1 Pêr 5:8 - Bibl Koad 21: Ar Bibl e Brezhoneg evit ar Vretoned

⁸ Bezit poellek, beilhit, rak hoc’h enebour an diaoul a dro war ho tro evel ul leon o yudal, o klask piv a c’hello lonkañ.

Testamant Nevez 1897 (Jenkins)

⁸ Bezit sobr, beillit; rag hoc’h enebour, an diaoul, a ra an dro deoc’h, evel eul leon o iudal, o klask piou a hello da lounka.

1 Pêr 5:8 Referencias Cruzadas

Ester 7:6

Hag Ester a lavaras: Ar gwasker hag an enebour eo an den fall-mañ, Haman. Hag Haman a voe spontet dirak ar roue hag ar rouanez.

Levr Job 2:2

An AOTROU a lavaras da Satan: A belec'h e teuez? Satan a respontas d'an AOTROU o lavarout: Eus redek amañ hag ahont war an douar hag eus pourmen eno.

Salmoù 104:21

Al leoned yaouank a yud war-lerc'h ar preizh, hag a c'houlenn digant Doue o boued.

Salmoù 109:6

Laka warnañ un den drouk, ha ma en em zalc'ho un heskiner en e du dehou!

Krennlavarioù 19:12

Erez ar roue a zo evel yudadenn al leon yaouank, met e c'hrad-vat a zo evel ar c'hlizhenn war ar geot.

Krennlavarioù 20:2

Gourdrouz ar roue a zo evel yudadenn al leon yaouank, an hini a hegas anezhañ a bec'h a-enep dezhañ e-unan.

Krennlavarioù 28:15

Un den drouk o ren war ur bobl paour, a zo evel ul leon youc'hus hag un arzh naonek.

Izaia 50:8

Tost emañ an hini a reisha ac'hanon: Piv a dabuto em enep? Ra en em ziskouezimp a-gevret: Piv eo va c'hevrenn enep? Ra dostaio ouzhin!

Jeremiaz 2:15

Al leonedigoù o deus yudet a-enep dezhañ, lakaet o deus o mouezh da glevout, graet o deus ur gwastadur eus e vro, e gêrioù a zo devet, n'eus den ebet enno.

Jeremiaz 51:38

A-unvan e yudint evel leoned, hag e laoskint kriadennoù evel leonedigoù.

Ezekiel 19:7

Rivinet en deus o falezioù, ha distrujet o c'hêrioù, hag ar vro ha kement a oa enni a voe spouronet o klevout e yudadennoù.

Ezekiel 22:25

Bez' ez eus un irienn en he c'hreiz, a-berzh he frofeded a zo heñvel ouzh leoned o yudal hag o tiframmañ o freizh. Debret o deus eneoù, tapet o deus teñzorioù ha traoù prizius, liesaet o deus intañvezed en he c'hreiz.

Daniel 6:24

War urzh ar roue, an dud o doa tamallet Daniel a voe degaset ha taolet e foz al leoned, int, o mibien hag o gwragez. A-raok m'o doa stoket ouzh foñs ar foz, al leoned a grogas enno hag a vruzunas o holl eskern.

Ozea 11:10

Kerzhout a raint war-lerc'h an AOTROU a yudo evel ul leon. Pa yudo, e teredo ar vibien gant hast eus ar c'huzh-heol.

Ozea 13:8

O diaraogin evel un arzhez pa'z eo lamet he re vihan, hag e freuzin krogen o c'halon, hag o lonkin eno evel ul leonez, ha loen ar parkeier o lakaio a-dammoù.

Joel 3:16

An AOTROU a yudo eus Sion, hag e vo klevet e vouezh eus Jeruzalem. An neñvoù hag an douar a vo brañsellet, met an AOTROU a vo ur vodenn evit e bobl hag an nerzh evit mibien Israel.

Amoz 1:2

Lavarout a reas: An AOTROU a yudo eus Sion, hag e lakaio e vouezh da vezañ klevet eus Jeruzalem; peurvanoù ar vêsaerien a vo e kañv, ha lein ar C'harmel a zisec'ho.

Amoz 3:4

Hag e yudo al leon er c'hoad hep kaout ur preizh? Hag e taolo al leonig e griadenn eus e doull hep bezañ tapet un dra bennak?

Amoz 3:8

Al leon a yud, piv ne sponto ket? An Aotrou AOTROU a gomz, piv ne brofedo ket?

Zakaria 11:3

Klevet eo ar vêsaerien o huanadiñ, rak distrujet eo o c'haerder; klevet eo al leonedigoù o yudal, rak distrujet eo lorc'h ar Jordan.

Zakaria 3:1

Diskouez a reas din Jozue an aberzhour-meur, en e sav dirak ael an AOTROU, ha Satan en em zalc'he a-zehou dezhañ, evit e damall.

Mazhev 13:39

an enebour en deus e hadet eo an diaoul; an eost eo fin ar bed; ar vederien eo an aeled.

Mazhev 24:42

Beilhit eta, rak n’ouzoc’h ket da bet eur e teuio hoc’h Aotrou.

Mazhev 25:41

Neuze e lavaro d’ar re a vo a-gleiz dezhañ: Tec’hit diouzhin, tud villiget, it en tan peurbadus a zo bet kempennet evit an diaoul hag e aeled.

Mazhev 4:1

Neuze Jezuz a voe kaset gant ar Spered el lec’h distro, evit bezañ temptet gant an diaoul.

