1 Rouaned 12:15 - Bibl Koad 21: Ar Bibl e Brezhoneg evit ar Vretoned

¹⁵ Ar roue ne selaouas ket eta ouzh ar bobl, ha kement-se a zeue a-berzh an AOTROU, evit ma vefe sevenet ar gomz en doa lavaret an AOTROU da Jeroboam mab Nebad dre Akija eus Silo.

1 Rouaned 12:15 Referencias Cruzadas

Geneliezh 24:50

Laban ha Betuel a respontas hag a lavaras: An dra a zeu a-berzh an AOTROU, ne c'hellomp lavarout dit na fall na mad.

2 Samuel 17:14

Absalom hag holl dud Israel a lavaras: Kuzul Hushai an Arkiad a zo gwelloc'h eget kuzul Akitofel. Rak an AOTROU en doa divizet lakaat da gouezhañ kuzul Akitofel, hag a oa mat, evit ma teuio an droug war Absalom.

1 Rouaned 11:11

An AOTROU a lavaras da Salomon: Peogwir ec'h eus graet evel-se, ha ne'c'h eus ket miret va emglev ha va reolennoù am boa roet dit, e rogin a-dra-sur ar rouantelezh diwarnout, hag e roin anezhi da'z servijer.

1 Rouaned 12:24

Evel-henn e komz an AOTROU: N'it ket d'ober brezel a-enep ho preudeur mibien Israel, distroit pep hini ac'hanoc'h d'e di, rak kement-se a zeu eus va ferzh. Hag e sentjont ouzh komz an AOTROU, hag e tistrojont hervez komz an AOTROU.

1 Rouaned 22:23

Bremañ eta, setu, an AOTROU en deus lakaet ur spered a c'haou e genoù da brofeded, hag an AOTROU en deus disklêriet droug a-enep dit.

2 Rouned 10:10

Gouezit bremañ na gouezho netra d'an douar eus komz an AOTROU, an hini en deus disklêriet an AOTROU a-enep ti Akab. An AOTROU en deus graet ar pezh en doa lavaret dre e servijer Elia.

2 Rouned 9:36

O vezañ distroet, en disklêrjont dezhañ. Hag e lavaras: Ar gomz eo, en doa disklêriet an AOTROU dre e servijer Elia an Tishbiad, o lavarout: War zouaroù Jizreel ar chas a zebro kig Jezabel,

2 Danevelloù 10:15

Ar roue ne selaouas ket ouzh ar bobl, ha kement-se a zeue a-berzh Doue, evit ma vefe sevenet ar gomz en doa lavaret an AOTROU da Jeroboam mab Nebad dre Akija eus Silo.

2 Danevelloù 22:7

Hag e voe evit e goll, en em gave a-berzh Doue, e teuas Akazia da gichen Joram. Pa voe erruet, ez eas gant Joram a-enep Jehu mab Nimshi, an hini olevet gant an AOTROU evit distrujañ ti Akab.

2 Danevelloù 25:16

Hag evel ma komze ouzh ar roue, ar roue a lavaras dezhañ: Hag out bet lakaet da guzulier ar roue? En em denn! Perak e vefe skoet warnout? Ar profed en em dennas en ur lavarout: Gouzout a ran en deus divizet Doue da zistrujañ ac'hanout, dre ma ec'h eus graet-se ha ne'c'h eus ket selaouet va ali.

2 Danevelloù 25:20

Met Amazia ne selaouas ket, rak kement-se a zeue a-berzh Doue, evit o lakaat etre daouarn Joaz, dre m'o doa klasket doueoù Edom.

Salmoù 5:10

Rak n'eus eeunder ebet en o genoù, n'eus nemet drougiezh en o c'halon, o c'horzailhenn a zo ur bez digor, loavañ a reont gant o zeod.

Daniel 4:35

Dirazañ holl annezidi an douar a zo kontet evel netra, ober a ra evel ma plij dezhañ, ken gant arme an neñvoù, ken gant annezidi an douar, ha n'eus den hag a c'hellfe herzel ouzh e zorn ha lavarout dezhañ: Petra ac'h eus graet?

Amoz 3:6

Hag e sono ar shofar en ur gêr hep na vo spontet ar bobl? Hag e c'hoarvezo ur gwalleur en ur gêr hep n'en devo e c'hraet an AOTROU?

Actou an Ebestel 2:23

an den-se, droukroet hervez ar mennad divizet ha ragouiziegezh Doue, kroget hoc’h eus ennañ, hag o vezañ e staget ouzh ar groaz dre zaouarn an dud fall, e lakaet hoc’h eus d’ar marv.

Actou an Ebestel 3:17

Bremañ, breudeur, gouzout a ran hoc’h eus graet kement-se dre ziouiziegezh, kenkoulz hag ho pennoù.

Actou an Ebestel 4:28

evit ober an holl draoù en deus da zorn ha da guzul merket a-raok da zleout bezañ graet.

Adlezenn 2:30

Sihon, roue Hesbon, ne fellas ket dezhañ hol lezel da dremen dre e vro, rak an AOTROU da Zoue en doa kaletaet e spered ha reudet e galon, evit lakaat anezhañ etre da zaouarn, evel m'emañ hiziv.

Ar Varnerien 14:4

E dad hag e vamm ne ouient ket e oa kement-se a-berzh an AOTROU, rak Samzun a glaske un abeg a-enep ar Filistined. En amzer-se ar Filistined a vestronie Israel.

1 Samuel 15:29

An hini hag a zo nerzh Israel ne c'haouiado ket ha n'en devo ket keuz, rak n'eo ket un den evit kaout keuz.