Josh 6:2 - ÎVUKU RÎA ÛVORO MWARO

² Nake Ngai-Mûnene nîwerire Joshua atîrî, “Rîu, Jeriko nîngûmîvecana kûrî mue, wana mûthamaki wakuo na athigari onthe arîa marî vinya a mbaara.

Josh 6:2 Referencias Cruzadas

2Sam 5:19

Nake Daudi nîwaûririe Ngai-Mûnene atîrî, “Nîûkwenda ntharîkîre Afilisiti? Nîûkûmvotithia kûmavoota?” Nake Ngai-Mûnene nîwacokirie atîrî, “Îî, thiî ûmatharîkîre! Nîngûkûvotithia kûmavoota.”

Nehemia 9:24

Kwoguo njiarwa ciao nîciatonyire na nîciegwatîre vûrûri ûcio, na nîwavootire andû arîa maatûûraga kuo. Andû acio maarî Akanaani, nîwavere andû aku vinya, nîguo meke wa ûrîa mangîendire andû a Kanaani vamwe na Athamaki.

Danieli 2:21

Nîke ûcenjagia mathaa na mavinda. Nîke ûthuuraga na akagwîthia athamaki. Nîke ûvecanaga ûûgî kûrî arîa aûgî na ûtaûku kûrî arîa marî na ûmenyo.

Danieli 2:44

Îvinda rîu rîa athamaki acio, Ngai ûrîa wî îgûrû nîakaarûngamia ûthamaki ûtakaathira. Ûthamaki ûcio ndûkaavotwa, na nîûgaacûkangia mothamaki mau mengî monthe mathire viû, ûcoke ûtûûre wathanaga tene na tene.

Danieli 4:17

Îtua rîîrî rîathanirwe kûvîtûkîrîra kûrî mûrangîri ûrîa mûvinyaru. Kwoguo andû onthe a nthî nîmamenye atî Ûrîa ûrî Îgûrû Mûno nîke wathaga mothamaki na andû, na nîke ûvecanaga ûthamaki kûrî mûndû ûrîa akwenda, wana ethîrwa nî mûndû ûrîa ûtarî îgweta.”

Danieli 4:35

Andû onthe a nthî nî a mana methorî make. Nîke wathaga araika arîa marî îgûrû Vamwe na andû arîa matûûraga gûkû nthî. Gûtirî mûndû ûngîregana na wendi wake kana ûngîgîa na kîûria îgûrû rîa ciîko ciake.

Danieli 5:18

We mûthamaki, Ngai ûrîa ûrî Îgûrû Mûno nîwatwire aguo, Nebukadinezarû mûthamaki mûnene, ûrî na riiri na gîtîîo.

Gûco 7:24

Ngai-Mûnene nîakaarekereria athamaki ao kûrî mue nîguo mûmaûrage mariganîre. Gûtirî mûndû ûkaamwîtirîria nginya mûmathirie onthe.

Josh 12:9

Joshua na andû a Isiraeli nîmaavootire athamaki a matûûra mama: Jeriko, Ai vakuvî na Betheli,

Josh 2:24

na makiuga atîrî, “Tue nîtwîtîkîtie atî Ngai-Mûnene nîatûvete vûrûri ûyû wonthe. Andû onthe marî na guoya na nî amaku nî tue.”

Josh 2:9

na akîmera atîrî, “Nîmbicî atî Ngai-Mûnene nîavecanîte vûrûri ûyû kûrî mue. Nao andû arîa onthe matûûraga vûrûrirî ûyû marî na guoya nyîngî mûno nîûndû wenyu.

Josh 20:1

Ngai-Mûnene nîwacokire akîra Joshua

Josh 6:1

Ivingo cia Jeriko cionthe nîciavingîtwe na îgekarua nî arangîri nîguo andû a Isiraeli matigatonye. Gûtirî mûndû ûngîaumire nja kana atonya îtûûrarî rîu.

Josh 6:3

We na athigari aku mûkathiûrûrûkaga îtûûra rîîrî rita rîmwe wa mûthenya. Îkani ûguo îvinda rîa mîthenya îtandatû.

Josh 8:1

Ngai-Mûnene nîwerire Joshua atîrî, “Oca athigari onthe unûkie ûthiî Ai. Ndûkamake kana wîtigîre. Nîngûtûma ûvoote mûthamaki wa Ai na andû ake, îtûûra na vûrûri wake ûtuîke waku.

Atir 11:21

Nwatî Ngai-Mûnene, Ngai wa Isiraeli nîwarekererie Sihoni na andû ake onthe kûrî Aisiraeli na makîmavoota. Kwoguo Aisiraeli nîmegwatîre vûrûri wonthe wa Aamori arîa maatûûraga vûrûri ûcio.

Atir 11:24

Îigîre kîrîa Kemoshi, ngai yaku îkûveete? Natue nîtwîgwatîra kûrîa Ngai-Mûnene, Ngai wetû atûvete.