Mathaayo 8:2 - ÎVUKU RÎA ÛVORO MWARO

² Mûndû warwarîte mûrimû mûcûku wa ngothi nîwathiîre kûrî ke, agîturia maru mbere yake na akîmwîra atîrî, “Mwathani ûngîenda, nwa ûntherie.”

Mathaayo 8:2 Referencias Cruzadas

2Sam 3:39

Wana ethîrwa nînie mûthamaki ûrîa Ngai athuurîte, nînîregua nîrî mûthirîre nî vinya ûmûnthî. Avîcî aya a Zeruia marî na ûûru mwîngî mûno nîûndû wakwa. Ngai-Mûnene aroverithia eki naaî aya wata ûrîa magîrîrwe nî kûverithua!”

2Atha 15:5

Ngai-Mûnene nîwaverithirie mûthamaki Azaria na njîra ya gûtûma anyitwe nî mûrimû mûcûku wa ngothi, ûrîa aarwarire nginya vîndî îrîa aakwire. Aatûûraga nyomba arî wenga. Mûvîcî Jothamu ûrîa warûngamagîrîra mûciî wa mûthamaki nîke watongoragia andû a vûrûri ûcio.

2Atha 5:1

Naamani ûrîa warî mûnene wa athigari a mbaara a mûthamaki wa Sîria nîwendetwe na agatîwa mûno nî mwathi wake, nîûndû na njîra yake Ngai-Mûnene nîwavete andû a Sîria vinya wa kûvootana. Aarî mûthigari njamba, nwatî arî mûrwaru mûrimû mûcûku wa ngothi.

2Atha 5:27

Kwoguo we, na njiarwa ciaku nî mûnyitwa nî mûrimû ûcio mûcûku wa ngothi wa Namani na mûtûûre naguo tene na tene!” Nake Gehazi nîwaumire kûrî Elisha arî mûrwaru mûrimû mûcûku wa ngothi, mwîrî wake ûcerûvîte ta îra.

Ndari 12:10

Rîrîa îtu rîaumire vau îgûrû rîa îgema, Miriamu nîwonekire arî na mûrimû mûcûku wa ngothi, na mwîrî wake wonthe ûcerûvîte ta îra. Rîrîa Aroni evûgûrire na akîona Miriamu arî na mûrimû mûcûku wa ngothi,

Mathaayo 10:8

Vonagiani arwaru, riûkagiani arîa akuû, theragiani arîa marî na mûrimû mûcûku wa ngothi, na mûrutûrûrage ndaimono. Nie namûva ûvoti ûyû mana, kwoguo vecanagani mana.

Mathaayo 13:58

Jesû ndaaringa ciama nyîngî kûu nîûndû andû matiarî na wîtîkio.

Mathaayo 14:33

Nao arutwa arîa maarî gatarûrî nîmaagoocire Jesû makiugaga atîrî, “Nî ma we ûrî Mûriû wa Ngai!”

Mathaayo 15:25

Nwatî mûndûmûka ûcio nîwathiîre, agîturia maru mbere ya Jesû na akîmwîra atîrî, “Mwathani, ndethia.”

Mathaayo 18:26

Nayo ndungata îo nîyaturirie maru mbere ya mûthamaki, na îkîmûthaitha îkîmwîraga atîrî, ‘Mwathani, ngirîrîria na nîngaakûrîva thirî waku wonthe.’

Mathaayo 2:11

Na rîrîa maatonyire nyomba, nîmoonire mwana ûcio arî na ng'ina Mariamu. Nao nîmaaturirie maru mbere ya mwana ûcio na makîmûgooca. Nîmaacokire makîovora mîvuko yao, makîruta indo cia goro mûno makîva mwana ûcio. Nacio indo icio ciarî: thaavu, maguta maanungaga waro, na ndawa ya goro mûno kuuma kûrî mûtî wîtagwa mare.

Mathaayo 20:20

Nake mûka wa Zebedii nîwathiîre kûrî Jesû marî vamwe na avîcî ake aîrî. Nîwaturirie maru mbere ya Jesû na akîmûria amwîkîre ûndû.

Mathaayo 26:6

Nake Jesû aarî îtûûrarî rîa Bethania mûciî gwa Simoni ûrîa warwarîte mûrimû wa ngothi.

Mathaayo 28:17

Na rîrîa maamwonire, nîmaamûgoocire wana gûtuîka amwe gatagatîrî kao maarî na nganja.

Mathaayo 28:9

Na wa rîmwe Jesû nîwaumîrîre aka acio na akîmeera atîrî, “Gîani na thayû.” Nao nîmaathiîre kûrî ke na makîmûgooca manyitîte magûrû make.

Mathaayo 4:9

Nayo Ngoma îo nîyamwîrire atîrî, “Indo ino cionthe ûrona nîngûkûva, ethîrwa nîûkûndurîria maru ûngooce.”

Mathaayo 8:1

Na vîndî îrîa Jesû aaumire kîrîmarî îgûrû, andû eengî mûno nîmaamûrûmîrîre.

Mathaayo 8:25

Nao arutwa ake nîmaathiîre varîa Jesû aarî na makîmûkîria makîmwîraga atîrî, “Mwathani, tûvonokie, nî tûkûûrîra manjîrî.”

Mathaayo 9:18

Vîndî îrîa Jesû aamaragîria, mûnene ûmwe warî Mûyahudi nîwathiîre kûrî ke, agîturia maru mbere ya Jesû na akîmwîra atîrî, “Mwarî wakwa nîwakua warîu nwatî ûka ûmwigîrîre njara na nîakûgîa na mwoyo.”

Luka 4:27

Wana vîndî ya mûrathi Elisha, kwarî na andû eengî maarwarîte mûrimû mûcûku wa ngothi, vûrûrirî wa Isiraeli nwatî gûtirî wana ûmwe wao watherirue tiga Naamani ûrîa warî Mûsîria.”

Johana 9:38

Nake mûndû ûcio nîwaugire atîrî, “Mwathani, nie nîmbîtîkîtie.” Nake arîkia kuga ûguo nîwaturirie maru mbere ya Jesû.

Ciîko 10:14

Nwatî Petero nîwaugire atîrî, “Naarî Mwathani! Nie ndianarîa kîndû kîrî na mûgiro kana gîtarî kîtheru.”

Ciîko 10:25

Rîrîa Petero aatonyire kuo, Korinelio nîwamûtûngire, akîîgwîthia nthî magûrûrî make na akîmûgooca.

1Akor 14:25

Namo maûndû ma nthitho marîa marî ngororî ciao nîmakûguûrua. Kwoguo nîmakwînamîrîra na magooce Ngai makiugaga atîrî, “Na ma Ngai arî ava gatagatîrî kenyu!”

Kûguû 19:10

Nînegwîthirie nthî mbere yake nîmûgooce, nwatî ke nîwambîrire atîrî, “Tiga gwîka ûguo! Nie ndungatagîra Ngai wa tawe na etîkia arîa engî onthe evokeku. Acio nî arîa marûmagîrîra ûira wa Jesû. Goocani Ngai arî ke!” Nîûndû ûira ûrîa ûguûragwa nî Jesû nîguo ûtûmaga arathi manîrîre ndûmîrîri ya ûkristiano.