NG'ANG'UTYET 11:15 - Bukuit Ne Tilil

¹⁵ Ak ki kuut malaikaiyatap tisap; ak ki piit tweguunoik che eecheen eng' kipsengwet, ak ki mwa kole, “Kagoek laitornatetap ng'wony laitornatetap Kiptaiyandennyo, ak ne po Kristo; ak laitorani inee koigeny ak koigeny.”

BUKUIT NE TILIIL Sireet ne Dutero Kanon

¹⁵ Ak ki kuut malaikaiyatap tisap; ak ki piit tweguunoik che eecheen eng' kipsengwet, ak ki mwa kole, “Kagoek laitornatetap ng'wony laitornatetap Kiptaiyandennyo, ak ne po Kristo; ak laitorani inee koigeny ak koigeny.”

BUKUIT NE TILIL

¹⁵ Ak kiguut malaikaiyatab tisab; ak kibiit kutuswek che eechen eng’ kipsengwet, ak kimwa kole, Kagobunji bounatetab ng’ony Kiptaiyandennyo, ak Kristo nenyi: ak kobou koigeny ak koigeny.

NG'ANG'UTYET 11:15 Referencias Cruzadas

TIENWOGIKAL 110:4

Ki koyosyo Kamuktaindet ne Toroor, ama walei, kole, “Ii tisiindet koigeny ko uu kiit ne ki uu Melkisedek.”

TIENWOGIKAL 146:10

Laitorani Kamuktaindet ne Toroor koigeny, laitorani Kamuktaindeng'ung' eng' ibinwek tugul, ee Zion. Olasu Kamuktaindet ne Toroor!

TIENWOGIKAL 2:2

Tetegei laitorinigap ng'wony, ak irwoochi pounik che kagotuiyo, agobo Kamuktaindet ne Toroor ak nenyi ne iilaat.

TIENWOGIKAL 72:11

Ee, ibutyin keelyekyik laitorinik tugul: Otei ineendet pororyosyek tugul.

TIENWOGIKAL 82:8

Ee Kamuktaindet, ng'eet, irwooksechi ng'wony: Amu tuun egu pororyosyek tugul poroteng'ung'.

TIENWOGIKAL 86:9

Tuun pwoonei pororyosyek tugul che ki iyae Ak kogutung'so eng' taing'ung', ee Kiptaiyat; Ak kotoroor icheek kaineng'ung'.

KOMONG'U 15:18

Laitorani Kamuktaindet ne Toroor koigeny ak koigeny.”

ISAIAH 27:13

Ak tuun kiguutei iryageet ne oo eng' peetuunooto; icheek che kinegit kolusyo eng' emetap Assyria kobooto che kigetimda eng' emetap Misiri ko tuun pwoonei kolas Kamuktaindet ne Toroor eng' tulweet ne tiliil eng' Jerusalem.

ISAIAH 44:23

Ee okweek kipsengwet, Otyense, amu ki yai Kamuktaindet ne Toroor nooto; owaach okweek, komoswek che po oriit che po ng'wony; otyense, okweek tuloonook, ee timiin, ak keetit age tugul ne mi yooto: amu kagotyach Kamuktaindet ne Toroor Jakobo, ak kotoroorgei eng' Israel.

ISAIAH 55:5

Keero, iguure pororyet ne mengen, ak kolabatyin pororyet ne ki ma kongenin, amu Kamuktaindet ne Toroor Kamuktaindeng'ung', ak amu Ineendet ne Tiliil ne po Israel; amu ki kotoroorin.

ISAIAH 9:7

Pounatennyi ko tese tai agoi, ak kaalyeet koma mi ole igeesunegei Namei ng'echereet ne po laitornatetap Daudi ak laitornatennyi, si kogimit ak koboi eng' kirwooget ak imanda kobooch nguno agoi koigeny. Yaei kagiiletapkei ne po Kamuktaindet ne Toroor ne po lugoosyek niito.

JEREMIA 16:19

Ee Kamuktaindet ne Toroor, kimnateennyu, ak ko irimennyu, ak ole amwechini eng' peetuutap nyalildanyu, pwonjinin pororyosyek kobunu ole poochin ng'wony, ak komwa kole, ma nam kiy kwanisyekyok kobatee lembechek, tangoita ak tuguuk che ma tinyei kelunet.

