Josh 6:4 - ÎVUKU RÎA ÛVORO MWARO

⁴ Athînjîri-Ngai mûgwanja wa mûthînjîri-Ngai akuuîte karumbeta ka rûvîa rwa ndûrûme nîmakaathiîcaga matongoreretie îthandûkû rîa kîrîkanîro. Naguo mûthenya wa mûgwanja nîmûkathiûrûrûka îtûûra rîa Jeriko maita mûgwanja nao athînjîri-Ngai makîvuvaga tûrumbeta.

Josh 6:4 Referencias Cruzadas

Kîam 2:3

Ngai nîwarathimire mûthenya ûcio wa mûgwanja na akîwamûra, nîûndû mûthenya ûcio nîguo aanogokire arîkia wîra wake wa ûmbi.

1Atha 18:43

Nîwacokire akîra ndungata yake atîrî, “Rîu thiî na ûrorie mwena wa îriarî.” Ndungata nîyathiîre, îkîroria na îgîcoka. Nîyamwîrire atîrî, “Ndirona kîndû.” Nake Elija nîwamwîrire maita mûgwanja “Thiî ûkarorie.”

2Atha 5:10

Elisha nîwatûmire ndungata îthiî îkamwîre athiî akethambîrie rûnjîrî rwa Jorodani maita mûgwanja na mûrimû wake nîûkûvona viû.

2Atha 5:14

Kwoguo Namani nîwathiîre rûnjîrî rwa Jorodani. Nîwetovokirie kuo maita mûgwanja, wata ûrîa eerîtwe nî mûrathi Elisha na nîwavonire viû na mwîrî wake ûgîkara ta wa kaana.

2Maû 13:12

Ngai arî natue arî mûtongoria wetû, nao athînjîri-Ngai marî na tûrumbeta nîguo matûvuve magîtwîta tûke tûrûe namue. Mue andû a Isiraeli, mûtikarûe na Ngai-Mûnene, Ngai wa methe menyu, nîûndû mûtîngîvootana!”

2Maû 20:17

Mûtikaavatara kûrûa mbaararî îno. Thiîni mûkeevarîria na mwetere na nîmûkoona Ngai-Mûnene akîmûvootanîra. Mue andû a Juda na a Jerusalemu mûtigetigîre na mûtikegue guoya. Mûkaathiî mûkatharîkîre andû acio na Ngai-Mûnene nîakethîrwa arî vamwe namue!”

2Maû 20:19

Nao andû a mûvîrîga wa Lawi a mbarî ya Kohathu na ya Kora, nîmaarûngamire na magîkumia Ngai-Mûnene, Ngai wa Isiraeli maugîrîrîtie mûno.

2Maû 20:21

Mûthamaki Jehoshafati arîkia kwaranîria na andû, nîwathuurire andû a kwina na akîmatha mekîre nguo cia nyîmbo, macoke mathiî marî mbere ya athigari a mbaara makinaga atîrî, “Cokeriani Ngai-Mûnene ngatho! Nîûndû wendo wake ûtathiraga nî wa tene na tene!”

Ayubu 42:8

Kwoguo rîu oca ndegwa mûgwanja na ndûrûme mûgwanja, ûcoke ûthiî nacio kûrî ndungata yakwa na ûrute îtega rîa kûvîvua. Ayubu nîagaakûvoera, na nie nîngegua mavoya make na ndege gûkûverithia kûringana na mavîtia maku. We nîwaregire kwaria ûvoro wa ma ûmbîgiî ta ûrîa Ayubu ethîrîtwe agîka.

Isaia 27:13

Mûthenya ûcio karumbeta kanene nîgakaavuvwa, nao Aisiraeli arîa maaûrîrîte vûrûrirî wa Asîria na arîa maavirîtwe îthamîriorî vûrûrirî wa Misiri nîmagaaûka na magoocere Ngai-Mûnene îgûrû rîa kîrîma kîrîa kîtheru Kîam Jerusalemu.

Alawi 14:16

Nîagaatovokia Kîamra kîmwe gîake Kîam njara ya ûrîo magutarî mau na aminjaminje mamwe mamo vau mbere ya Ngai-Mûnene maita mûgwanja.

Alawi 4:6

Nî agaacoka atovokie Kîamra gîake nthakamerî na amîminjaminje maita mûgwanja vau mbere ya gîtambaa kîrîa kîvakanîtie vandû varîa vatheru.

Zakaria 4:2

Nake nîwambûririe atîrî, “Nîndûî ûrona?” Nanie nînaamûcokerie atîrî, “Nînîrona vandû va kwigîrîra taa varûthîtwe na thaavu na îgûrû rîavo vaigîtwe mbakûri. Îgûrû rîa vandû vau vaarî na taa mûgwanja na wa taa îrî na vandû va gwîkîra rûtambi.

