SEKARIA 3:9 - BUKUIT NE TILIL

⁹ Amu, ogeero, koita ne kiande taitab Josua; tinyei koita agenge konyek tisab: ogeero, asirjini sirutik koyato eng’ waet, mwaei Jehovah ne bo lugosiek, ak aiste tengektab emonoto betunak.

Bukuit Ne Tilil

⁹ Amu, ogeero, koita ne ki ande taitap Joshua; tinyei koita agenge koonyek tisap: ogeero, asirchini siruutik koyata eng' waet, mwaei Kamuktaindet ne Toroor ne po lugoosyek, ak aiste tengektap emonooto eng' peetuunak.

BUKUIT NE TILIIL Sireet ne Dutero Kanon

⁹ Amu, ogeero, koita ne ki ande taitap Joshua; tinyei koita agenge koonyek tisap: ogeero, asirchini siruutik koyata eng' waet, mwaei Kamuktaindet ne Toroor ne po lugoosyek, ak aiste tengektap emonooto eng' peetuunak.

SEKARIA 3:9 Referencias Cruzadas

1 LAITORINIK 1:20

Ak keerin konyekab Israel tugul, inye kiptaiyandennyu laitoriat, imwachi ne tebe ng’echeretab laitornatet ne bo kiptaiyandennyu laitoriat ko kagome.

2 ATEPTAP PEETUUSYEK 16:9

Amu bendoti konyekab Jehovah eng’ ng’ony komugul, kobortogei kole kim agobo icheget che igesunotgei mugulelwekwak eng’ tainnyi. Koiyai koito eng’ berberindo; amu koboch nguno ko kenyoru lugosiek agoi.

TIENWOGIKAL 103:12

Ko u ye loochin kong’asis ak cherongo, Ko u noto kigoistoenech chalwogikyok kolooegitu.

TIENWOGIKAL 118:22

Koita ne kiesio teegik, Kaek noto metitab luita.

KOMONG'U 28:11

Sirji koichato aeng’ kainaikab lagokab Israel, eng’ boisietab waindetab koik, ko u waet ne bo ng’okset, ak inde koichato tahabu che kigitogul konam koik.

KOMONG'U 28:21

Egu koichato taman ak aeng’ ko u kainaikab lagokab Israel; bendi ko u kainaikwak; ko u ye kiwaei ng’okset, tinyei koita age tugul kainennyi, bee ortinwek taman ak aeng’.

KOMONG'U 28:36

Ak itany tahabu che tililen kolebelitu, kogergeit ek eurto, ak iwai eng’ baragunywa waet ne u ne bo ng’okset, ile, TILIL ENG’ JEHOVAH.

ISAIAH 28:16

mwaei anyun Kiptaiyat Jehovah kole, Ogeero, andoi Sion koita koek lumeiywot, koita ne kigetiem, koita ne bo kamanutiet ne o ne bo luita, lumeiywot ne kim; maigirgiri ne iyani.

JEREMIA 31:34

Ama koneti kogeny chi age tugul chitab kokwennyi, ama koneti chi age tugul ng’etab kamet, kolenjin, Nai Jehovah: amu tun naa ichek tugul, koboch ne ming’in eng’ ichek agoi ne o, mwaei Jehovah: amu anyochini kaat amun yaitienywa, ama abwati tengektanywa kogeny.

JEREMIA 50:20

Kicheng’ei tengektab Israel eng’ betusiechoto ak eng’ kenyisiechoto, mwaei Jehovah, ama kinyoru; ak kicheng’ei tengekwogikab Juda, ama kinyoru: amu anyochini kaat ichek che abagaktoi kong’et.

SEKARIA 13:1

Tun kiyatyin gotab Daudi ak bik che menyei Jerusalem, kondametutab beek eng’ betunoto, amu tengekto ak muruonindo.

SEKARIA 3:4

Ak kiwol inendet kolenji ichek che kitonone tainnyi, Oreegune inendet ngoroikyik che muruonen. Ak kimwachi inendet kolenji, Keero, kaistoenen tengektang’ung’, ak alaagun ngoroik che kororon.

SEKARIA 4:10

Amu ng’o ne kigosas betutab tuguk che mengechen? Amu tun boiboitu ichek, ak kogeer kit ne kilititisie eng’ eutab Serubabel, tuguchu tisab, che konyekab Jehovah; bendoti choto eng’ ng’ony komugul.

JOHANA 1:29

Eng’ betut ne bo aeng’ kogeer Johana Jesu konyonjin, ak kole, Ogeero, Aruet ne bo Jehovah, ne ibei tengektab ng’ony!

JOHANA 6:27

Amoboisie agobo amitwogik che begu, ago oboisie agobo amitwogik che tebyei agoi sobondab koigeny, che konok Weritab chi: amu kigong’och inendet Kwanda, ne inendet ko Jehovah.

POISYONIGAP CHE KIYOKTOI 4:11

Inendet koita ne kiosas okwek teegik, ne kiga kiyai koek metitab luita.

ROMANIK 9:33

ko u ye sirat kole, Ogeero, andoi Sion koita ne riichei bich ak ruandet ne inachi bich: Ak ne iyani inendet ko magigochin kolilan.

2 KORINTOEK 1:22

ak king’ochech, ak kogonech Tamirmiriet eng’ mugulelwekyok koek tongoaniatab tuguk che bwanei.

2 KORINTOEK 3:3

obortoige ole o baruet ne bo Kristo, ne kigiyai, ne kigisir ama eng’ wino, ago eng’ Tamirmiriet ne bo Jehovah ne sobei; ma eng’ koik che lebelen, ago eng’ koik che lebelen che mugulelwek che bo borwek.

2 TIMOTEO 2:19

Ago tononi lumeiywot ne kim ne bo Jehovah, kotinyei ng’oksoni kele, Ingen Kiptaiyat ichek che chechik; ak, Ingoistoegei yaitiet age tugul ne mwaei kainetab Kiptaiyat.

HEBRANIK 7:27

ne ma nyoljin kogoito tiseiywek betut age tugul, ko u tisiichu ki eechen, che igoitoi korok agobo tengekwogikyik, ye ibata kogoito agobo bik: amu kiyai nito konyil agenge ak koyam, ye kiigoitogei.

1 JOHANA 2:2

ak inendet tiseiywot ne bo tengekwogikyok; ago ma bo tengekwogikyok kityo, ago bo ng’ony komugul agine.

NG'ANG'UTYET 5:6

Ak kiageer eng’ kwenutab ng’echeranato bo laitornatet ak tiong’ichoto ang’wan soptos, ak eng’ kwenutab boisiechoto, kotonone Aruet, ko u ne kageeny, kotinyei kuinoik tisab, ak konyek tisab, che Tamirmirik tisab che bo Jehovah, che kigiyokto koba ng’ony komugul.