Nthi 22:7 - ÎVUKU RÎA ÛVORO MWARO

⁷ Itonga ciathaga arîa athîni, ûrîa ûkombaga nî ngombo ya ûrîa ûkombithanagia.

Nthi 22:7 Referencias Cruzadas

2Atha 4:1

Mûndûmûka ûmwe wa ndigwa warî mûka wa mûndû ûmwe wa gîkundi Kîam arathi nîwathiîre kûrî Elisha na akîmwîra atîrî, “Mûthuuriwa ararî ndungata yaku na nî mûkuû. Nîwicî atî ndungata îo yaku nîîretigîrîte Ngai-Mûnene, na rîu mûndû ûrîa ûramûkombithîtie mbeca nîwecîra anake akwa oîrî nîguo magatuîke ngombo ciake.”

Nthi 14:31

Mûndû ûrîa ûvinyagîrîria athîni nîarumaga Ngai ûrîa wamaûmbire, nwatî mûndû ûrîa wîgucagîra athîni ntha nîakumagia Ngai.

Nthi 18:23

Mûthîni avoyaga kîndû na wînyivia, nwatî gîtonga gîcokagia na rûtûrîko.

Nthi 22:16

Mûndû ûrîa ûvinyagîrîria mûthîni nîguo ongerere ûtonga wake kana akava itonga, ke mwene arîkagîrîria na kûthîna.

Nthi 22:22

Ndûgacune mûthîni kîndû nîûndû atî ke ndarî na ûvoti, kana ûvinyîrîrie mûndû ûtarî na mûmûtethia cirarî,

Isaia 24:2

Andû onthe nîmakaanyitwa nî maûndû mau: ûrîa gûgekara kûrî andû arîa engî, nwaguo gûgekara kûrî athînjîri-Ngai; kûrî ngombo, na kûrî mûmîathi; kûrî ndungata ya mwîrîtu, na kûrî mûndûmûka mûmîathi; kûrî mûgûri wa indo, na kûrî mwendia wa indo; kûrî mûvecani, na kûrî mûvewa; kûrî mûkovi wa kîndû, na kûrî mûkovithania.

Amosi 2:6

Ngai-Mûnene arauga atîrî, “Andû a Isiraeli matûûraga mevagia, kwoguo ndigaatiga kûmaverithia, nîûndû mendetie andû arîa athingu sîlûva, na makendia athîni mavewe iratû.

Amosi 4:1

Tathikîrîriani kiugo gîkî, mue aka a Samaria mue mûnorete ta ng'ombe cia Bashani irîa ndîthie waro mûno. Mûnyamaragia athîni na mûkavinyîrîria arîa matarî kîndû na mûkera arûme enyu mamûretere ndivei mûnyue!

Amosi 8:4

Tathikîrîria ûvoro ûyû mue arîa mwendaga kûvinyîrîria ngîa, na mwendaga kûthiria athîni vûrûrirî,

Amosi 8:6

Tûkaagûraga arîa matarî na vinya na sîlûva, na arîa ngîa tûmagûrage na iratû cia nyamûga, na twendagie muura wa ngano.”

Mathaayo 18:25

Na ndungata îo ndîngîavotire kûrîva mûnene wayo mbeca icio. Kwoguo mûthamaki nîwathanire yendue îgatuîke ngombo, wa vamwe na mûka na ciana, na indo cionthe irîa aarî nacio nîguo thirî ûcio ûrîvîke.

Jakuvu 2:6

Nwatî mûtitîîaga arîa athîni. Na kinthî itonga tîcio imûkinyagîrîria? Na kinthî twacio imûviraga îgootirî?

Jakuvu 5:1

Na rîu mue itonga tanthikîrîriani. Rîrani na mwîgue kîeva nîûndû wa mathîna marîa maûkîte kûrî mue!

Jakuvu 5:4

Mûtirîvîte mîcara wana îrîkû kûrî arîa maarutire wîra mîgûndarî yenyu. Tathikîrîriani mateta mao! Kîrîro Kîam arîa mamûkethagîra irio nî gîkinyîte matûûrî ma Ngai, Mwathani Mwene vinya wonthe.