2Tim 1:4 - ÎVUKU RÎA ÛVORO MWARO

⁴ Nîndirikanaga ûrîa warîrire na nînîrenda mûno gûkwona nîguo mbîcûrwe nî gîkeno.

2Tim 1:4 Referencias Cruzadas

Thaburi 126:5

Arîa mavandaga na methori, magaaketha makenete!

Isaia 61:3

Andûmîte ngave arîa maracakaya marî Zayuni, ngovia ya maûa vandû va mûu, maguta ma gîkeno vandû va kîeva, nguo ya ûgooci vandû va îvooru. Makethîrwa mavaana ta mîtî ya mîvuru ya ûthingu, îrîa Ngai-Mûnene avandîte nîguo akumague.

Jeremia 31:13

Erîtu nîmakeinia makenete, na anake na athuuri nîmagaakena. Nîngaagarûra macakaya mao matuîke gîkeno, nîngamaûmîrîria na ndûme magîe na gîkeno îthenya rîa kîeva.

Johana 16:22

Kwoguo mue rîu mûrî na kîeva, nwatî nîngaamwona rîngî na vîndî îo nîmûkaagîa na gîkeno, gîkeno kîrîa gûtarî mûndû ûngîmûcuna.

Johana 16:24

Nginya rîu gûtirî ûndû mwanavoya na rîîtwa rîakwa. Voyani namue nîmûkûvewa na mûcoke mûgîe na gîkeno gîkî gîcûru.

Ciîko 20:19

Ayahudi nîmaatûmire nthînîke mûno nîûndû wa mîvango yao mîcûku. Nwatî mue nîmwicî atî nie nînatungatagîra Mwathani nîrî na wînyivia mwîngî na mavinda meengî ngetûrûraga methori.

Ciîko 20:31

Kwoguo îîmenyagîrîreni! Vîndî cionthe ririkanagani kwa îvinda rîa mîaka îthatû nie ndiatiga kûmûkaania ngîtûrûraga methori ûtukû na mûthenya.

Aroma 1:11

Nîûndû nîmendaga mûno kûmwona nîguo nîmûgaîre kîrathimo gîa kîîroho nîguo mûgîe na vinya.

Afil 1:8

Ngai nî mûira atî nîraria ûma vîndî îrîa nguga atî wendo wakwa kûrî mue wîthagîrwa umîte ngororî ya Jesû Kristû ke mwene.

Afil 2:26

Nîwîriragîria kûmwona muonthe na nîmûmaku mûno amenya atî nîmweguîte atî aarî mûrwaru.

1Ath 2:17

Ariû na aarî a îthe wetû, wana ethîrwa gwa kavinda kanini nîtwatiganire namue mîîrî nwatî tî ngoro, nîtwendaga na tûkerirîria mûno kûmwona rîngî.

2Tim 4:21

Geria mûno ûke mbere ya vîndî ya mvevo îkinya.

2Tim 4:9

Geria mûno ûke kûrî nie narua.

1Joh 1:4

Tûramwandîkîra ûguo nîguo gîkeno gîetû gîtuîke gîcûru.

Kûguû 21:4

Ke nîakaamagiria methori monthe kuuma methorî mao. Gûtikethîrwa gîkuû, kîeva, kîrîro, kana ûrûrû rîngî. Maûndû marîa ma tene makethîrwa marî mathiru.”

Kûguû 7:17

nîûndû Gatûrûme, karîa karî vau gatagatî ka gîtî Kîam ûthamaki nîgagaatuîka mûrîthi wao. Nake nîakaamatongoria amavire ithimarî cia manjî marîa mavecanaga mwoyo. Nake Ngai nîakagiria methori monthe kuuma methorî mao.”