Josh 1:4 - ÎVUKU RÎA ÛVORO MWARO

⁴ Mîvaka ya vûrûri wenyu îkethîrwa yumîte werûrî mwena wa îveti nginya mwena wa rûgûrû irîmarî cia Lebanoni. Na kuuma îriarî rîa Mediterania rîrîa rîrî mwena wa îthûîro nginya rûnjîrî rûrîa rûnene rwa Farati, ûvîtûkîrîrîte vûrûrirî wa Ahiti.

Josh 1:4 Referencias Cruzadas

1Atha 10:29

Andû acio maagûraga gîkaari Kîam mbaara Misiri na thogora wa sîlûva magana matandatû (600), nayo mbarathi sîlûva îgana rîa mîrongo îtano (150). Andû acio meendagîria athamaki a Ahiti na a Sîria indo icio.

1Atha 4:21

Solomoni aarî mûnene wa mavûrûri monthe kuuma rûnjîrî rwa Farati nginya vûrûri wa Afilisiti gûcoka kûthiî mûvakarî wa Misiri. Andû a kuo nîmaarîvaga gooti kûrî Solomoni na nîmaamûtungatîre ûtûûrorî wake wonthe.

1Maû 18:3

Daudi nîwatharîkîre mûthamaki Hadadezeri wa Zoba vakuvî na vûrûri wa Hamathi. Vîndî îo Hadadezeri aageragia kûnenevia ûthamaki wake ûkinye mwena wa îgûrû wa rûnjî rwa Farati.

1Maû 5:9

Andû aya nwa matûûraga na mwena wa îrathîro nginya rûtere rwa werû vakuvî na rûnjî rwa Farati nîûndû maarî na indo nyîngî cia kûrîthia irîa ciongererekete marî vûrûrirî wa Gileadi.

Ezira 4:20

Jerusalemu kwîthîrîtwe kûrî na athamaki marî vinya na makîatha vûrûri wonthe ûrîa ûrî mûringo wa Rûnjî rwa Farati na mwena wa îthûîro. Nî maaûnganagia gooti cia mîthemba yonthe.

Ntha 23:31

Nîngekîra mîvaka ya vûrûri wenyu kuuma îriarî rîrîa Îtune nginyagia îria rîa Mediterania, na kuuma werûrî nginyagia rûnjîrî rwa Farati. Nîngaatûma mûvoote andû arîa matûûraga vûrûrirî ûcio, na nîmûkaamengata maume kuo.

Gûco 1:7

Ambûrani magema na mûthiî na mbere na rûgendo nginya mûkinye vûrûrirî ûrîa ûrî irîma wa Aamori, na icunjî cionthe irîa ithiûrûrûkîrrîtie vûrûri ûcio: na nîkuo Araba, vûrûri ûrîa ûrî irîma, nthî ya irîma, na Negebu. Mûthiîni vûrûrirî wa Kanaani na mûvîtûke irîma cia Lebanoni mûkinye rûnjîrî rûnene rwa Farati.

Gûco 11:24

Kûrîa kuonthe mûkaavîtûkîrîra, gûkethîrwa kûrî kwenyu. Vûrûri wenyu ûkeethîrwa umîte werûrî nginya Lebanoni, na kuuma rûnjîrî rwa Farati nginya îria rîa Mediterania mwena wa îthûîro.

Gûco 3:25

Ngai-Mûnene, nakûthaitha ûmbîtîkîrie ninge rûnjî rwa Jorodani ngone vûrûri ûcio mwaro ûrî irîma nthaka na irîma cia Lebanoni.’

Kûguû 9:14

Naguo mûgambo ûcio nîwerire mûraika wa gatandatû atîrî, “Rekereria araika ana arîa movetwe vau rûnjîrî rûnene rwa Efarati.”