Josh 17:1 - ÎVUKU RÎA ÛVORO MWARO

¹ Josefu aarî na avîcî aîrî, Manase na Efiraimu. Manase nîke warî îrikithathi rîa Josefu. Îrikithathi rîa Manase rîarî mwanake wetagwa Makiru na aarî njamba ya mbaara. Makiru aarî îthe wa Gileadi. Kwoguo Gileadi na Bashani, mavûrûri marîa marî mwena wa îrathîro rîa Jorodani nîmaagaîrwe Makiru.

Josh 17:1 Referencias Cruzadas

Kîam 41:51

Kaana ka mbere gaciarwa, Josefu nîwaugire atîrî, “Ngai nîatûmîte ndiganîrwe nî mathîna makwa na ndiganîrwe nî andû etû.” Kwoguo nîwatuîrîre kana kau rîîtwa Manase.

Kîam 41:52

Nîwacokire akiuga atîrî, “Ngai nîamvete ciana nîrî vûrûrirî ûyû wa mathîna.” Kwoguo nîwetire kaana ga kaîrî Efiraimu.

Kîam 46:20

Josefu arî Misiri, nîwagîre na avîcî aîrî; Manase na Efiraimu. Josefu maaciarîte ciana ino marî na Asenathi mwarî wa Potifera mûthînjîri-ngai wa Oni.

Kîam 48:17

Rîrîa Josefu oonire îthe aigîrîra njara yake ya ûrîo îgûrû rîa kîongo Kîam Efiraimu nîwarakarire. Nake Josefu nîwanyitire njara ya Jakovu akîenda kûmîruta kîongorî Kîam Efiraimu amigîrîre kîongorî Kîam Manase.

Kîam 48:18

Josefu nîwerire îthe atîrî, “Ndûngîeka ûguo Vava, nîûndû kamwana gaka nîko gakûrû. Igîrîra nja yaku ya ûrîo kîongorî gîa ko.”

Kîam 50:23

Josefu nîwakûrire nginya akîona ciana cia Efiraimu, wana ciana cia ciana cia Efiraimu. Josefu nîwatûûrire nginya akîgwata ciana cia Makiru mûvîcî wa Manase.

2Sam 2:9

Nao marî kûu, Abineri nîwatuire Ishiboshethu mûthamaki wa mavûrûri ma Gileadi, Aashuri, Jezireeli, Efiraimu, Benjamini na Isiraeli kuonthe.

1Maû 2:23

Nwatî mothamaki ma Geshuri na Aramu nîmaarûire na Jairi na makîîgwatîra matûûra mîrongo îtandatû, wa vamwe na icagi cia Jairi na Kenathi na matûûra marîa maarî vakuvî. Andû onthe arîa maatûûraga kûu maarî njiarwa cia Makiru, îthe wa Gileadi.

Ezek 47:13

Ngai-Mûnene Ngai nîwambîrire atîrî, “Îno nîyo mîvaka ya vûrûri ûrîa ûkaagaîrwa mîvîrîga îrîa îkûmi na îîrî (12) ya Isiraeli na mûvîrîga wa Josefu ûkaagaîrwa icunjî igîrî.

Ezek 48:4

Gîcunjî kîrîa kîriganîtie na mûvîrîga wa Nafutali kuuma mwena wa îrathîro nginya îthûîro Kîamgaîrwe mûvîrîga wa Manase.

Ndari 26:29

Andû a mûvîrîga wa Manase maarî: Makiru. Makiru aarî îthe wa Gileadi. Andû a mûvîrîga wa Gileadi maarî:

Ndari 27:1

Aarî a Zelofehadi maarî Mahila, Noa, Hogila, Milika, Tiriza. Zelofehadi aarî mûvîcî wa Heferi, Heferi aarî mûvîcî wa Gileadi, Gileadi aarî mûvîcî wa Makiru, Makiru aarî mûvîcî wa Manase, Manase aarî Mûvîcî wa Josefu.

Ndari 32:33

Kwoguo Musa nîwavere andû a mûvîrîga wa Gadi na wa Reubeni, na nuthu ya mûvîrîga wa Manase mûvîcî wa Josefu, vûrûri wonthe wa Mûthamaki Sihoni wa Amori na vûrûri wa Ogu, Mûthamaki wa Bashani vamwe na matûûra ma mavûrûri mau, na matûûra marîa mengî maariganîtie namo.

Gûco 21:17

Agîrîrwe nî kûva îrikithathi indo maita maîrî ma irîa angîva mwana ûrîa mûnini, wana ethîrwa îrikithathi tî rîa mûndûmûka ûrîa endete. Nwanginya agaîre îrikithathi rîu maita maîrî ma indo ciake kûringana na watho.

Josh 17:2

Naguo vûrûri ûrîa warî mwena wa îthûîro wa rûnjî rwa Jorodani nîwagaîrwe Abiezeri, Heleki, Asirieli, Shekemu, Heferi, na Shemida. Andû acio maarî arûme njiarwa cia Manase mûvîcî wa Josefu na nîo maarî atongoria a mbarî ciao.

Josh 22:7

Musa nîwagaîrîte nuthu îmwe ya mûvîrîga wa Manase vûrûri wa Bashani, nwatî nuthu îo îngî ya mûvîrîga wa Manase aamaveere mwena wa îthûîro wa rûnjî rwa Jorodani vakuvî na aa mûrwang'ina. Na rîrîa Joshua aamarathimire na akîmeera mathiî kwao mîciî

Atir 5:14

Nîmaaumire Efiraimu makîthiî Kîamndarî, marûmîrîrîtie andû ao a mûvîrîga wa Benjamini. Atongoria a mbaara nîmaaumire Makiru, anene a mbaara nîmaaumire Zebuluni.