Josh 1:5 - ÎVUKU RÎA ÛVORO MWARO

⁵ Gûtirî mûndû ûgaakûvoota vîndî îrîa yonthe ûgûtûûra mwoyo. Ngethagîrwa nîrî nawe ta ûrîa nethagîrwa nîrî na Musa. Ndigaagûtiganîria.

Josh 1:5 Referencias Cruzadas

Kîam 39:2

Ngai-Mûnene aarî vamwe na Josefu, na nîwatûmire ûtûûro wake wagîre. Josefu eekaraga nyomba kwa mwathi wake Mûmisiri.

1Atha 1:37

Ngai-Mûnene aroethagîrwa arî na Solomoni wata ûrîa arethagîrwa arî na mwathi wakwa. Ngai-Mûnene arotûma ûthamaki wa Solomoni ûvua wana gûkîra waku.”

1Atha 11:38

Ethîrwa ûkathîkagîra maûndû monthe marîa ngwathîte, ûgîkaga maûndû marîa maro, na wathîkagîre irîra cia mawatho makwa, ûkîvingagia maathani makwa wata ûrîa ndungata yakwa Daudi eekire, ngethagîrwa vîndî cionthe nîrî vamwe nawe. Nîngaagûtua mûthamaki wa Isiraeli na ndûme njiarwa ciaku itûûre ciathanaga vuva waku, wata ûrîa nekire Daudi.

1Atha 6:13

Nîngaatûûrania na andû akwa Aisiraeli na ndikaamatiganîria.”

1Atha 8:57

Ngai-Mûnene, Ngai wetû aroekara natue, wata ûrîa eekaraga na methe metû ma tene; na ndagatûtige kana ariganîrwa nî tue.

1Maû 28:20

Nake mûthamaki nîwerire mûvîcî Solomoni atîrî, “Gîa na vinya na wîyûmîrîrie ûrute wîra ndûgetigîre kana ûreke ûndû wana ûrîkû ûkûgiria kûruta wîra, nîûndû Ngai-Mûnene, Ngai wakwa akethagîrwa arî vamwe nawe. Ndagaagûtiganîria, akethagîrwa arî nawe nginya rîrîa hekarû ya Ngai-Mûnene îkaarîka.

Thaburi 46:11

Ngai-Mûnene mwene vinya wonthe arî vamwe natue, Ngai wa Jakovu nîke mûgitîri wetû.

Ntha 3:12

Ngai nîwacokerie Musa atîrî; “Ngethagîrwa nîrî nawe, na waruta andû a Isiraeli kuuma Misiri nîmûkaangooca mûrî kîrîmarî gîkî. Kîu nîkîo gîgaatuîka kîmenyithia atî nie nîngûtûmîte.”

Isaia 42:16

“Nîngaatongoreria itumumu njîrarî irîa mataicî. Ngaamatongoreria tûcîrarî tûrîa matamenyete. Nîngaagarûra nduma îrîa îrî mbere yao îtuîke ûtheri, na kûndû kûrîa gûtarî kwaraganu nîkwaraganie. Mama nîmo maûndû marîa ngeeka, na ndikaamatiganîria.

Jeremia 1:8

Ndûkametigîre nîûndû ngethagîrwa nîrî vamwe nawe nîguo ngûgitagîre, ûguo nîguo Ngai-Mûnene augîte.”

Danieli 11:16

Mûthamaki ûrîa ûkathithûkîra andû a Sîria nî akaameka wa ûrîa akwenda na gûtirî mûndû ûkaaregana nake. Nîa kaarûngama vûrûrirî wa Isiraeli na vûrûri ûcio wonthe ûkethîrwa ûrî rungu rwa wathani wake.

Mathaayo 28:20

Mathomithagieni kwathîkîra maûndû monthe marîa nîmwathîte. Ngethagîrwa nîrî vamwe na mue vîndî cionthe kinya îthirîro rîa mavinda mama.”

Aroma 8:31

Nîtuga atîa îgûrû rîa maûndû mama? Ethîrwa Ngai arî mwena wetû, nû ûngîtûtuma ûthû?

Aroma 8:37

Nwatî maûndûrî mama monthe, tue nîtûvootanîte na njîra ya ûcio watwendire.

Gûco 20:1

“Rîrîa mwathiî mbaararî kûrûa na nthû cienyu, na mwone marî na mbarathi, ikaari cia mbaara, na athigari a mbaara eengî kûmûkîra, mûtikametigîre. Ngai-Mûnene Ngai wenyu, ûrîa wamûrutire Misiri akethagîrwa arî vamwe namue.