EZEKIEL 37:25

Ak komeny emet ne ki agoochi Jakobo otwogindennyu, ole ki menyei kwanisyekwok; ak komeny olooto icheeget, kobooto lagokwak, ak lagogap lagokwak, agoi koigeny: ak koek Daudi otwogindennyu, pounindennywa koigeny.

EZEKIEL 47:5

Ye ibata, kokwa eliphuut agenge; ki ek aineet ne ma amuuch alandae: amu kitesak peek miising', peek che yamei kebir, aineet ne ma kimuuchi kelandae.

DANIEL 7:14

Ki kigoochi ineendet pounateet, toroornatet ak laitornatet, si koot ineendet piik tugul, pororyosyek tugul, ak che po kutusweek tugul. Pounatennyi ko pounatetap koigeny, ne ma igeesugei, ak laitornatennyi ko mang'emaksei agoi.

DANIEL 7:18

Ago tuun taachei pounateet piik che tiliileen che po Ineendet Ne Toroor Miising', ak konam pounateet kobunji icheek koigeny ak koigeny.

DANIEL 7:22

agoi konyo Ineendet ne po Keny, ak korwooch agobo piik che tiliileen che po Ineendet Ne Toroor Miising', ak koit peetuut ne punjin pounateet piik che tiliileen.

DANIEL 7:27

Laitornatet ak pounateet, ak ooindap laitornatosyek che mi kurereetap kipsengwet komugul ko tuun kigoochin piigap piik che tiliileen che po Ineendet Ne Toroor Miising'. Laitornatennyi ko laitornatet ne po koigeny, ak tuun otei ineendet pounatosyek tugul ak kogase iit.”

HOSEA 2:23

Ak agoole ineendet eng' emet; ak ariiree ineendet ne ki ma ki riiree; ak aleenji icheek che ki ma ko piikyuk, “Oo piikyuk;” ak kole “Ii Kamuktaindennyu.”

OBADIA 1:21

Ak togosu `saruunik tulweetap Zion korwookyi tulweetap Esau; ak kobunji pounateet `Kamuktaindet ne Toroor.

MIKAH 4:7

ak ayai ineendet ne ing'wali koek ne ng'etunot, ak ayai ineendet ne kigetimda kolooit koek pororyet ne kiim, ak koboi `Kamuktaindet ne Toroor icheek eng' tulweetap Zion kobooch yooto agoi koigeny.

SEKARIA 14:9

Ak koek Kamuktaindet ne Toroor laitoryatap ng'wony komugul: egu agenge Kamuktaindet ne Toroor eng' peetuunooto, ak koek agenge kainennyi.

SEKARIA 2:11

Ak konamgei pororyosyek che chaang' ak Kamuktaindet ne Toroor eng' peetuunooto ak koek piikyuk; ak ameny kwenung'ung'.” Inae niito ile ki iyookwo Kamuktaindet ne Toroor ne po lugoosyek anyo ole imi.

MALAKI 1:11

Amu oo kainennyu eng' pororyosyek kobooch ole charunee asiis agoi ole roroktoe; ak kigoitoi eng' komosta age tugul nyamdutik che kibeelei agobo kainennyu, kobooto kagoochinet ne tiliil: amu oo kainennyu eng' pororyosyek, mwaei Kamuktaindet ne Toroor ne po lugoosyek.

MATAYO 24:31

Ak tuun iyooktoi malaikaisyekyik ak cheet ne oo ne po iryageet, ak koyum lewenikyik kobun usoonaik ang'wan, kobooch tabandap kipsengwet agoi tabanda age.

MATAYO 6:13

Amemutech ole mi yoomseet, ago sarwech eng' ne ya.” [Amu neng'ung' laitornatet, ak kamuktaet, ak toroornatet, agoi koigeny. Amen.]

LUKA 1:33

ak tuun laitorane kootap Jakobo koigeny; punjin laitornatennyi koigeny.”

LUKA 15:10

Uu nooto anyun, amwaiwok ale, mi poiboiyet eng' taitap malaikaisyegap Kamuktaindet eng' kiptengekyot agenge ne kasik.

LUKA 15:6

Ak ye kagoit kaa, koguur choronokyik kobooto piigap kokwennyi koyumgei, ak koleenji, “Ongeboiboitu tugul, amu kaanyooru keechiiryennyu ne koga pet.”

