn da servijer hag e di, ha gra evel ma ec'h eus lavaret!

1 Danevelloù 22:10

Eñ eo a savo un ti da'm anv. Eñ a vo evidon ur mab, ha me a vo evitañ un tad, hag e startain tron e rouantelezh war Israel da viken.

1 Danevelloù 29:23

Salomon a azezas eta war dron an AOTROU evel roue, e lec'h David e dad, hag e reas berzh, hag holl Israel a sente outañ.

Salmoù 127:1

Kanaouenn ar "Maalod"; eus Salomon. Ma ne sav ket an AOTROU an ti, ar re en sav a labour en aner. Ma ne ziwall ket an AOTROU kêr, an hini he diwall a evesha en aner.

Ermaeziadeg 1:21

Dre m'o doa doujet an amiegezed Doue, e roas dezho tiegezhioù.

Krennlavarioù 20:2

Gourdrouz ar roue a zo evel yudadenn al leon yaouank, an hini a hegas anezhañ a bec'h a-enep dezhañ e-unan.

1 Samuel 25:28

Pardon mar plij fazi da servijerez, rak an AOTROU ne vanko ket da reiñ da'm aotrou un ti dalc'hus, dre ma ren va aotrou brezelioù an AOTROU , ha ma n'eus bet kavet drougiezh ebet ennout da vuhez-pad.