SEKARIA 3:9 - Bukuit Ne Tilil

⁹ Amu, ogeero, koita ne ki ande taitap Joshua; tinyei koita agenge koonyek tisap: ogeero, asirchini siruutik koyata eng' waet, mwaei Kamuktaindet ne Toroor ne po lugoosyek, ak aiste tengektap emonooto eng' peetuunak.

BUKUIT NE TILIIL Sireet ne Dutero Kanon

⁹ Amu, ogeero, koita ne ki ande taitap Joshua; tinyei koita agenge koonyek tisap: ogeero, asirchini siruutik koyata eng' waet, mwaei Kamuktaindet ne Toroor ne po lugoosyek, ak aiste tengektap emonooto eng' peetuunak.

BUKUIT NE TILIL

⁹ Amu, ogeero, koita ne kiande taitab Josua; tinyei koita agenge konyek tisab: ogeero, asirjini sirutik koyato eng’ waet, mwaei Jehovah ne bo lugosiek, ak aiste tengektab emonoto betunak.

SEKARIA 3:9 Referencias Cruzadas

1 LAITORINIK 1:20

Keerin konyegap Israel tugul inyee laitoryat kiptaiyandennyu, imwachi ne namei ng'echereetap laitornatet ne po kiptaiyandennyu laitoryat.

2 ATEPTAP PEETUUSYEK 16:9

Amu pendoti konyegap Kamuktaindet ne Toroor eng' ng'wony komugul, koboortogei kole kiim agobo icheeget che ititaatiin mugulelwekwak eng' tainnyi. Koiyai kioto eng' perberyo; amu kobooch nguno ko kenyooru lugoosyek agoi.”

TIENWOGIKAL 103:12

Ko uu ye loochin kong'asiis ak cherongo, ko uu nooto kigoistoenech chalwogikyok kolooegitu.

TIENWOGIKAL 118:22

Koita ne ki eesyo teegik, kaek nooto metitap luuita.

KOMONG'U 28:11

Sirchi koichooto aeng' kainaigap piigap Israel, eng' poisyetap waindetap koik, ko uu waet ne po ng'ookset ak inde koichooto thahabu che ki kitogul konam koik.

KOMONG'U 28:21

Egu koichooto taman ak aeng' ko uu kainaigap piigap Israel. Pendi ko uu kainaikwak ko uu ye kiwaei ng'ookset, tinyei koita age tugul kainennyi ak ko pee ortinwek taman ak aeng'.

KOMONG'U 28:36

“Itaany kora thahabu che tiliileen kolebelitu ak iwai eng' paragunnywa waet ne uu ne po ng'ookset, ile, Tiliil eng' Kamuktaindet ne Toroor.

ISAIAH 28:16

mwaei anyun Kiptaiyat Kamuktaindet ne Toroor kole, Ogeero, andoi Zion koita koek lumeiywot, koita ne kigetyem, koita ne po kamanuutyet ne oo ne po luuita, lumeiywot ne kiim; ma igirgiri ne iyani.

JEREMIA 31:34

Ama koneeti kogeny chii age tugul chiitap kokwennyi, ama koneeti chii age tugul ng'eetap kamet, koleenjin, Nai Kamuktaindet ne Toroor: amu tuun naa icheek tugul, kobooch ne ming'in eng' icheek agoi ne oo, mwaei Kamuktaindet ne Toroor: amu anyochini kaat amu yaityennywa, ama abwaati tengektonywa kogeny.

JEREMIA 50:20

Ki cheeng'ei tengektap Israel eng' peetuusyechooto ak eng' kenyisyechooto, mwaei Kamuktaindet ne Toroor, ama kinyooru; ak ki cheeng'ei tengekwogigap Judah, ama kinyooru: amu anyochini kaat icheek che abagaaktoi kong'et.

SEKARIA 13:1

Tuun kiyaatyin kootap Daudi ak piik che menyei Jerusalem, kondametutap peek eng' peetuunooto, amu tengekto ak murwoonindo.

SEKARIA 3:4

Ak ki wol ineendet koleenji icheek che kitonone tainnyi, Oreegune ineendet ngoroikyik che murwonen. Ak ki mwachi ineendet koleenji, Keero, kaistoenen tengektong'ung', ak alaagun ngoroik che korooron.

SEKARIA 4:10

Amu ng'oo ne ki kosas peetuutap tuguuk che mengeechen? Amu tuun poiboitu icheek, ak kogeer kiit ne kilititisye eng' eutap Zerubabel. Komwaiwa malaikaiyat kole, “Tuguuchu tisap ko konyegap Kamuktaindet ne Toroor; pendoti chooto eng' ng'wony komugul.”

JOHANA 1:29

Eng' peetuut ne po aeng' kogeer `Johana Jeso konyonjin, ak kole, “Ogeero, Aarwet ne po Kamuktaindet, ne ibei tengektap ng'wony!

JOHANA 6:27

Amoboisye agobo amitwogik che pegu, ago oboisye agobo amitwogik che tebyei agoi saboondap koigeny, che koonok Weeriitap chii. Amu kigong'ooch ineendet Kwanda, ne ineendet ko Kamuktaindet.”

POISYONIGAP CHE KIYOKTOI 4:11

Jeso niito ko ‘koita ne ki osas okweek teegik, ne kiga kiyai koek metitap luuita.’

ROMANIK 9:33

ko uu ye siraat kole, Ogeero, andoi Zion koita ne riichei piich ak rwandet ne inachi piich: Ak ne iyani ineendet koma kigoochin kolilaan.

2 KORINTOEK 1:22

ak king'oochech, ak kogoonech Kabuuset ne Tiliil eng' mugulelwekyok koek tongoaniatap tuguuk che pwoonei.

2 KORINTOEK 3:3

oboortoige ole oo parweet ne po Kristo, ne ki kiyai, ne ki kisir ama eng' wino, ago eng' Kabuuset ne po Kamuktaindet ne sabei; ma eng' koik che lebeleen, ago eng' koik che lebeleen che mugulelwek che po poorwek.

2 TIMOTEO 2:19

Ago tononi lumeiywot ne kiim ne po Kamuktaindet, kotinyei ng'ooksoni keele, Ingen Kiptaiyat icheek che chechiik; ak, Ingoistoegei yaityet age tugul ne mwaei kainetap Kiptaiyat.

HEBRANIK 7:27

ne ma nyoljin kogoito tiseiywek peetuut age tugul, ko uu tisiichu ki eecheen, che igoitoi korook agobo tengekwogikyik, ye ibata kogoito agobo piik: amu ki yai niito konyil agenge ak koyam, ye ki igoitogei.

1 JOHANA 2:2

ak ineendet tiseiywot ne po tengekwogikyok; ago ma po tengekwogikyok kityo, ago po komugul ng'wony agine.

NG'ANG'UTYET 5:6

Ak ki ageer eng' kwenutap ng'echeranooto po laitornatet ak tyong'ichooto ang'wan saptos, ak eng' kwenutap poisyechooto, kotonone Aarwet ko uu ne kageeny, kotinyei kuinoik tisap, ak koonyek tisap, che saboonwek tisap che po Kamuktaindet, che ki kiyookto koba ng'wony komugul.