Mathaayo 8:3 - ÎVUKU RÎA ÛVORO MWARO

³ Nake Jesû nîwatambûrûkirie njara yake akîmûvutia, na akîmûcokeria atîrî, “Nie nîngwenda, ûrothera!” Na wa rîmwe mûndû ûcio nîwavonirue mûrimû ûcio aarî naguo.

Mathaayo 8:3 Referencias Cruzadas

Kîam 1:3

Nake Ngai nîwaugire atîrî, “Nî kûgîe ûtheri;” nakuo nîkwagîre na ûtheri.

2Atha 5:11

Nwatî Naamani nîwarakarire na akîthiî akiugaga atîrî, “Nînîciragia nîaûka arûngame varî nie na amvoere kûrî Ngai-Mûnene, Ngai wake na ambararie njara ciake îgûrû rîa gûkû ndwarîte na amvonie!

2Atha 5:14

Kwoguo Namani nîwathiîre rûnjîrî rwa Jorodani. Nîwetovokirie kuo maita mûgwanja, wata ûrîa eerîtwe nî mûrathi Elisha na nîwavonire viû na mwîrî wake ûgîkara ta wa kaana.

Thaburi 33:9

Nîûndû aaririe na nthî îkîgîa kuo, aathanire na indo cionthe ikîgîa kuo.

Ntha 4:7

Nake Ngai-Mûnene nîwerire Musa rîngî atîrî, “igîrîra njara yaku rîngî kîthûrirî gîaku.” Nake nîwekire guo. Na rîrîa aamîrutire vîndî îo njara îo yarî na vinya na nîyonekaga îkariî ta mwîrî ûcio wîngî.

Mathaayo 12:13

Jesû nîwacokire akîra mûndû ûcio wonjete njara atîrî, “Tambûrûkia njara yaku.” Nake mûndû ûcio nîwatambûrûkirie njara îo, îkîvona na îgîkara ta îo îngî.

Maariko 1:41

Nake Jesû nîwaringirwe nî ntha, agîtambûrûkia njara, akîmûvutia na akîmwîra atîrî, “Nie nîngwenda, Ûrothera!”

Maariko 4:39

Nake Jesû aramûka, nîwakanirie rûkûngi na vinya, na akîra îria atîrî, “Vorera!” Naruo rûkûngi nîrwatigire kûvurutana, narîo îria rîkîvoorera.

Maariko 5:41

Jesû nîwacokire akînyita kerîtu kau njara na agîkeera atîrî, “Talitha kumi”; naguo ûguo nîta kuga, “Kerîtu gaka, nie nakwîra ûkîre!”

Maariko 7:34

Jesû nîwacokire akîroria na îgûrû, akîvevûka na akîîra mûndû ûcio atîrî, “Efatha.” Ûguo nî ta kuga, “Vingûka!”

Maariko 9:25

Na rîrîa Jesû oonire kîrîndî gîkîgomana, nîwagûkîre ngoma îo na vinya na akîmîra atîrî, “We ngoma îno îtegucaga na îtaragia, nie nakwatha ume ndaarî ya kamwana gaka na ndûkaanagatonye rîngî!”

Luka 4:27

Wana vîndî ya mûrathi Elisha, kwarî na andû eengî maarwarîte mûrimû mûcûku wa ngothi, vûrûrirî wa Isiraeli nwatî gûtirî wana ûmwe wao watherirue tiga Naamani ûrîa warî Mûsîria.”

Luka 5:13

Nake Jesû nîwatambûrûkirie njara yake, akîmûvutia na akîmwîra atîrî, “Nie nîngwenda, ûrothera!” Nake Mûndû ûcio warwarîte mûrimû mûcûku wa ngothi nîwavonire wa rîmwe.

Luka 7:14

Jesû nîwacokire akîthiî na akîvutia îthandûkû rîa mûndû ûcio wakuîte na andû arîa maarîkuuîte makîrûngama. Nake Jesû akiuga atîrî, “Kamwana gaka nie nakwîra ûramûke.”

Johana 11:43

Arîkia kuga ûguo, nîwetanire na mûgambo mûnene atîrî, “Lazaro, uma!”

Johana 15:24

Ndangîekire maûndû marîa mataneekwa nî mûndû wîngî gatagatîrî kao, matingîatuirwe evia. Nwatî rîu nîmonete maûndû marîa nekire na nîmamenete na makamena Vava.

Johana 5:21

Na wata ûrîa Îthe ariûkagia akuû na akamava mwoyo, ûguo nwa ta guo Mûriû avecanaga mwoyo kûrî arîa onthe endaga kûva.