POISYONIGAP CHE KIYOKTOI 4:26

Kitetegei laitorinigap ng'wony, ak koyumgei pounik, agobo Kiptaiyat, ak Kristo nenyi.’

HEBRANIK 1:8

Ago ki mwa agobo Weeriit kole, “Ee Kamuktaindet, tebyei koigeny ak koigeny ng'echereeng'ung' ne po laitornatet. Kirokto ne po pounateng'ung' ko kirokto ne po imanda.

NG'ANG'UTYET 10:7

ago eng' peetuusyegap kutitap malaikaiyatap tisap, ye tuun machei koguut, kogeskei ung'ootyetap Kamuktaindet ko uu Logoiywek che Myachen che ki mwachi otwogikyik maotik.

NG'ANG'UTYET 12:10

Ak ki agas kutit ne oo eng' kipsengwet, kole, “Kagonyo nguno yetunet, ak kamuktaet, ak laitornatetap Kamuktaindet nenyo, ak kimnateetap Kristo nenyi; amu kagetururto kataamindetap che kitupche kwo ng'wony, ne itaami icheek eng' taitap Kamuktaindet nenyo peet ak kemoi.

NG'ANG'UTYET 15:4

Ng'oo ne ma iywei ak kotoroori kaineng'ung', ee Kiptaiyat? Amu ii tiliil inyegei. Pwoonei pororyosyek tugul ak kogutung'so eng' taing'ung', amu kagong'ang'ak poisyoniguk che po imanda.”

NG'ANG'UTYET 16:17

Ak kiroong'ji malaikaiyat ne po tisap taabeennyi soet; ak ki mong' kutit ne oo eng' Hekaluut, kobun ng'echereetap laitornatet, kole, “Kagosulda!”

NG'ANG'UTYET 17:14

Paregei chuuto ak Aarwet ak koterteer Aarwet icheek, amu ineendet ko Kiptaiyatap kiptainik, ak ko Laitoryatap laitorinik; ak icheeget che mi kobooto ineendet, che ki kiguur ak che ki kilewen ak che kiyani.”

NG'ANG'UTYET 19:1

Kingo pata tuguuchu, agas kiit ne uu kutit ne oo ne po tuiyet ne oo eng' kipsengwet, kole, “Haleluya! Po Kamuktaindet nenyo yetunet, toroornatet, ak kamuktaet;

NG'ANG'UTYET 19:6

Ak ki agas kiit ne uu kutitap tuiyet ne oo, ak ko uu cheetap peek che chaang', ak ko uu cheetap tuloosyek che kiimeen, kole, “Haleluya! Amu laitorani Kiptaiyat Kamuktaindennyo Ne po Kamuktaet.

NG'ANG'UTYET 20:4

Ak ki ageer ng'echerogap laitornatet, ak kitebee icheek, ak ki kigoochi icheek korwooch. Ak ki ageer saboonwegap icheek che ki kitil metowek amu paornateetap Jeso, ak agobo ng'olyootap Kamuktaindet, ak icheek che ki ma kolasu tyondo, anan kanamwennyi, ak che ki ma nyoor perutyet eng' togoochikwak anan eng' eunekwak; ak kisopcho ak kolaitoran kobooto Kristo kenyiisyek eliphuut.

NG'ANG'UTYET 8:12

Ki kuut malaikaiyatap ang'wan, ak ki kikwer kebeberta agenge eng' somok ne po asiista, ak kebeberta agenge eng' somok ne po arawet, ak kebeberta agenge eng' somok ne po kecheik, si koimenit kebeberta agenge eng' somok ne po tuguuchooto. Ak kebeberta agenge eng' somok ne po peetuut koma iluu, ak koigei nooto agine kemout.

NG'ANG'UTYET 9:1

Ki kuut malaikaiyatap muut, ak ki ageer kecheiyat kobunu kipsengwet kobutyi ng'wony. Ak ki kigoochi ineendet yaateiwot ne po keriinget ne ma igoksei.

NG'ANG'UTYET 9:13

Ki kuut malaikaiyatap lo, ak ki agas kutit ne mang'une kuinoigap kapkorosutap thahabu ne mi taitap Kamuktaindet,