Nehemia 2:4 - ÎVUKU RÎA ÛVORO MWARO

⁴ Nake mûthamaki nîwambûririe atîrî, “Nîwenda atîa?” Kwoguo nînavoire Ngai wa îgûrû,

Nehemia 2:4 Referencias Cruzadas

2Sam 15:31

Rîrîa Daudi aamenyithirue atî Ahithofeli nîanyitanîrîte na Abusalomu nîguo magomere mûthamaki, nîwavoire akiugaga atîrî, “Ngai-Mûnene nakûthaitha ûgarûre ûûgî wonthe wa ûtaarani wa Ahithofeli ûtuîke ûrimû!”

1Atha 3:5

Ûtukû wa mûthenya ûcio Ngai-Mûnene nîwaumîrîre Solomoni na njîra ya kîroto na akîmwîra atîrî, “Mbîtia kîrîa ûkwenda na nîngûkûva.”

Nehemia 1:11

We Mwathani, thikîrîria mavoya makwa na mavoya ma ndungata icio ciîngî ciaku irîa irenda gûgûkumia ikenete. Ûmûnthî va ndungata yaku ûvootani na ûtûme mûthamaki ambîguîre ntha.” Vîndî îo nînie naarî ndungata yake ya kûmenyerera ndivei.

Nehemia 1:4

Rîrîa neguire ûguo nî nekarire nthî na ngîrîra. Nînaacakaire na ngîînyerekia îvinda rîa mîthenya mîîngî ngîvoyaga Ngai wa îgûrû.

Nehemia 1:5

Navoire ngiugaga atîrî, “Ngai-Mûnene, Ngai wa îgûrû! Wî Ngai mûnene na nîtûgwîtigîrîte. We Ngai nîwigaga kîrîkanîro na ûrî wendo ûtathiraga kûrî andû arîa makwendete na marûmagîrîra maathani maku.

Nehemia 2:20

Nînaacokire ngîmacokeria atîrî, “Ngai wa îgûrû nîke ûgaatûma tûvootane. Tûrî ndungata ciake na nîtûkwambîrîria gûtuma. Nwatî mue mûtirî na kîndû mûrî nakîo gûkû Jerusalemu na gûtirî na kîndû kîngîtûma mûririkanagwe kuo.”

Nehemia 2:5

na ngîra mûthamaki atîrî, “Ethîrwa mwathi wakwa wî mûkenie nînie na nwa wîguîre ndungata yaku ntha, tiga nthiî vûrûrirî wa Juda nîguo nthiî îtûûrarî rîrîa rînene kûrîa methe metû ma tene mathikîtwe, nîguo ngatume îtûûra rîu rîngî.”

Esita 5:3

Mûthamaki nîwerire Esita atîrî, “Mbîra kîrîa ûrenda wana ethîrwa nî nuthu ya ûthamaki wakwa.”

Esita 5:6

Na rîrîa manyunyaga ndivei, mûthamaki nîwerire Esita atîrî, “Mbîra kîrîa ûkwenda na nîûkûgîa nakîo wana ethîrwa nî nuthu ya ûthamaki wakwa.”

Esita 7:2

Mûthenya wa kaîrî kîrugorî kîu rîrîa maanyunyaga ndivei, mûthamaki nîwaûririe Esita atîrî, “Nîndûî ûrenda? Mbîra na nîngîkûva wana ethîrwa nî nuthu ya ûthamaki wakwa.”

Thaburi 136:26

Cokeriani Ngai wa îgûrû ngatho; nîûndû wendo wake ûtathiraga ûtûûraga tene na tene.

Nthi 3:6

Ririkanaga Ngai-Mûnene maûndûrî maku monthe, nake nîakaarûngaria njîra ciaku.

Maariko 10:51

Nake Jesû nîwamûûririe atîrî, “Ûrenda ngwîkîre atîa?” Nake mûtumumu ûcio nîwamûcokerie atîrî, “Mwarimû! Nie nîrenda kwona!”

Ciîko 23:19

Nake mûnene ûcio wa mbûtû ya athigari nîwanyitire mwanake ûcio njara, akîmûtongoreria makîthiî vandû vataarî na andû na akîmûria atîrî, “Ûrenda kûmbîra atîa?”

Afil 4:6

Mûtikamakue nî ûndû wana ûrîkû nwatî voyani na mwîtie Ngai kîrîa kîonthe mûrenda na mûcokagie ngatho vîndî cionthe.