Nthi 22:8 - ÎVUKU RÎA ÛVORO MWARO

⁸ Mûndû ûrîa ûtarûmagîrîra kîvooto nîanyitagwa nî thîna, na kûvinyanîrîria gwake nîgûkinyaga mûthiia.

Nthi 22:8 Referencias Cruzadas

Ayubu 4:8

Nie nîmonete atî, arîa mavandaga mbeû ya maûndû macûku na waganu, nwacio makethaga.

Thaburi 125:3

Arîa aganu matigûtûûra mathanaga vûrûri wa arîa athingu; nîguo arîa athingu matikagucîrîrue gwîka naaî.

Nthi 1:31

Kwoguo, nîmûkaarîa matunda ma mîthiîre yenyu, na mûvûnue nî mîvango yenyu.

Nthi 14:3

Mîario ya mûndû kîrimû nîyo îmûverithagia, nwatî mîario ya andû aûgî nîîmagitagîra.

Isaia 10:25

Nîûndû vuva wa kavinda kanini marakara makwa nîmakaathira na nîngaacûkangia andû a Asîria nîrî na mang'ûrîka.

Isaia 10:5

We Asîria, nîwe rûthanju rûrîa ndûmagîra narakara, nîwe mûragi wa mang'ûrîka makwa.

Isaia 14:29

“Mue andû onthe a Filisiti, mûtigakene, atî nîûndû mûragi ûrîa mwarivirwe naguo nî munîkangu; nîûndû njoka îtarî ûrogi nîgaaciara kîmvuva, nakîo kîmvuva nîgîgaaciara njoka mbaganu makîria.

Isaia 30:31

Asîria nîmagecûrwa nî guoya mûnene rîrîa makeegua mûgambo wa Ngai-Mûnene akîmaringa na mûragi wake.

Isaia 9:4

Nîûndû nîunangîte îcoki rîrîa rîamaritûvîrîte, na ûkaunanga mûtî wa kwigîrîra ciande ciao. Nîunangîte rûthanju rûrîa rwavinyagîrîria andû aku, wata ûrîa wavootire athigari a mbaara a Midiani.

Hosea 10:13

Nwatî mûvandîte maûndû macûku, mûraketha maûndû matarî na kîvooto; nîmûrîte matunda ma ûthani wenyu. We Isiraeli, wevokire vinya waku wenga, na wîngî wa athigari aku a mbaara.

Hosea 8:7

Mavandaga rûvuvo, na magaaketha rûkûngi rûnene! Mîmera yao ya ngano ndîgaciara wanarî kîndû, na îngîgaciara, maciaro mayo makarîwa nî ageni.