Nehemia 2:5 - ÎVUKU RÎA ÛVORO MWARO

⁵ na ngîra mûthamaki atîrî, “Ethîrwa mwathi wakwa wî mûkenie nînie na nwa wîguîre ndungata yaku ntha, tiga nthiî vûrûrirî wa Juda nîguo nthiî îtûûrarî rîrîa rînene kûrîa methe metû ma tene mathikîtwe, nîguo ngatume îtûûra rîu rîngî.”

Nehemia 2:5 Referencias Cruzadas

2Sam 14:22

Joabu nîwenamîrîre mbere ya mûthamaki na gîtîîo na akîmwîra atîrî, “Ngai arokûrathima mwathi wakwa mûthamaki! Rîu nînamenya, atî nîngûkenetie nîûndû nîwetîkîra kûmbîka ûrîa ngûrîtie.”

Ezira 5:17

“Kwoguo, ethîrwa mûthamaki nîûkwona arî waro, tiga gûtuîrue kûrîa mandîko ma vûrûri wa Babuloni maigîtwe nîguo kûmenyeke kana mûthamaki Cairasi nîwavecanire watho nîguo hekarû ya Ngai îtumwe rîngî gûkû Jerusalemu. Na wamenya, mûthamaki ûtwandîkîre ûrîa ûkwona nîguo waro.”

Nehemia 2:4

Nake mûthamaki nîwambûririe atîrî, “Nîwenda atîa?” Kwoguo nînavoire Ngai wa îgûrû,

Nehemia 2:6

Nake mûthamaki, na mûka wake ekarîte vakuvî nake, nîwambûririe nîrenda kûthiî vandû va kavinda kegana atîa na ngaacoka rî. Kwoguo mûthamaki nîwetîkîre nthiî nanie nînavecanire kavinda karîa ngaacoka.

Esita 1:19

Mûthamaki, ethîrwa nîûkwona kwagîrîrîte athana vûrûri wonthe uge Vashiti ndagakinya mbere ya mûthamaki rîngî. Athana kwandîkwe mawathorî ma Perisia na Media nîguo watho ûyû ndûkagararwe. Nake Vashiti ndagacoke gûka varî we, we Ahasuerusi mûthamaki wetû. Naguo ûvoro wake wa gûtuîka mûka wa mûthamaki ûvewe mwîrîtu wîngî ûrîa mwaro kûmûkîra.

Esita 5:8

Ethîrwa nîngwîtîkîrîka nîwe we mûthamaki wakwa, na ethîrwa nîwonete kwagîrîrîte ûvingie îvoya rîakwa, nîrenda we mûthamaki vamwe na Hamani mûkethîrwa mûrî îrugarî rîakwa rûyû rîrîa ngaavarîria nîûndû wenyu. Vîndî îo nîrîo ngaamwîra kîrîa nîrenda.”

Esita 7:3

Esita mûka wa mûthamaki nîwaugire atîrî, “Ethîrwa nî kwenda gwaku we mûthamaki Ahasuerusi na nîûrona kwagîrîrîte we mûthamaki Ahasuerusi, wendi wakwa nî atî nie na andû akwa tûtûûre mwoyo.

Esita 8:5

“Ethîrwa nî kwenda gwaku we mûthamaki na ethîrwa nîûranîciria na ûkona arî waro, nakûthaitha mûthamaki ûrute watho wa gûcûkangia mîvango îrîa Hamani augîte îvingue. Mîvango îo nî îrîa mûvîcî wa Hamedatha wa rûciaro rwa Agagi aavecanire ya kûraga Ayahudi onthe arîa marî vûrûrirî ûrîa wathaga.

Nthi 3:4

Weka ûguo, ûkaavewa gîtîîo na wendwe nî Ngai na andû.

Danieli 9:25

Kwoguo, nwanginya ûmenye na ûtaûkîrwe nî ûndû ûyû, atî kuuma watho wa gûtuma Jerusalemu rîngî wavecanwa, nginya rîrîa ûrîa mûtheru wa Ngai akaathuurwa, mîaka mûgwanja maita mîrongo mûgwanja nîîkathira. Jerusalemu nîgaatumwa rîngî îrî na tûcîra twaro na nthingo cia vinya cia kûrîgitîra. Narîo rîgeekara îvinda rîa mîaka mîrongo îtandatû na îîrî maita mûgwanja, nwatî îkethîrwa rîrî îvinda rîa mathîna.

Mathaayo 23:27

“Na kaî mue arimû a Watho na Afarisai mûrî na thîna-î! Mue mvinga ino! Mue mwîkariî ta mbîrîra irîa cionekaga irî nthaka ivakîtwe mûnyû, nwatî ndaarî ya cio ciîthagîrwa ciîcûrîte mavîndî na ciimba ino mboru.

Ruthu 2:13

Ruthu nîwacokirie atîrî, “Mwathi wakwa, we nîûmbîkîte maûndû maro mûno. Nîwatûma ngoro yakwa îvorere na wanyûmîrîria nîûndû wa kûmbarîria na ntha wana ethîrwa ndiîganeene wanarî na ûmwe wa ndungata ciaku.”