Josh 6:3 - ÎVUKU RÎA ÛVORO MWARO

³ We na athigari aku mûkathiûrûrûkaga îtûûra rîîrî rita rîmwe wa mûthenya. Îkani ûguo îvinda rîa mîthenya îtandatû.

Josh 6:3 Referencias Cruzadas

2Maû 4:3

Ngurumo ya rûrengerero rwa îtangi mwena wa nja kwagemetue na mîvari îîrî ya mîvuanano ya ndegwa îrîthiûrûrûkîrîtie. Mîvari îo ya ndegwa yanyitanîte vamwe na îtangi.

Ndari 14:9

Kwoguo mûtikaregane na Ngai-Mûnene na mûtigetigîre andû arîa marî vûrûrirî ûcio. Nîtûmataguna ta mûgate. Kîrîa kîmagitagîra nîkîthengutie kûrî o. Ngai-Mûnene arî vamwe natue, mûtikametigîre.”

2Akor 4:7

Nwatî tûrî na mûthithû ûyû twîkariî ta nyûngû cia yûmba nîguo kwonanue atî vinya mûnene uumaga kûrî Ngai, nwatî tî kuuma kûrî tue.

Josh 6:11

Kwoguo Joshua nîwerire andû mathiûrûrûke îtûûra rîa Jeriko rita rîmwe matakûnegena makuuîte îthandûkû rîa kîrîkanîro. Na marîkia nîmaacokire varîa maambîte magema na makîmama vo.

Josh 6:14

Mûthenya ûcio wa kaîrî nîmaathiûrûrûkire îtûûra rîu rita rîmwe wata ûrîa mekîîte mûthenya wa mbere na magîcoka kûrîa maambîte magema. Nao nîmeekire ûguo îvinda rîa mîthenya îtandatû.

Josh 6:2

Nake Ngai-Mûnene nîwerire Joshua atîrî, “Rîu, Jeriko nîngûmîvecana kûrî mue, wana mûthamaki wakuo na athigari onthe arîa marî vinya a mbaara.

Josh 6:4

Athînjîri-Ngai mûgwanja wa mûthînjîri-Ngai akuuîte karumbeta ka rûvîa rwa ndûrûme nîmakaathiîcaga matongoreretie îthandûkû rîa kîrîkanîro. Naguo mûthenya wa mûgwanja nîmûkathiûrûrûka îtûûra rîa Jeriko maita mûgwanja nao athînjîri-Ngai makîvuvaga tûrumbeta.

Josh 6:7

Joshua wa Nuni nîwathire andû na akîmera mambîrîrie kûthiûrûrûka îtûûra, na andû marî na indo cia mbaara nîmaathiîre marî mbere ya îthandûkû rîa kîrîkanîro Kîam Ngai-Mûnene.