Gûco 20:4

Ngai-Mûnene Ngai wenyu nîke ûkaamûrûagîrîra kûrî nthû cienyu na akamûva ûvootani.’

Gûco 31:23

Nake Ngai-Mûnene nîwacokire akîatha Joshua mûvîcî wa Nuni akîmwîra atîrî, “Gîa na vinya na ûmîrîrie, nîûndû nîwe ûgûtongoria andû a Isiraeli mathiî vûrûrirî ûrîa namerîre na mwîvîtwa atî nîngaamava, na ngethagîrwa nîrî vamwe nawe.”

Gûco 4:31

Ngai-Mûnene, Ngai wenyu arî ntha. Ndakaamûtiganîria kana amûcûkangia na ndakaariganîrwa nî kîrîkanîro kîrîa ke mwene aarûthire na methe menyu na akîmerîra na mwîvîtwa.

Gûco 7:24

Ngai-Mûnene nîakaarekereria athamaki ao kûrî mue nîguo mûmaûrage mariganîre. Gûtirî mûndû ûkaamwîtirîria nginya mûmathirie onthe.

2Tim 4:17

Nwatî Mwathani aarî vamwe nanie na nîwamûvere vinya wa kûvecana ûvoro mwaro kûrî andû onthe a ndûrîrî, kwoguo nînarutirwe magegorî ma simba.

Ahib 13:5

Mûtikende mbeca makîria, nwatî mûndû nîeganagwe nî kîrîa arî nakîo. Nîûndû Ngai augîte atîrî, “Nie ndigaagûtiganîria kana ndiganîrwe nîwe.”

Josh 1:17

Tue tûgaakwathîkagîra wata ûrîa twathîkagîra Musa. Ngai-Mûnene, Ngai waku nîethagîrwe nawe wata ûrîa eethagîrwa na Musa.

Josh 1:9

Ririkana atî nakwatha ûgîe na vinya na ûmîrîrie! Ndûgetigîre kana ûgîe guoya, nîûndû nie Ngai-Mûnene, Ngai waku, ngethagîrwa nîrî nawe kûrîa kuonthe ûkathiîcaga.”

Josh 10:8

Nake Ngai-Mûnene nîwerire Joshua atîrî, “Ndûkamakue nîo. Nie nîmûkûveu ûvootani. Gûtirî wana ûmwe wao ûgagwîtirîria.”

Josh 21:44

Ngai-Mûnene nîwerîrîte methe ma tene ma andû a Isiraeli atî nîagaatûma matûûrage na thayû vûrûrirî wao wonthe. Nake nîwavingirie kîîranîro kîu. Gûtirî wana îmwe ya nthû ciao îngîavotire kûrûa nao, nîûndû Ngai-Mûnene nîwamavere ûvootani kûrî nthû ciao cionthe.

Josh 3:7

Nake Ngai-Mûnene nîwerire Joshua atîrî, “Ûmûnthî ûndû ûrîa ngwîka nî wa gûtûma ûneneve methorî ma andû onthe a Isiraeli, nîguo mamenye atî ngethagîrwa nîrî nawe ta ûrîa nethagîrwa nîrî na Musa.

Josh 6:27

Kwoguo Ngai-Mûnene nîwethagîrwa arî vamwe na Joshua na ngumo ya Joshua nîyatambire kûndû kuonthe vûrûrirî.

Atir 2:18

Vîndî îrîa Ngai-Mûnene ava Aisiraeli mûtongoria, Ngai-Mûnene nîwatethagia mûtongoria ûcio na nîwavonokagia Aisiraeli kuuma kûrî nthû ciao vîndî cionthe rîrîa mûtongoria ûcio ethagîrwa arî mwoyo. Ngai-Mûnene nîwegucagîra Aisiraeli ntha, nîûndû wa mathîna ma andû arîa maamavinyagîrîria.

Atir 6:16

Nake Ngai-Mûnene nîwamûcokerie atîrî, “Nîûgwîka guo nîûndû ngethîrwa nîrî vamwe nawe. Ûgacûkangia andû a Midiani takwa marî mûndû ûmwe.”

1Sam 10:7

Vîndî îrîa maûndû mama magekîka, we ûgeka wa ûrîa ûkona kwagîrîrîte nîûndû Ngai arî vamwe nawe.