Mathaayo 8:4 - ÎVUKU RÎA ÛVORO MWARO

⁴ Nake Jesû nîwamwîrire atîrî, “Tathikîrîria, ndûkeere mûndû wana ûrîkû ûrîa gwekîka, nwatî thiî ûkeyonanie kûrî mûthînjîri-Ngai nîguo one atî nîwavonua na ûrute îgongoona rîrîa Musa aathanire rîrutagwe, nîguo rîtuîke ûira kûrî o atî we nîwavonua.”

Mathaayo 8:4 Referencias Cruzadas

Isaia 42:21

Nîûndû wa wîvokeku wa Ngai-Mûnene, nîwendire gûtûgîria watho wake na kûûva riiri.

Alawi 13:49

ethîrwa gîko kîu gîkîonania rangi ya mathangû kana îno ndune, kîu nî gîko kiumanîte na mûrimû mûcûku wa ngothi na nwanginya îkoonanua kûrî mûthînjîri-Ngai.

Mathaayo 10:18

Mue nîmûkaavirwa mûgacirithue mbere ya anene na athamaki nîûndû wakwa; nîguo mûvecane ûira wakwa kûrî o na kûrî andû a ndûrîrî.

Mathaayo 16:20

Nake Jesû nîwacokire agîkaania arutwa ake matikeere mûndû wana ûrîkû atî ke nîke Mesaya.

Mathaayo 17:9

Rîrîa maanyûrûrûkîte maumîte kîrîmarî, Jesû nîwamakaanirie akîmeera atîrî, “Mûtikere mûndû wana ûrîkû kîoneki kîu mwona nginya rîrîa Mûrû wa Mûndû akaariûkua.”

Mathaayo 3:15

Nwatî Jesû nîwamûcokerie atîrî, “Tiga gûtuîke guo rîu, nîûndû nîkwagîrîrîte tue tûvingie wendi wa Ngai.” Kwoguo Johana nîwetîkîre kûvatithia Jesû.

Mathaayo 5:17

“Mûtigecirie atî mbûkîte nthî kûthiria Watho wa Musa na maûndû marîa mathomithanîtue nî arathi. Nie ndiûkîte kûmathiria, nwatî mbûkîte kûmavingia.

Mathaayo 6:1

“Îîmenyagîrîreni rîrîa mûgwîka ciîko cienyu cia ûthingu mbere ya andû atî nîguo o moone ûrîa mûreka. Mûngîka ûguo mbere ya andû, gûtirî kîveo mûkaavewa nî Îthe wenyu ûrîa wî îgûrû.

Mathaayo 9:30

Nao atumumu acio nîmaavotire kwona. Nake Jesû nîwamakanirie na vinya akîmeera atîrî, “Mûtikere mûndû wana ûrîkû ûvoro ûyû!”

Maariko 13:9

“Îîmenyagîrîreni nîûndû nîmûkaanyitwa na mûcirithîrue ciamarî cia athuuri. Wana nîmûkaarivîrwa mavoerorî, na mûrûngamue mbere ya anene na athamaki nîûndû wakwa ûrî ta ûira kûrî o.

Maariko 3:12

Jesû nîwakaanirie ngoma icio na vinya itikeere mûndû ûrîkû kana ûrîkû ke nîke û.

Maariko 5:43

Nake Jesû nîwamerire makave kîndû gîa kûrîa, na agîcoka akîmakaania na vinya matikeere mûndû wana ûrîkû ûvoro ûcio.

Maariko 6:11

Na mûngîkaathiî îtûûrarî na andû akuo marege kûmûgwata ûgeni, wana kana kûmûthikîrîria, îrivarivageni rûkûngû magûrûrî menyu mûkînauma kuo. Nakîo gîîko kîu gîgaatuîkaga ûira kûrî o atî ûndû ûcio ndûnamûkenia.”

Maariko 7:36

Nake Jesû nîwacokire agîkaania andû matikere mûndû wana ûrîkû ûvoro ûcio, nwatî wa ûrîa aathiîcaga na mbere na kûmakaania, nwaguo maakîragîrîria gûûtambia.

Maariko 8:30

Nake Jesû nîwacokire akîmakaania matikeere mûndû wana ûrîkû ke nîke û.

Maariko 9:9

Rîrîa Jesû na arutwa acio athatû maanyûrûrûkîte maumîte kîrîmarî, nîwamakaanirie matikere mûndû wana ûrîkû maûndû marîa moonete, nginya rîrîa Mûrû wa Mûndû akaariûka aume kûrî akuû.

Luka 17:14

Rîrîa Jesû oonire andû acio nîwamerire atîrî, “Thiîni mûkeyonanie kûrî athînjîri-Ngai.” Na marî njîrarî mathiîte, nîmaatherirue.

Luka 21:13

Gaka gakethîrwa karî kamweke kenyu ga kûvunjia Ûvoro Mwaro.

Luka 4:41

Nacio ngoma nîciaumire kûrî andû eengî arîa maarî vo ikîanagîrîra atîrî, “We nîwe Mûriû wa Ngai!” Nake Jesû nîwakaanirie ngoma icio na ndaciîtîkîria imwanîrîre wana ethîrwa cio nî ciamwîcî atî ke nîke Mesaya.

Luka 5:14

Nake Jesû nîwerire mûndû ûcio atîrî, “We ndûkeere mûndû wa na ûmwe ûndû ûyû. Nwatî thiî ûkarorue nî mûthînjîri-Ngai na ûrute îgongoona wata ûrîa Musa aathanire. Na weka ûguo, andû onthe nîmakûmenya atî nîwatherua.”

Luka 8:56

Nao aciari a mwîrîtu ûcio nîmaamakire mûno, na Jesû akîmakaania matikeere mûndû wana ûmwe ûrîa gwekîka.

Luka 9:21

Nake Jesû nîwamakaanirie na vinya atî matikere mûndû wa na ûmwe ûvoro ûcio,

Johana 5:41

“Nie ndiracaria ngumo kuuma kûrî andû.

Johana 7:18

Mûndû ûrîa waragia na wathani wake ke mwene, nîgwîkumia ekumagia. Nwatî mûndû ûrîa wendaga ûrîa wamûtûmire akumue nîwîthagîrwa arî mwîvokeku na ndaveenanagia.

Johana 8:50

Nie ndiîkumagia, nwatî kûrî na ûrîa ûngumagia na nîke ûtucanagîra ciira na kîvooto.