1 Pêr 5:9 - Bibl Koad 21: Ar Bibl e Brezhoneg evit ar Vretoned

⁹ Harpit outañ o vezañ start er feiz, o c’houzout penaos ho preudeur a zo er bed a c’houzañv an hevelep poanioù.

Testamant Nevez 1897 (Jenkins)

⁹ Stourmit outhan, o choum stard er feiz, o c’houzout penaos ho preudeur, pere a zo er bed, a c’houzanv ar memeus poaniou.

1 Pêr 5:9 Referencias Cruzadas

Sant Lucas 22:32

Met pedet em eus evidout evit na fallaio ket da feiz. Te eta, pa vi distroet, kreñva da vreudeur.

Sant Ian 16:33

Lavaret em eus deoc’h an traoù-mañ evit ma ho po ar peoc’h ennon. Trubuilhoù ho po er bed, met bezit kalonek, me am eus trec’het ar bed.

Actou an Ebestel 14:22

o kreñvaat eneoù an diskibien, oc’h aliañ anezho da genderc’hel er feiz hag o reiñ da anavezout dezho ez eo dre galz a boanioù eo ret deomp mont e rouantelezh Doue.

1 Korintiz 10:13

Temptadur ebet n’eo deuet deoc’h ha na vefe ket kumun d’an dud. Met Doue a zo feal ha ne lezo ket ho temptañ en tu all d’ho nerzh ha, gant an temptadur, e tiskouezo ivez an hent da zont er-maez evit ma c’hellot e c’houzañv.

Efeziz 4:27

ha na roit ket digor d’an diaoul.

Efeziz 6:16

krogit dreist-holl skoed ar feiz da c’hellout mougañ holl daolioù loskus an hini drouk,

Koloseiz 2:5

Rak mar d-on ezvezant a gorf, ez on koulskoude ganeoc’h er spered, leun a levenez o welout an urzh vat en ho touez ha started ho feiz e Krist.

1 Tesalonikiz 3:3

evit na vo den brañsellet er glac’haroù-mañ, rak anavezout a rit hoc’h-unan ez omp tonket evit kement-se.

1 Timote 6:12

Stourm ar stourm mat eus ar feiz, krog er vuhez peurbadus ez out bet galvet dezhi, hag ec’h eus graet eviti un anzavadenn gaer dirak kalz a destoù.

2 Timote 3:12

Ya, kement hini a fell dezhañ bevañ hervez an doujañs-Doue e Jezuz-Krist a vo heskinet.

2 Timote 4:7

Stourmet em eus ar stourm mat, echuet em eus ar redadenn, miret em eus ar feiz.

Hebreed 11:33

dre ar feiz o deus trec’het rouantelezhioù, o deus embreget ar reizhder, o deus resevet ar madoù prometet, o deus serret genoù al leoned,

Hebreed 12:8

Met mar d-oc’h hep bezañ kastizet eus ar c’hastiz o deus an holl lod ennañ, oc’h eta bugale vastard ha nann mibien.

S. Jakes 4:7

Sujit eta da Zoue, harpit ouzh an diaoul hag e tec’ho diouzhoc’h.

1 Pêr 1:6

E kement-se en em laouenait, petra bennak ma’z oc’h tristaet bremañ evit un nebeud amzer dre veur amprouenn pa’z eo ret e c’hoarvezfe kement-se,

1 Pêr 2:21

Da gement-se eo ez oc’h bet galvet, peogwir Krist ivez en deus gouzañvet poanioù evidoc’h, o lezel deoc’h ur skouer evit ma kerzhot war e lerc’h,

1 Pêr 3:14

Ha zoken pa c’houzañvfec’h evit ar reizhder, e vefec’h eürus. N’ho pet ket a aon rak ar spont o deus c’hoant da ober deoc’h ha na vezit ket nec’het,

1 Pêr 4:13

Met en em laouenait o vezañ ma hoc’h eus lod e poanioù Krist, evit ma viot ivez leuniet eus ul levenez vras-meurbet pa vo diskuliet e c’hloar.

Apocalyps 1:9

Me, ho preur Yann, unanet deoc’h en anken, er rouantelezh hag er c’hendalc’husted e Jezuz-Krist, edon en enezenn anvet Patmoz abalamour da c’her Doue hag abalamour da desteni Jezuz-Krist.

Apocalyps 6:11

Da bep hini anezho e voe roet saeoù gwenn. Lavaret e voe dezho gortoz c’hoazh un nebeud amzer, betek ma vo peurc’hraet an niver eus o c’henseurted a servij hag o breudeur a dle bezañ lakaet d’ar marv evelto.

Apocalyps 7:14

Me a lavaras dezhañ: Aotrou, te a oar. Hag e lavaras din: Bez’ int ar re a zo deuet eus an trubuilh bras, gwalc’het o deus o saeoù ha gwennet anezho e gwad an Oan.