Mathaayo 8:5 - ÎVUKU RÎA ÛVORO MWARO

⁵ Rîrîa Jesû aatonyire Kaperinaumu, mûnene ûmwe wa athigari îgana a Roma nîwathiîre kûrî ke na akîmûthaitha akîmwîraga atîrî:

Mathaayo 8:5 Referencias Cruzadas

Mathaayo 11:23

Namue andû a Kaperinaumu, nîkwa mwendaga kwînenevia nginya mûkinye îgûrû? Mue nî mûgaaikua îcuarî. Nîûndû ciama irîa mwaringîrwe ingîaringîtwe Sodomu andû a kuo nî mangîtwîre vo nginya ûmûnthî!

Mathaayo 27:54

Rîrîa mûnene wa athigari îgana na athigari arîa maarî nake marangîrîte Jesû meegwire kîthingithia, na makîona maûndû marîa mengî monthe meekîkire, nîmaamakire na makiuga atîrî, “Na ma mûndû ûyû ararî Mûriû wa Ngai!”

Mathaayo 4:13

Jesû nîwaumire îtûûrarî rîa Nazarethi, na akîthiî gûtûûra Kaperinaumu itûûra rîrîa rîarî vakuvî na îria rîa Galili vûrûrirî wa Zebuluni na Nafutali.

Mathaayo 9:1

Jesû nîwatwîre îtarûrî na akîringa îria, agîcoka îtûûrarî rîa kwao.

Maariko 15:39

Nake mûnene ûmwe wa athigari îgana ûrîa warûngamîte vau mbere ya Jesû ona agîtuîkana nîwaugire atîrî, “Na ma mûndû ûyû ararî Mûriû wa Ngai.”

Maariko 2:1

Mîthenya mînini yavîtûka, Jesû arîkia gûcoka Kaperinaumu, nîkwamenyekanire atî aarî mûciî.

Ciîko 22:25

Nwatî rîrîa athigari maamwovire nîguo mamûrive na kîvoko, Paûlo nîwerire mûnene wa athigari îgana ûrîa warûngamîte vakuvî nake atîrî, “Nîmwîtîkîrîtue nî Watho mûrive Mûûroma wana atatuîrîrîtwe atî nîekîte naaî?”

Ciîko 23:17

Paûlo nîwacokire agîîta mûnene ûmwe wa athigari îgana na akîmwîra atîrî, “Tavira mwanake ûyû kûrî mûnene wa mbûtû ya athigari nîûndû arî na ûndû arenda kûmwîra.”

Ciîko 23:23

Nake mûnene wa mbûtû ya athigari nîwacokire agîîta anene aîrî a athigari îgana na akîmeera atîrî, “Nîrenda andû a kûthiî Kaisarea. Varîria athigari magana maîrî, na methîrwe marî vamwe na athigari mîrongo mûgwanja arîa marûaga matûîte mbarathi, na athigari magana maîrî arîa marûaga na matumû. Andû acio mevarîrie makaauma gûkû thaa îthatû cia ûtukû.

Ciîko 27:13

Rîrîa rûkûngi rûnini rwambîrîrie kûvurutana rumîte mwena wa îveti, andû arîa maarî merirî nîmeciririe atî nwa mathiî na mbere na mûvango wao. Kwoguo nîmaagucirie icuuma ndito irîa inyûrûrûkagua îriarî nthî nîguo inyitîrîre meri nîguo îrûngame. Nîmaatwîre meri na makîthiî megiritanîtie na rûtere rwa gîcîgîrîra Kîam Kirete.

Ciîko 27:31

Nwatî Paûlo nîwerire mûnene wa athigari îgana na athigari acio engî atîrî, “Ethîrwa amenyereri aya a meri tî mekara gûkû merirî, mue tîmûvonokia mîoyo yenyu.”

Ciîko 27:43

Nwatî mûnene wa athigari îgana nîwendaga kûvonokia Paûlo ndakaûragwe, kwoguo ndaametîkîria mavingie mûvango ûcio wao. Vandû va ûguo nîwathire andû onthe arîa mangîavotire kûthambîra mambe marûge îriarî mathambîre mathiî nthî nyûmû.

Ciîko 9:38

Na nîûndû kûu Lîda kwarî gûkuvî na Jopa, etîkia arîa maarî Jopa megua atî Petero aarî Lîda nîmaatûmire andû aîrî mathiî mamûthaithe makîmwîraga atîrî, “Wenda tu ûka gwetû narua.”