Mazhev 4:11

Neuze an diaoul en lezas. Ha setu, aeled a zeuas hag a servijas anezhañ.

Sant Marc 4:15

Ar re a zo a-hed an hent, eo ar re ma’z eo hadet ar ger ennañ, met kerkent m’o deus e glevet, e teu Satan hag a zilam ar ger a oa bet hadet en o c’halonoù.

Sant Lucas 21:34

Lakait eta evezh ouzhoc’h, gant aon na zeufe ho kalonoù da vezañ pounneraet gant an dirollerezh, gant ar vezventi ha gant prederioù ar vuhez-mañ, ha na zeufe an deiz-se warnoc’h a-daol-trumm.

Sant Lucas 21:36

Beilhit eta ha pedit e pep amzer, evit ma viot kavet din da dec’hout diouzh an holl draoù-se a dle c’hoarvezout, ha da badout dirak Mab an den.

Sant Lucas 22:31

An Aotrou a lavaras ivez: Simon, Simon, setu, Satan en deus goulennet ho tremen dre ar c’hrouer evel ar gwinizh.

Sant Ian 8:44

Ho tad a ziskennit anezhañ eo an diaoul hag e fell deoc’h ober c’hoantoù ho tad. Muntrer eo bet adalek ar penn-kentañ, ha n’en deus ket kendalc’het er wirionez dre ma n’eus ket a wirionez ennañ. Pa lavar gaou, e komz eus ar pezh a zo ennañ e-unan, rak gaouiat eo ha tad d’ar gaou.

2 Korintiz 2:11

evit ma n’en devo ket Satan ar gounid warnomp, rak n’omp ket hep anavezout e soñjoù.

Efeziz 4:27

ha na roit ket digor d’an diaoul.

Efeziz 6:11

Gwiskit harnez Doue en e bezh, evit ma c’hellot derc’hel start a-enep troidelloù an diaoul.

1 Timote 2:15

Koulskoude e vo salvet o tont da vezañ mamm, mar kendalc’h gant poell er feiz, er garantez hag er santelezh.

1 Timote 2:9

En hevelep doare, ra en em wisko ar gwragez gant dilhad dereat gant furnez ha poell, nann gant frizeür ar blev, na gant aour, na gant perlez, na gant dilhad gwall goustus,

1 Timote 3:11

En hevelep doare, ra vo o gwragez poellek, hep droukkomz, habask, feal en holl draoù.

1 Timote 3:2

Ret eo eta d’an eskob bezañ didamall, pried d’ur wreg hepken, poellek, fur, kempenn, degemerus, gouest da gelenn,

2 Timote 4:17

Met an Aotrou a zo en em zalc’het tost din hag en deus va c’hreñvaet, ken ma em eus prezeget gant nerzh hag an holl baganed o deus klevet. Ha dieubet on bet eus genoù al leon.

Titus 1:8

met er c’hontrol, degemerus, o karout an dud vat, diazez, reizh, santel, habask,

Titus 2:12

hag e kelenn ac’hanomp da zinac’h dizoujañs-Doue ha droukc’hoantoù ar bed, da vevañ er c’hantved-mañ gant poell, reizhder ha doujañs-Doue,

Titus 2:2

ra vo ar re oadet poellek, dereat, diazez, yac’h er feiz, er garantez, er basianted,

Titus 2:4

evit ma teskint d’ar re yaouank karout o ezhec’h hag o bugale,

Titus 2:6

Ali en hevelep doare an dud yaouank da vezañ diazez,

S. Jakes 4:7

Sujit eta da Zoue, harpit ouzh an diaoul hag e tec’ho diouzhoc’h.

1 Pêr 1:13

Dre-se gourizit divgroazell ho klevidigezh, bezit poellek, gortozit gant un esperañs peurvat ar c’hras a vo degaset deoc’h da emziskuliadur Jezuz-Krist,

1 Pêr 4:7

Diwezh an holl draoù a dosta. Bezit eta fur hag aketus er pedennoù.

Apocalyps 12:10

Hag e klevis ur vouezh kreñv a lavare en neñv: Bremañ eo deuet silvidigezh, nerzh ha rouantelezh hon Doue, ha galloud e Grist, rak tamaller hor breudeur a zo bet taolet kuit, an hini o zamalle noz ha deiz dirak dremm hon Doue.

Apocalyps 12:12

Dre-se en em laouenait, neñvoù, ha c’hwi a chom enno. Gwalleur d’an dud a chom war an douar ha war ar mor, rak an diaoul a zo diskennet war-zu ennoc’h gant ur fulor vras hag o c’houzout n’en deus nemet nebeud amzer.

Apocalyps 12:9

An aerouant bras a voe taolet kuit, an naer gozh anvet an diaoul ha Satan, an hini a douell ar bed holl, taolet e voe war an douar hag e aeled a voe taolet gantañ.

Apocalyps 20:10

An diaoul a douelle anezho a voe taolet er stank a dan hag a soufr, e-lec’h ma edo al loen hag ar fals-profed. Deiz ha noz ec’h estrenvanint evit kantvedoù ar c’hantvedoù.

Apocalyps 20:2

Eñ a grogas an aerouant, an naer kozh, a zo an diaoul ha Satan, hag ec’h ereas anezhañ evit mil bloavezh.

Ar Varnerien 14:5

Samzun a ziskennas da Dimna gant e dad hag e vamm, hag ez ejont da wini Timna. Ha setu, ul leon yaouank o yudal a zeuas en arbenn dezhañ.