Josh 16:10 - ÎVUKU RÎA ÛVORO MWARO

¹⁰ Kûnarî ûguo mûvîrîga wa Efiraimu ndwengata andû a Kanaani arîa matûûraga Gezeri. Andû acio nwa maathiîre na mbere gûtûûra kuo vamwe na andû a mûvîrîga wa Efiraimu. Akanaani matûûraga kuo na nîmarutithagua wîra na vinya marî ngombo.

Josh 16:10 Referencias Cruzadas

1Atha 9:15

Mûthamaki Solomoni nîwarutithagia andû wîra wa gûtuma hekarû vamwe na nyomba yake na vinya, na gwîcûria mûthetu mwena wa îrathîro wa îtûûra rîa Jerusalemu na gûtuma rîngî matûûra ma Hazoru, Megido na Gezeri.

1Atha 9:16

(Mûthamaki wa Misiri, nîwatharîkîrîte îtûûra rîa Gezeri, akarîtava, akaûraga Akanaani arîa maatûûraga kuo na akavîvia îtûûra rîu. Nîwacokete akavecana îtûûra rîu rûrî rûracio kûrî mwarî ûrîa wavikîtue nî Solomoni.

1Atha 9:21

vamwe na njiarwa ciao irîa ciatigarire vûrûrirî wa Kanaani irîa andû a Isiraeli mataavota kûthiria viû nîmaarutithagua wîra na vinya nî Solomoni, na nwaguo matwîre nginya ûmûnthî.

2Maû 8:8

Andû acio nî arîa mataathirua nî andû a Isiraeli. Mûthamaki Solomoni nîwamatuire a kûrutaga wîra wake wa vinya. Njiarwa cia andû acio itûûraga irutaga wîra wa vinya nginya ûmûnthî.

Josh 10:33

Mûthamaki Horamu wa Gezeri nîwaûkire gûtethia andû a Lakishi kûrûa. Nwatî Joshua nîwavootire mûthamaki Horamu na athigari ake a mbaara na akîmaûraga onthe. Gûtirî wana ûmwe watigarire arî mwoyo.

Josh 15:63

Nwatî andû a Juda matiavota kwîngata andû a Jebusi kuuma Jerusalemu kûrîa maatûûraga. Kwoguo andû a Jebusi matûûraga vamwe na andû a Juda kûu Jerusalemu nginya ûmûnthî.

Josh 16:9

vamwe na matûûra mamwe na icagi imwe irîa ciarî vûrûrirî ûrîa wagaîrîtwe mûvîrîga wa Manase, nwatî nîciagaîrwe mbarî cia mûvîrîga wa Efiraimu.

Josh 17:12

Andû a mûvîrîga wa Manase matianavota kwîngata andû a Kanaani arîa maatûûraga matûûrarî mau, kwoguo nwa maathiîre na mbere gûtûûra kuo.

Josh 17:13

Rîrîa andû a Isiraeli maagîre vinya matiengata Akanaani onthe kuuma kuo, nwatî andû a Isiraeli nîmaamarutithagia wîra na vinya.

Atir 1:29

Andû a mûvîrîga wa Efiraimu matiengata Akanaani arîa maatûûraga îtûûrarî rîa Gezeri, kwoguo Akanaani nîmaathiîre na mbere gûtûûrania na andû a Efiraimu kûu Gezeri.