Zakaria 4:6

Nake mûraika ûcio nîwambîrire nginyîrie Zerubabeli ndûmîrîri îno yumîte kûrî Ngai-Mûnene mwene vinya wonthe nîmwîre atîrî, “Ndûkaavootana nîûndû wa vinya kana ûvoti waku, nwatî ûkaavotithua nî Roho wakwa.”

Ndari 23:1

Balaamu nîwacokire akîra Balaki atîrî, “Ndumîra metha mûgwanja cia kîgongoona ava na ûndetere ndegwa mûgwanja na ndûrûme mûgwanja.”

Josh 6:13

Nao athînjîri-Ngai mûgwanja nîmoocire tûrumbeta mûgwanja twa mvîa cia ndûrûme na nîmaathiîre marî mbere ya îthandûkû rîa kîrîkanîro Kîam Ngai-Mûnene magîtûvuvaga. Andû marî indo cia mbaara nîmaathiîre mbere ya athînjîri-Ngai arîa maarî na tûrumbeta. Na vuva wa îthandûkû kwarî na engî marî na indo cia mbaara. Nao onthe nîmaathiûrûrûkire Jeriko tûrumbeta tûkîvuvagwa.

Josh 6:3

We na athigari aku mûkathiûrûrûkaga îtûûra rîîrî rita rîmwe wa mûthenya. Îkani ûguo îvinda rîa mîthenya îtandatû.

Josh 6:5

Athînjîri-Ngai nîmakaavuva tûrumbeta twao na mûgambo mûnene. Rîrîa mûkaawîgua andû onthe nîmakaaugîrîria na mûgambo mûnene. Nacio nthingo cia îtûûra rîa Jeriko nîikomomoka na andû nîmagaatonya îtûûrarî kuuma mîena yonthe.”

Kûguû 1:20

Nayo nthitho ya njata icio mûgwanja irîa irî mwena wa ûrîo wa Ngai yonanagia njata mûgwanja nî araika arîa mûgwanja a makanitha marîa mûgwanja. Nayo mînyamû îrîa mûgwanja ya kwigîrîrwa taa nî makanitha marîa mûgwanja.

Kûguû 1:4

Nie Johana nîrandîkîra makanitha marîa mûgwanja marî vûrûrirî wa Îsia: Gîa na wega na thayû kuuma kûrî Ngai, ûrîa ûrî kuo, warî kuo, na ûrîa ûgaûka, na kuuma kûrî maroho mûgwanja marîa marî mbere ya gîtî gîake Kîam ûthamaki,

Kûguû 10:3

Nake mûraika ûcio nîwaugîrîrie na mûgambo mûnene ta wa mûnyambû ûkîrarama. Rîrîa aarîkirie kugîrîria, ngwa mûgwanja nîciagambire.

Kûguû 15:1

Nînaacokire ngîona ûrirû wîngî mûnene na wa magegania ûrî îgûrû. Kwarî na araika mûgwanja maarî na ûvoti wa gûtûma nthî îgîe na mavera mûgwanja ma mûthiia. Namo makoonania mûthiia wa marakara ma Ngai.

Kûguû 15:7

Nakîo kîûmbe kîmwe Kîam irîa inya îrî mwoyo nîkîanengere araika mûgwanja mbakûri mûgwanja cia thaavu ciîcûrîte marakara ma Ngai ûrîa ûtûûraga tene na tene.

Kûguû 16:1

Ngîcoka ngîgua mûgambo mûnene kuuma hekarûrî ûkîra araika acio mûgwanja atîrî, “Thiîni nthî na mwîtûrûre mbakûri cia marakara ma Ngai!”

Kûguû 5:1

Nînaacokire ngîona îvuku rîa gîkûnjo rîrî njararî ya ûrîo ya ûrîa wekarîrîte gîtî Kîam ûthamaki. Îvuku rîu rîandîkîtwe mîena yoîrî na rîgatumwa na ndumo mûgwanja.

Kûguû 5:6

Nanie nînaacokire ngîona Gatûrûme arûngamîte vau gatagatî ka gîtî Kîam ûthamaki kathiûrûrûkîrîtue nî ciûmbe icio inya irî mwoyo na athuuri acio mîrongo îîrî na ana. Gatûrûme kau koonekaga takwa kaarî kaûrage. Nako kaarî na mvîa mûgwanja na metho mûgwanja, marîa arî mo maaroho mûgwanja marîa maatungataga Ngai na matûmîtwe nthî yonthe.

Kûguû 8:2

Nînaacokire ngîona araika mûgwanja arîa marûngamaga mbere ya Ngai. Nao nîmaanengerwe tûrumbeta mûgwanja.

Kûguû 8:6

Nao araika mûgwanja arîa maagwete tûrumbeta mûgwanja nîmeevarîrie gûtûvuva.