NG'ANG'UTYET 11:15 - BUKUIT NE TILIL

¹⁵ Ak kiguut malaikaiyatab tisab; ak kibiit kutuswek che eechen eng’ kipsengwet, ak kimwa kole, Kagobunji bounatetab ng’ony Kiptaiyandennyo, ak Kristo nenyi: ak kobou koigeny ak koigeny.

Bukuit Ne Tilil

¹⁵ Ak ki kuut malaikaiyatap tisap; ak ki piit tweguunoik che eecheen eng' kipsengwet, ak ki mwa kole, “Kagoek laitornatetap ng'wony laitornatetap Kiptaiyandennyo, ak ne po Kristo; ak laitorani inee koigeny ak koigeny.”

BUKUIT NE TILIIL Sireet ne Dutero Kanon

¹⁵ Ak ki kuut malaikaiyatap tisap; ak ki piit tweguunoik che eecheen eng' kipsengwet, ak ki mwa kole, “Kagoek laitornatetap ng'wony laitornatetap Kiptaiyandennyo, ak ne po Kristo; ak laitorani inee koigeny ak koigeny.”

NG'ANG'UTYET 11:15 Referencias Cruzadas

TIENWOGIKAL 110:4

Kigoyosio Jehovah, ama walei, kole, I tisiindet koigeny Ko u kit ne ki u Melkisedek.

TIENWOGIKAL 146:10

Laitorani Jehovah koigeny, Laitorani Kamuktaindeng’ung’ eng’ ibinwek tugul, ee Sion. Olosu Jehovah.

TIENWOGIKAL 2:2

Tetegei laitorinikab ng’ony, Ak iruochi bounik che kagotuiyo, Agobo Jehovah ak nenyi, ne iilat, kole,

TIENWOGIKAL 72:11

Ee, ibutyin kelyekyik laitorinik tugul: Otei inendet bororiosiek tugul.

TIENWOGIKAL 82:8

Ee Kamuktaindet, ng’eet, iruoksechi ng’ony: Amu tun egu bororiosiek tugul boroteng’ung’.

TIENWOGIKAL 86:9

Tun bwanei bororiosiek tugul che kiiyae Ak kogutung’so eng’ taing’ung’, ee Kiptaiyat; Ak kotoror ichek kaineng’ung’.

KOMONG'U 15:18

Laitorani Jehovah koigeny ak koigeny.

ISAIAH 27:13

Ak tun kiguutei iriaget ne o eng’ betunoto; ak tun bwanei che ki negit kolusyo eng’ emetab Asuria, koboto che kigetimda eng’ emetab Misri; ak tun ilosu Jehovah eng’ tulwet ne tilil eng’ Jerusalem.

ISAIAH 44:23

Ee okwek kipsengwetisiek, Otiense, amu kiyai Jehovah noto; owaach okwek, komoswek che bo orit che bo ng’ony; otiense, okwek tulonok, ee osnet, ak ketit age tugul ne mi yoto: amu kagotiach Jehovah Jakobo, ak kotororgei eng’ Israel.

ISAIAH 55:5

Keero, iguure bororiet ne mengen, ak kolabatyin bororiet ne kima kongenin, amu Jehovah Kamuktaindeng’ung’, ak amu Inendet ne Tilil ne bo Israel; amu kigotororin.

ISAIAH 9:7

Mami ole igesunegei tesetab ge ne bo bounatennyi ak kalyet, eng’ ng’echeret ne bo laitornatetab Daudi, ak laitornatennyi, si kogimit, ak koboi eng’ kiruoget ak imanda koboch nguno agoi koigeny. Yaei nito kagiiletab ge ne bo Jehovah ne bo lugosiek.

JEREMIA 16:19

Ee Jehovah, kimnatennyu, ak ko irimennyu, ak ole amwechini eng’ betutab nyalildanyu, bwanjinin bororiosiek kobunu tabanwek che bo ng’ony, ak komwa kole, Ma nam kiy kwanisiekyok kobate lembechek, tangoita ak tuguk che matinyei kelunet.

EZEKIEL 37:25

Ak komeny emet ne kiagochi Jakobo otwogindennyu, ole kimenyei kwanisiekwok; ak komeny oloto icheget, koboto lagokwak, ak lagokab lagokwak, agoi koigeny: ak koek Daudi otwogindennyu, bounindenywa koigeny.

EZEKIEL 47:5

Ye ibata, kokwa elfut agenge; kiek ainet ne ma amuch alandae: amu kitesak beek mising’, beek che yamei kebir, ainet ne magimuchi kelandae.

DANIEL 7:14

Ak kigigochi inendet bounatet, ak torornatet, ak laitornatet, si koot inendet bik tugul, bororiosiek tugul, ak che bo kutuswek tugul: bounatennyi ko bounatetab koigeny, ne ma igesugei, ak ma tun king’emei laitornatennyi.

DANIEL 7:18

Ago tun taachei bounatet bik che tililen che bo Inendet ne Toror Mising’, ak konam bounatet kobunji ichek koigeny ak koigeny.

