Josh 16:9 - ÎVUKU RÎA ÛVORO MWARO

⁹ vamwe na matûûra mamwe na icagi imwe irîa ciarî vûrûrirî ûrîa wagaîrîtwe mûvîrîga wa Manase, nwatî nîciagaîrwe mbarî cia mûvîrîga wa Efiraimu.

Josh 16:9 Referencias Cruzadas

2Sam 2:9

Nao marî kûu, Abineri nîwatuire Ishiboshethu mûthamaki wa mavûrûri ma Gileadi, Aashuri, Jezireeli, Efiraimu, Benjamini na Isiraeli kuonthe.

1Maû 7:28

Vûrûri ûrîa meegwatîre ûtuîke wao na magîtûûra kuo wanyitîte Betheli vamwe na matûûra marîa maarîthiûrûrûkîrîtie kûthiî na mwena wa îrathîro nginya Naarani. Nakuo mwena wa îthûîro wakinyîte îtûûrarî rîa Gezeri vamwe na matûûra marîa maarîthiûrûrûkîrîtie. Nîwathiîte ûkîgwata matûûra manene ta, Shekemu na Aya na matûûra marîa maamathiûrûrûkîrîtie.

Ezek 48:5

Gîcunjî kîrîa kîriganîtie na mûvîrîga wa Manase kuuma mwena wa îrathîro nginya îthûîro Kîamgaîrwe mûvîrîga wa Efiraimu.

Josh 16:10

Kûnarî ûguo mûvîrîga wa Efiraimu ndwengata andû a Kanaani arîa matûûraga Gezeri. Andû acio nwa maathiîre na mbere gûtûûra kuo vamwe na andû a mûvîrîga wa Efiraimu. Akanaani matûûraga kuo na nîmarutithagua wîra na vinya marî ngombo.

Josh 16:8

Mûvaka nîwaumîte Tapua ûkathiî na mwena wa îthûîro nginya karûnjîrî ga Kana na ûkîthirîra îriarî rîa Mediterania. Ûcio nîguo vûrûri ûrîa wagaîrwe mbarî cia mûvîrîga wa Efiraimu ûtuîke wao,

Josh 17:9

Mûvaka wa vûrûri wa Manase nîwanyûrûrûkîte ûgakinya karûnjîrî getagwa Kana. Nîwacokete ûkathiîrîra karûnjîrî kau na mwena wa rûgûrû ûgîkinya îriarî rîa Mediterania. Matûûra marîa maarî mwena wa îveti wa karûnjî ga kana maagaîrwe mûvîrîga wa Efiraimu, nwatî maarî vûrûrirî wa Manase.