2Tim 1:2 - ÎVUKU RÎA ÛVORO MWARO

² Kûrî Timotheo mwana wakwa mendete. Wega, ntha na thayû kuuma kûrî Ngai îthe wetû, na Mwathani wetû Jesû Kristû irogîa nawe.

2Tim 1:2 Referencias Cruzadas

Ciîko 16:1

Nake Paûlo nîwathiîre Deribe na agîcoka akîthiî Listra, kûrîa Mûkristiano ûmwe wetagwa Timotheo aatûûraga. Ng'ina, ûrîa wa nake warî Mûkristiano, aarî Mûyahudi, nwatî îthe aarî Mûngiriki.

Aroma 1:7

Kwoguo nîramwandîkîra maarûa îno muonthe arîa mûtwîre Roma, mue arîa mwendetwe nî Ngai na mwîtîtwe mûtuîke andû ake. Wega na thayû wa Ngai Îthe wetû na wa Mwathani Jesû Kristû irogîa namue.

Aroma 12:19

Arata akwa, mûtikerîvîrie, nwatî tigani Ngai amûrîvagîrîrie na marakara make. Nîûndû mandîkorî matheru kwandîkîtwe atîrî, “‘Kwîrîvîrîria nî gwakwa, nînie ngeerîvîrîria,’ ûguo nîguo Mwathani augîte.”

1Akor 4:17

Na kîu nîkîo kîratûma ndûme Timotheo kûrî mue. Ke nî mwana wakwa ûrîa mendete na nîmwîvokeku mûtûûrîrerî wake wa Ûkristiano. Nîakûmûririkania maûndû marîa nûmagîrîra mûtûûrîrerî wakwa mûcerû nîrî ûrûmwe na Jesû Kristû. Maûndû mau nîmo nthomithanagia makanitharî monthe marîa marî kûndû kuonthe.

Afil 4:1

Ariû na aarî a îthe wetû, nie nînîmwendete na nînîriragîria mûno kûmwona. Nîmûngenagia mûno na mûgatûma nîtîîe nîûndû wenyu. Kwoguo arata akwa nîmwagîrîrwe nî gwîkindîria mûtûûrîrerî wenyu, mûrî ndaarî ya Mwathani.

1Tim 1:2

nîrandîka maarûa îno kûrî we Timotheo mwana wakwa wa ma wîtîkiorî: ûrogîa na wega, ntha na thayû kuuma kûrî Ngai îthe na kûrî Mwathani wetû Jesû Kristû.

2Tim 2:1

Kwoguo, we Timotheo mwana wakwa gîa na vinya nîûndû wa wega wa Ngai ûrîa twîthagîrwa tûrî naguo tûrî ndaarî ya Jesû Kristû.

Tito 1:4

Kûrî Tito, mwana wakwa wa ma wîtîkiorî ûrîa tûgwatanîrîte. Ûrogîa na wega na thayû kuuma kûrî Ngai Vava na kuuma kûrî Jesû Kristû mûvonokia wetû.

Tito 2:13

Nîtwagîrîrwe nîgwîkaraga ûguo wa tûgîetagîrîra mûthenya ûrîa mûrathime twîrîgîrîrîte. Mûthenya ûcio nîguo riiri wa Ngai ûrîa mûnene na mûvonokia wetû Jesû Kristû ûkoonekana.

3Joh 1:4

Gûtirî ûndû wîngî ûngenagia tiga kwîgua atî ciana ciakwa nîitûûraga ûvororî wa ma.