Josh 1:6 - ÎVUKU RÎA ÛVORO MWARO

⁶ Gîa na vinya na ûmîrîrie nîûndû nîwe ûgaatûma andû aya magae vûrûri ûrîa nerîre methe mao na ngîîvîta atî nîngaamava.

Josh 1:6 Referencias Cruzadas

Kîam 12:7

Nake Ngai-Mûnene nîwaumîrîre Aburamu na akîmwîra atîrî, “Vûrûri ûyû nîngaaûvecana kûrî njiarwa ciaku.” Kwoguo Aburamu nîwatumîre Ngai-Mûnene ûcio wamumîrîrîte metha ya kîgongoona vau.

Kîam 26:3

Tûûra vûrûrirî ûyû na ngethagîrwa nîrî vamwe nawe na nîngaakûrathima. Nîngaakûva vûrûri ûyû wonthe, we na njiarwa ciaku, na nîngaavingia kîîranîro gîakwa kîrîa neerîre Iburahimu na mwîvîtwa.

2Sam 10:12

Îyûmîrîrie! Tûrûe na vinya nîûndû wa andû etû na matûûra ma Ngai wetû. Nake Ngai-Mûnene aroeka wa ûrîa akwona kwagîrîre.”

1Atha 2:2

“Rîu nîrî vakuvî gûkua, gîa na vinya na wîyûmîrîrie,

1Maû 22:13

Ethîrwa nîûkaathîkîra mawatho monthe marîa Ngai-Mûnene aaveere Aisiraeli kûvîtûkîra Musa, maûndû maku nîmakaavua. Gîa na vinya, wîyûmîrîrie na ndûgetigîre kana ûgîa na guoya.

1Maû 28:10

Nwanginya ûmenya atî Ngai-Mûnene nî akûthuurîte ûmûtumîre hekarû ntheru. Gîa na vinya ûrute wîra ûcio.”

1Maû 28:20

Nake mûthamaki nîwerire mûvîcî Solomoni atîrî, “Gîa na vinya na wîyûmîrîrie ûrute wîra ndûgetigîre kana ûreke ûndû wana ûrîkû ûkûgiria kûruta wîra, nîûndû Ngai-Mûnene, Ngai wakwa akethagîrwa arî vamwe nawe. Ndagaagûtiganîria, akethagîrwa arî nawe nginya rîrîa hekarû ya Ngai-Mûnene îkaarîka.

2Maû 15:7

Nwatî mue, îîyûmîrîrieni na mûtigakue ngoro, nîûndû nîmûkaanyita kîveo nîûndû wa wîra wenyu.”

2Maû 20:11

Taroria rîu ûrîa maratwîka. Maûkîte gûtûtharîkîra nîguo tuume vûrûrirî ûrîa watûveere ûtuîke wetû.

2Maû 20:7

Ngai wetû, vîndî îrîa andû a Isiraeli maatonyire vûrûrirî ûyû, kinthî ndwengatire andû arîa maatûûraga kuo na ûkîûva njiarwa cia Iburahimu, mûrata waku nîguo ûtuîke wao tene na tene?

Thaburi 27:14

Îîvoke Ngai-Mûnene. Gîa na vinya, na ndûgakue ngoro. Îîvoke Ngai-Mûnene.

Danieli 10:19

Nîwambîrire atîrî, “We mûndû ûyû, Ngai nî mûkwendu mûno, ndûgetigîre! Gîa na thayû, gîa na vinya na ûmîrîrie!” Na rîrîa aambîrire ûguo, nînaagîre na vinya na ngiuga atîrî, “Mwathi wakwa, rîu mbîra ûrîa ûkwenda, nîûndû nîwambîkîra vinya.”

Hagai 2:4

Kûnarî ûguo, ndûgakue ngoro we Zerubabeli. Îyûmîrîrie we Joshua mûvîcî wa Jehozadaki mûthînjîri-Ngai mûnene. Îyûmîrîrieni mue andû onthe a vûrûri ûyû. Rutani wîra nîûndû nie Ngai-Mûnene mwene vinya wonthe nîrî namue.

Zakaria 8:9

Ngai-Mûnene augîte atîrî, “Mue arîa rîu mûregua ndûmîrîri îrîa yarirue nî arathi arîa maarî vo vîndî îrîa mûcingi wenjagwa wa gûtuma rîngî hekarû ya Ngai-Mûnene mwene vinya wonthe, îîyûmîrîrieni nîguo hekarû îtumwe.

Ndari 26:53

“Gaîra mîvîrîga îno yonthe vûrûri ûyû ûtuîke îgai rîao, wata ûrîa andû a wa mûvîrîga megana.

Ndari 33:53

Mûkegwatîra vûrûri ûcio mûtûûre kuo, nîûndû nînîmûvete guo ûtuîke wenyu.

1Akor 16:13

Îkaragani mwîvarîrîtie na mwîkindîrîtie wîtîkiorî wenyu. Gîani na ûmîrîru. Gîani na vinya.

