Nehemia 2:3 - ÎVUKU RÎA ÛVORO MWARO

³ na ngîra mûthamaki atîrî, “Mûthamaki ûrotûûra tene na tene! Nîrî na kîeva nîûndû îtûûra rîrîa rînene kûrîa methe metû ma tene maathikirwe nîrîomomoku nacio ivingo nî njûkangie nî mwaki.”

Nehemia 2:3 Referencias Cruzadas

1Atha 1:31

Nake Bathisheba nîwenamîrîrie ûthiû wake na gîtîîo mbere ya mûthamaki na akiuga atîrî, “Mwathi wakwa mûthamaki Daudi, ûrotûûra tene na tene!”

2Atha 25:8

Mûthenya wa mûgwanja mweri wa gatano, mwakarî wa îkûmi na kenda Nebukadinezarû arî mûthamaki wa Babuloni, Nebuzaradani, ndungata ya mûthamaki ûrîa warî mûnene wa athigari a mbaara a mûthamaki nîwathiîre Jerusalemu.

2Maû 21:20

Jehoramu aatuîkire mûthamaki arî na ûkûrû wa mîaka mîrongo îthatû na îîrî (32). Aathanire arî Jerusalemu îvinda rîa mîaka înana (8). Rîrîa aakwire gûtirî mûndû weririre. Nîwathikirwe îtûûrarî rîa Daudi, nwatî ndaathikwa mbîrîrarî irîa ciathikagwa athamaki.

2Maû 28:27

Mûthamaki Ahazi nîwakwire na akîthikwa îtûûrarî kûu Jerusalemu, nwatî ndaathikwa mbîrîrarî irîa ciathikagwa athamaki a Isiraeli. Nake mûvîcî Hezekia nîwatuîkire mûthamaki vuva wake.

2Maû 32:33

Mûthamaki Hezekia nîwakwire na akîthikwa mwena wa îgûrû wa mbîrîra irîa ciathikagwa athamaki. Andû onthe a Juda na a Jerusalemu nîmoonanirie gîtîîo kînene mûno kûrî Hezekia arîkia gûkua. Nake mûvîcî Manase nîwatuîkire mûthamaki vuva wake.

2Maû 36:19

Mûthamaki wa Akalidei na athigari ake a mbaara nîmaavîvirie hekarû, makîomomora rûthingo rwa îtûûra rîa Jerusalemu, makîvîvia nyomba cionthe cia mûthamaki na magîcûkangia indo cionthe cia goro irîa ciarî kuo.

Nehemia 1:3

Nao nîmaambîrire atî andû arîa maatigarire na maacokire Juda marî na thîna nene mûno na nîmaranyararwa nî ageni arîa mariganîtie nao. Nîmambîrire atî nthingo cia Jerusalemu nî nyomomoku na ivingo cia kuo nî mvîu nî mwaki.

Nehemia 2:13

Ûtukû ûcio nîtwaumire îtûûrarî rîu rînene tûvîtûkîrîrîte mwena wa îthûîro kîvingorî kîrîa Kîamrî Kîamndarî. Nîtwathiîrîre kîthimarî Kîam Njûnamatu nginya kîvingorî kîrîa gîatecagwa gîko. Na wa nthiîte nînaroragia nthingo cia Jerusalemu irîa ciamomokangîte na ivingo irîa ciacûkangîtue nî mwaki.

Esita 8:6

Nîngîûmîrîria atîa kwona andû akwa makînyarirwa kana andû etû makîûragwa?”

Thaburi 102:14

Ndungata ciaku nîciendete îtûûra rîu, wana ethîrwa nî rîomomoku, nîirarîguîra ntha wana ethîrwa nîrîcûkangu viû.

Thaburi 102:15

Mavûrûri nîmagetigîra rîîtwa rîa Ngai-Mûnene; athamaki onthe a nthî nîmagetigîra riiri wake.

Thaburi 137:6

Rûrîmî rwakwa rûroremwa nî kwina, nîngîriganîrwa nîwe, we Jerusalemu; nîngîrega gûgûtîîa gûkîra indo irîa ngenagîra mûno.

Thaburi 38:7

Mwîrî wakwa wonthe wîcûrîtwe nî ruuo na nîrîmûrwaru mûno.

Jeremia 52:12

Mûthenya wa îkûmi wa mweri wa gatano, mwaka wa îkûmi na kenda wa wathani wa Nebukadinezarû mûthamaki wa Babuloni, Nebuzaradani mûnene wa athigari ake a mbaara ûrîa watungataga mûthamaki nîwathiîre Jerusalemu.

Maca 2:9

Mîrango ya Jerusalemu nîyagwîre na nî mîthike nî mûthetu, mîkîgo îrîa îvingaga mîrango nî miunîkangu, athamaki na aathani marî îthamîriorî. Watho nîwatigire kûthomithanua, nao arathi a Jerusalemu mationaga cioneki kuuma kûrî Ngai-Mûnene.

Danieli 2:4

Akalidei acio nîmacokerie Mûthamaki na Kîhibirania atîrî, “Mûthamaki wetû ûrotûûratûûra! Ta twîre kîroto gîaku, na nîtûgûgûtaûrîra kîo.”

Danieli 3:9

Nîmaamwîrire atîrî, “Mûthamaki! Ûrotûûra tene na tene.

Danieli 5:10

Nake ng'ina wa mûthamaki nîwegwire înegene rîa mûthamaki na atongoria ake na agîtonya nyomba kûrîa kwarî na kîrugo akiuga atîrî, “Mwathi wakwa, ûrotûûratûûra! Nakûthaitha ûtige kûmaka na ûtige gûtukia kîthithi.

Danieli 6:21

Nake Danieli nîwacokerie mûthamaki atîrî, “Mûthamaki wetû, ûrotûûra tene na tene!

Danieli 6:6

Kwoguo arûngamîrîri na anene a thirikari nîmaagîre ndundu na makîthiî kûrî mûthamaki na makîmwîra atîrî, “Mûthamaki Dario, ûrotûûra tene na tene!

Alawi 26:31

Nîngaacûkangia matûûra menyu viû, njûkangie viû kûndû kûrîa mûgoocagîra na ndikaamûkîra magongoona menyu.