Nthi 22:6 - ÎVUKU RÎA ÛVORO MWARO

⁶ Thomithia mwana njîra îrîa agîrîrwe nî kûthiîra, na wana akûra ndakaariganîrwa nîyo.

Nthi 22:6 Referencias Cruzadas

Kîam 18:19

Nie nîmûthuurîte nîguo athe ciana ciake na njiarwa ciake imbathîkagîre, na ciîkage maûndû ma ûthingu na ma kîvooto. Ethîrwa nîmagwîka ûguo nîngaavingia maûndû monthe marîa nerîre Iburahimu.”

Aefeso 6:4

Mue aciari tigagani gwîka ciana cienyu maûndû marîa mangîtûma irakare. Vandû va ûguo, imenyagîrîreni na mûitaarage ciîkage wata ûrîa mûndû ûrîa wîtîkîtie Mwathani agîrîrwe nî gwîka.

Gûco 11:19

Thomithagiani ciana cienyu maathani mama. Thomithagiani ciana cienyu rîrîa mûrî mîciî, rîrîa mûrî kûraca na mîciî, mûkîthiî toro na rîrîa mwaramûka.

Gûco 4:9

Îîmenyagîrîreni na mûtikariganîrwe nî maûndû marîa mwîyonerete na metho menyu; maririkanageni ûtûûrorî wenyu wonthe. Mamenyithanagieni kûrî ciana cienyu na kûrî ciana cia ciana cienyu.

Gûco 6:7

Menyagîrîrani mûmathomithanagie kûrî ciana cienyu vîndî cionthe, rîrîa mûrî mîciî, rîrîa mûrî kûraca na mîciî, rîrîa mûkûthiî toro na rîrîa mûkûramûka.

2Tim 3:15

Na ûririkane atî kuuma ûrî mwana nîwecî mandîko marîa matheru marîa mangîtûma ûgîe na ûûgî wa gwîtîkia Jesû Kristû ûkînavonoka.

Atir 13:12

Manoa nîwaûririe mûndû ûcio atîrî, “Rîrîa ciugo ciaku ikaavinga-î, mûtûûrîre wa kaana kau ûkethîrwa ûrî wa mûthemba ûrîkû, na gakaaruta wîra ûrîkû?”

1Sam 1:28

Kwoguo nie nînavecana mwana ûyû kûrî Ngai-Mûnene vîndî îrîa yonthe agûtûûra mwoyo akethagîrwa arî wa Ngai-Mûnene.” Nao makîgooca Ngai-Mûnene marî kûu.

1Sam 2:26

Nake Samueli nîwathiîre na mbere gûkûra akîendagwa nî Ngai-Mûnene wana andû.