Aefeso 6:10

Rîu ngîrîkîrîria, nîramwîra mûgîcage na vinya mûmagîrîrie mûrî ndaarî ya Mwathani na mûvotithîtue nî vinya mwîngî wake.

Gûco 1:21

Taroriani, nîguo ûûrîa, thiîni mûkegwatîre guo wata ûrîa Ngai-Mûnene, Ngai wa methe menyu aamwîrire. Mûtigetigîre kana mûmake.’

Gûco 1:8

Taroriani, nîngûmûva vûrûri ûyû wonthe mûrona ûrîa Nie, Ngai-Mûnene nerîîre methe menyu ma tene: Iburahimu, Isaka na Jakovu vamwe na njiarwa ciao na mwîvîtwa atî nîngaamava. Thiîni mwînyitîre guo.’ ”

Gûco 11:8

“Vîndî îtarî ndaca nîmûkûringa rûnjî rwa Jorodani, na mwona mwathîkîra maathani monthe marîa ngûmûva ûmûnthî, nî mûkûgîa na vinya wa kwîgwatîra vûrûri ûcio mûthiîte gûtonya.

Gûco 31:23

Nake Ngai-Mûnene nîwacokire akîatha Joshua mûvîcî wa Nuni akîmwîra atîrî, “Gîa na vinya na ûmîrîrie, nîûndû nîwe ûgûtongoria andû a Isiraeli mathiî vûrûrirî ûrîa namerîre na mwîvîtwa atî nîngaamava, na ngethagîrwa nîrî vamwe nawe.”

2Tim 2:1

Kwoguo, we Timotheo mwana wakwa gîa na vinya nîûndû wa wega wa Ngai ûrîa twîthagîrwa tûrî naguo tûrî ndaarî ya Jesû Kristû.

Josh 1:18

Mûndû wa wonthe ûkaaregana nawe na arege kwathîkîra watho waku, nî akaaûragwa. Gîa na vinya na ûmîrîrie!”

Josh 1:7

Kwoguo gîa na vinya na ûmîrîrie na wathîkagîre watho wonthe kûringana na ûrîa Musa ndungata yakwa aakwathire. Ndûkagarûrûke na mwena wa ûrîo kana wa ûmotho ume wathorî ûcio. Na wona weka ûguo ûkavootanaga kûrîa kuonthe ûkathiîcaga.

Josh 1:9

Ririkana atî nakwatha ûgîe na vinya na ûmîrîrie! Ndûgetigîre kana ûgîe guoya, nîûndû nie Ngai-Mûnene, Ngai waku, ngethagîrwa nîrî nawe kûrîa kuonthe ûkathiîcaga.”

Josh 10:25

Nîwacokire akîra anene a athigari a mbaara atîrî, “Mûtikamake kana mûnyitwa nî guoya. Gîani na vinya na mûmîrîrie nîûndû ûguo nîguo Ngai-Mûnene ageeka nthû cienyu cionthe.”

Josh 13:6

Vûrûri ûcio ûnyitanîte na gîcunjî gîa andû a Sidoni arîa matûûraga vûrûri ûrîa ûrî irîma gatagatî ga irîma cia Lebanoni na Misirefothu Maimu. Andû acio onthe nie Ngai-Mûnene nîngaamarutûrûra maume kuo rîrîa andû a Isiraeli makaathiî gûtonya mavûrûrirî mau. Mauma kuo nwanginya ûkaagaîra andû a Isiraeli vûrûri ûcio wata ûrîa nakwatha wîke.

Josh 18:3

Kwoguo Joshua nîwaûririe andû a Isiraeli atîrî, “Nîmweterera nginyagia rî mûtathiîte kwîgwatîra vûrûri ûrîa Ngai-Mûnene, Ngai wa methe menyu amûveete?

Josh 21:43

Ngai-Mûnene nîwavere andû a Isiraeli vûrûri wonthe ûrîa eerîrîte methe mao ma tene na mwîvîtwa atî nî akaamava. Kwoguo andû a Isiraeli nîmegwatîre vûrûri ûcio na magîtûûra kuo.

Josh 5:6

Andû a Isiraeli nîmaathiîre îvinda rîa mîaka mîrongo îna marî werûrî na arûme arîa maarî na ûkûrû wa kûthiî mbaararî nîmaakuîrîre werûrî marega kwathîkîra Ngai-Mûnene. Nake Ngai-Mûnene nîwevîtîte nîûndû wao akiuga ndageetîkîra makinya vûrûri ûrîa eerîre methe mao atî nî akaamava vûrûri mûnoru ûrî îria na ûûkî.

1Sam 4:9

Mwîyûmîrîrieni Afilisiti aya na mûrûe ta arûme, nîguo tûtigatuîke ngombo cia Ahibirania ta ûrîa maarî ngombo cietû. Kwoguo rûani ta arûme.”