Josh 6:1 - ÎVUKU RÎA ÛVORO MWARO

¹ Ivingo cia Jeriko cionthe nîciavingîtwe na îgekarua nî arangîri nîguo andû a Isiraeli matigatonye. Gûtirî mûndû ûngîaumire nja kana atonya îtûûrarî rîu.

Josh 6:1 Referencias Cruzadas

2Sam 10:5

Rîrîa Daudi aamenyithirue ûvoro ûcio, nîwatûmanire matûngwe nîûndû andû acio nîmegucaga nthoni nyîngî mûno. Nîwacokire akîmeera mekare Jeriko nginya rîrîa nderu ciao ikaneneva rîngî macoke macoke.

2Atha 17:4

Nwatî Hoshea nîwatûmîte anjaama kûrî mûthamaki wa Misiri na Hoshea nîwatigire kûrîvaga gooti kûrî mûthamaki wa Asîria ta ûrîa eekaga wa mwaka wa mwaka. Rîrîa Shalimaneseri aamenyire ûguo, nîwaugire Hoshea anyitwe na avingîrwe njera.

2Atha 2:4

Elija nîwacokire akîra Elisha atîrî, “Nakûthaitha wîkarage ava nîûndû Ngai-Mûnene nîandûmîte nthiî Jeriko.” Nwatî Elisha nîwamwîrire atîrî, “Nevîta na Ngai wakwa ûrîa ûtûûraga mwoyo na wata ûrîa we mwene ûgûtûûra mwoyo, atî tîngûtiga.” Kwoguo nîmaathiîre Jeriko.

Thaburi 127:1

Tiga nyomba îtumirwe nî Ngai-Mûnene, arîa mamîtumaga marutaga wîra wa mana. Tiga Ngai-Mûnene amenyerere îtûûra, mûrangîri arutaga wîra wa mana.

Josh 16:7

Kuuma Janoa nîwanyûrûrûkîte ûkathiî Atarothi na Naara, ûgîkinya Jeriko na ûkîthirîra rûnjîrî rwa Jorodani.

Josh 18:21

Matûûra manene marîa maarî ma mûvîrîga wa Benjamini kûringana na mbarî ciao maarî: Jeriko, Bethi Hogila, Emeki-kezizi,

Josh 2:1

Joshua mûvîcî wa Nuni nîwacokire agîtûma athigani aîrî kuuma Shitimu na akîmera mathiî makathigane vûrûri wa Kanaani na makîria îtûûra rîa Jeriko. Rîrîa maakinyire îtûûrarî rîa Jeriko, nîmaathiîre na makîrarîrîra kwa mûndû mûka ûmwe mûmaraa wetagwa Rahabu.

Josh 2:24

na makiuga atîrî, “Tue nîtwîtîkîtie atî Ngai-Mûnene nîatûvete vûrûri ûyû wonthe. Andû onthe marî na guoya na nî amaku nî tue.”

Josh 2:7

Kwoguo andû a mûthamaki nîmaarûmîrîrie athigani acio na îvenya. Na rîrîa maaumire nja ya îtûûra kîvingo gîa îtûûra nîkîavingirwe. Nao nîmaamarûmîrîrie nginya varîa rûnjî rwa Jorodani rwaringagîrwa.

Josh 5:15

Mûnene ûcio wa athigari a mbaara a Ngai-Mûnene nîwerire Joshua atîrî, “Ruta iratû ciaku, ûrûngamîte vandû vatheru.” Nake Joshua nîwekire ûguo eerirwe.

Josh 6:2

Nake Ngai-Mûnene nîwerire Joshua atîrî, “Rîu, Jeriko nîngûmîvecana kûrî mue, wana mûthamaki wakuo na athigari onthe arîa marî vinya a mbaara.