2Tim 1:3 - ÎVUKU RÎA ÛVORO MWARO

³ Nie nînjokagîria Ngai ngatho ûrîa ndungataga na thamiri itarî na ûcuke. Methe metû ma tene nwaguo meekaga. Nînjokagîria Ngai ngatho vîndî îrîa ngûkûririkana mavoyarî makwa thaa cionthe ûtukû na mûthenya.

2Tim 1:3 Referencias Cruzadas

Luka 2:37

Ana nîwathiîcaga hekarûrî mûthenya wana ûtukû na akathaithaga Ngai mûno na njîra ya kûmûvoya na kwînyerekia.

Ciîko 22:3

“Nie nîrî Mûyahudi, na naaciarîrwe Tariso vûrûrirî wa Kilikia, nwatî ngîrererwa gûkû îtûûrarî rîîrî rîa Jerusalemu. Gamalieli nîke wanthomithirie. Ke nîwanthomithirie na njîra îno mbîcûru viû ûvororî wîgiî Watho wa methe metû ma tene. Nie nînatungatagîra Ngai nîrî na kîîo kîîngî mûno wa tamue muonthe arîa mûrî ava ûmûnthî.

Ciîko 23:1

Paûlo nîwaroririe athuuri a Kîamma araûkîtie mûno na akiuga atîrî, “Ariû na aarî a îthe wetû, methorî ma Ngai nie nîndûûrîte nîrî na thamiri ntheru nginya mûthenya ûyû wa ûmûnthî.”

Ciîko 24:14

Nwatî ûndû ûrîa ngwîtîkîra nî atîrî: Nie ngoocaga Ngai wa methe metû ma tene nîrî mûrûmîrîri wa Njîra ya Jesû. Ayahudi maugaga atî Njîra îo nî ya maveeni. Wana nîmbîtîkîtie maûndû monthe marîa mandîkîtwe Wathorî wa Musa na mavukurî ma arathi.

Ciîko 24:16

Kwoguo vîndî cionthe nie ngeragia gwîka wa ûrîa nîngîvota, nîguo mbîthagîrwe nîrî na thamiri ntheru methorî ma Ngai na ma andû.

Ciîko 26:4

“Ayahudi onthe nîmaicî ûvoro wîgiî ûtûûro wonthe wakwa. Nîmaicî ûrîa naatûûraga kuuma wa Kîammbîrîria nîrî vûrûrirî wa gwetû na nîrî gûkû Jerusalemu.

Ciîko 27:23

Ûtukû wa îgoro mûraika wa Ngai, Ngai ûrîa nîrî wake na ngoocaga, nîaranyumîrîre

Aroma 9:1

Nie nîraria ûma nîrî ndaarî ya Kristû. Thamiri yakwa îrîa yathagwa nî Roho Mûtheru nî mûira wakwa atî ndirathaana.

2Akor 1:12

Ûrîa ûratûma twîtîîe na nwa mvote kuga nîrî na thamiri ntheru atî, maûndûrî monthe marîa twîkîte gûkû nthî na makîria kûrî mue, tue twarî na wîvokeku na ngoro ntheru kuuma kûrî Ngai. Twekire ûguo na njîra ya wega wa Ngai na tî na ûûgî wa ûmûndû.

Agal 1:14

Naarî na kîîo mûno gûkîra Ayahudi a riika rîakwa ûvororî wîgiî kûrûmîrîra ndini ya Ayahudi, na nînerutanagîria mûno kûrûmîrîra mîtugo ya kîndûîre ya methe metû ma tene.

Aefeso 1:16

nditigithagîrîria gûcokia ngatho kûrî Ngai nîûndû wenyu. Rîrîa rîonthe nîravoya nîmûririkanaga.

1Ath 3:10

Mûthenya na ûtukû nîtûvoyaga na ngoro yetû yonthe nîguo atûvotithie twonane namue rîngî nîguo tûvote kûmûva kîrîa mûvatarîte wîtîkiorî wenyu.

1Tim 1:19

Îthagîrwa ûrî na wîtîkio na thamiri mbaro. Andû amwe matithikagîrîria thamiri ciao na nîmatete wîtîkio wao.

1Tim 1:5

Nîrakwatha ûguo nîguo mûrurumûkie wendo ûrîa umaga ngororî ntheru, thamirirî mbaro na wîtîkiorî wa ma.

1Tim 5:5

Mûndûmûka wa ndigwa ûrîa ûtarî na mûndû wa kûmûtethia na wîkaraga wenga, aigaga kîîrîgîrîro gîake kûrî Ngai. Avoyaga ûtukû na mûthenya nîguo Ngai amûtethie.

2Tim 1:5

Nîndirikanaga wîtîkio waku ûrîa ûtarî ûvinga. Wîtîkio wata ûyû nîguo warî na ûcûguo Loisi na nyûkwe Eunîci. Nîrî nama atî wîna wîtîkio wata ûcio wao.

2Tim 3:15

Na ûririkane atî kuuma ûrî mwana nîwecî mandîko marîa matheru marîa mangîtûma ûgîe na ûûgî wa gwîtîkia Jesû Kristû ûkînavonoka.

Ahib 13:8

Jesû Kristû ûrîa arekariî îgoro, nîguo ekariî ûmûnthî na nîatûûra ûguo tene na tene.

1Sam 12:23

Makîria ya ûguo, Ngai-Mûnene arondethia ndikavîtie ngîrega kûvoya nîûndû wenyu, nwatî ngaamûthomithagia ûvoro wîgiî maûndû marîa maro na marîa ma ûma.