1 Rouaned 13:6 - Bibl Koad 21: Ar Bibl e Brezhoneg evit ar Vretoned

⁶ Hag e stagas da gomz ar roue o lavarout d'an den Doue: Galv, mar plij, an AOTROU da Zoue, ha ped evidon evit ma c'hello va dorn dont en-dro din. Hag an den Doue a c'halvas an AOTROU, ha dorn ar roue a c'hellas distreiñ dezhañ, evel ma voe diagent.

1 Rouaned 13:6 Referencias Cruzadas

1 Rouaned 13:5

An aoter a faoutas, hag al ludu a oa warni a voe skuilhet, hervez an arouez en doa roet an den Doue a-berzh komz an AOTROU.

Salmoù 119:58

Da bedet em eus a-greiz va c'halon: Az pez truez ouzhin hervez da bromesa!

Ermaeziadeg 10:17

Met bremañ, pardon va fec'hed, me az ped, evit ar wech-mañ hepken, ha pedit an AOTROU ho Toue, evit ma pellaio diouzhin ar marv-mañ hepken.

Ermaeziadeg 12:32

kemerit ivez ho teñved hag hoc'h ejened evel ma hoc'h eus lavaret, it, ha bennigit ivez ac'hanon.

Ermaeziadeg 8:28

Faraon a lavaras: Me ho lezo da vont da aberzhiñ d'an AOTROU ho Toue er gouelec'h, nemet ned eot ket pell. Pedit evidon.

Ermaeziadeg 8:4

Ar raned a bigno warnout, war da bobl ha war da holl servijerien.

Ermaeziadeg 8:8

Faraon a c'halvas Moizez hag Aaron, hag a lavaras: Pedit evidon an AOTROU , evit ma pellaio ar raned diouzhin ha diouzh va fobl, hag e lezin ar bobl da vont evit aberzhiñ d'an AOTROU .

Ermaeziadeg 9:28

Pedit an AOTROU , ha ma ne vo ken na kurunadoù na grizilh; me ho lezo da vont ha c'hwi ne chomot ket pelloc'h.

Jeremiaz 37:3

Koulskoude ar roue Sedesia a gasas Jukal mab Shelemia ha Sofonia mab Maaseja an aberzhour da gavout Jeremiaz ar profed ha da lavarout dezhañ: Erbed evidomp e-kichen an AOTROU hon Doue.

Zakaria 7:2

pa voe kaset da di Doue Sharezer, Regem-Melek hag e dud, evit aspediñ an AOTROU,

Niveroù 12:13

Moizez a grias d'an AOTROU o lavarout: O Doue, da bediñ a ran, yac'ha anezhi!

Niveroù 21:7

Ar bobl a zeuas da gavout Moizez hag a lavaras: Pec'het hon eus rak komzet hon eus a-enep an AOTROU hag a-enep dit. Ped an AOTROU ma pellaio diouzhomp an naered.

Mazhev 5:44

Met me a lavar deoc’h: Karit hoc’h enebourien, bennigit ar re a villig ac’hanoc’h, grit vad d’ar re a gasa ac’hanoc’h, ha pedit evit ar re ho kwallgas hag hoc’h heskin,

Sant Lucas 23:34

Jezuz a lavaras: Tad, pardon dezho, rak n’ouzont ket ar pezh a reont. Neuze e lodennjont e zilhad ouzh o zeurel d’ar sord.

Actou an Ebestel 7:60

O vezañ daoulinet, e krias gant ur vouezh kreñv: Aotrou, na laka ket ar pec’hed-mañ warno! O vezañ lavaret kement-se, e chomas kousket.

Actou an Ebestel 8:24

Simon a respontas: Pedit c’hwi an Aotrou evidon, evit na c’hoarvezo netra din eus ar pezh hoc’h eus lavaret.

Romaned 12:14

Bennigit ar re a heskin ac’hanoc’h, bennigit ha na villigit ket.

Romaned 12:21

Na vez ket trec’het gant an droug, met trec’h an droug gant ar mad.

Apocalyps 3:9

Setu, e roin dit reoù eus sinagogenn Satan, en em lavar Yuzevien ha n’int ket met a lavar gevier. Setu, me a lakaio anezho da zont evit ma taoulinint da’z treid ha ma ouezint penaos em eus da garet.

1 Samuel 12:19

Hag an holl bobl a lavaras da Samuel: Ped an AOTROU da Zoue evit da servijerien, evit na varvimp ket. Rak ouzhpennet hon eus d'hon holl bec'hedoù ar fallagriezh da vezañ goulennet ur roue evidomp.

1 Samuel 12:23

Evidon-me, pell diouzhin a bec'hiñ a-enep an AOTROU hag a baouez da bediñ evidoc'h. Met kelenn a rin deoc'h an hent mat hag eeun.