DANIEL 7:22

agoi konyo inendet ne bo keny, ak koruoch agobo bik che tililen che bo Inendet ne Toror Mising’, ak koit betut ne bunjin bounatet bik che tililen.

DANIEL 7:27

Ak tun kigochin bikab bik che tililen che bo Inendet ne Toror Mising’, laitornatet ak bounatet, ak oindab laitornatosiek che mi kureretab kipsengwet komugul: laitornatennyi ko laitornatet ne bo koigeny, ak tun otei inendet bounatosiek tugul, ak kogase it.

HOSEA 2:23

Ak agoljige inendet eng’ emet; ak arire inendet ne kima kirire; ak alenji ichek che kima ko bikyuk, O bikyuk; ak kole, I Kamuktaindennyu.

OBADIA 1:21

Ak togosu sorunik tulwetab Sion koruokyi tulwetab Esau; ak kobunji bounatet Jehovah.

MIKAH 4:7

ak ayai inendet ne ing’wali koek ne ng’etunot, ak ayai inendet ne kigetimda kolooit koek bororiet ne kim: ak koboi Jehovah ichek eng’ tulwetab Sion koboch yoto agoi koigeny.

SEKARIA 14:9

Ak koek Jehovah laitoriatab ng’ony komugul: egu agenge Jehovah eng’ betunoto, ak koek agenge kainennyi.

SEKARIA 2:11

Ak konamgei bororiosiek che chang’ ak Jehovah eng’ betunoto ak koek bikyuk: ak ameny kwenung’ung’, ak inai ile kiiyokwa Jehovah ne bo lugosiek anyo ole imi.

MALAKI 1:11

Amu o kainennyu eng’ Bororiosiek koboch ole chorune asis agoi ole roroktoe; ak kigoitoi eng’ komosta age tugul nyamdutik che kibeelei agobo kainennyu, koboto kagochinet ne tilil: amu o kainennyu, eng’ Bororiosiek, mwaei Jehovah ne bo lugosiek.

MATAYO 24:31

Ak koyokto malaikaisiekyik ak cheet ne o ne bo iriaget, ak koyum lewenikyik kobunu usonaik ang’wan, koboch tabandab kipsengwet agoi tabanda age.

MATAYO 6:13

Amemutech ole mi yomset, ago soruech eng’ ne ya. [Amu neng’ung’ bounatet, ak kamuktaet, ak torornatet, agoi koigeny. Amen.]

LUKA 1:33

ak tun laitorane gotab Jakobo koigeny; ama tinyei ole igesunegei bounatennyi.

LUKA 15:10

U noto anyun, amwawok ale, mi boiboiyet eng’ taitab malaikaisiekab Jehovah eng’ kiptengekyot agenge ne kasik.

LUKA 15:6

Ak ye kagoit ga, koguur choronokyik koboto bikab kokwennyi koyumgei, ak kolenji, Ongeboiboitu tugul, amu kaanyoru kechiriennyu ne koga bet.

POISYONIGAP CHE KIYOKTOI 4:26

Kitetegei laitorinikab ng’ony, Ak koyumegei bounik, Agobo Kiptaiyat, ak Kristo nenyi:

HEBRANIK 1:8

Ago kimwa agobo Werit kole, Ee, Jehovah, tebyei koigeny ak koigeny ng’echereng’ung’ ne bo laitornatet; Siaritab imanda siaritab bounateng’ung’.

NG'ANG'UTYET 10:7

ago eng’ betusiekab kutitab malaikaiyatab tisab, ye tun machei koguut, kogesgei ung’otietab Jehovah ko u logoiywek che miachen che kimwachi otwogikyik maotik.

NG'ANG'UTYET 12:10

Ak kiagas kutit ne o eng’ kipsengwet, kole, Kagonyo nguno yetunet, ak kamuktaet, ak bounatetab Jehovah nenyo, ak kimnatetab Kristo nenyi: amu kagetururto kataamindetab che kitupche kwo ng’ony, ne itaami ichek eng’ taitab Jehovah nenyo bet ak kemoi.

NG'ANG'UTYET 15:4

Ng’o ne maiywei kaineng’ung’, ak kotorori, ee Kiptaiyat? Amu i tilil inyege; amu bwanei bororiosiek tugul kogutung’so eng’ taing’ung’; amu kagong’ang’ak boisioniguk che bo imanda.

NG'ANG'UTYET 16:17

Ak kirong’ji malaikaiyat ne bo tisab tabennyi soet; ak kimong’ kutit ne o eng’ hekalut, kobun ng’echeretab laitornatet, kole, Kagosulda:

NG'ANG'UTYET 17:14

Baregei chuto ak Aruet ak koterter Aruet ichek, amu inendet ko Kiptaiyatab kiptainik, ak ko Laitoriatab laitorinik; ak icheget che mi koboto inendet, che kigiguur ak che kigilewen ak che kiyani.

NG'ANG'UTYET 19:1

Kingobata tuguchu, agas kit ne u kutit ne o ne bo tuiyet ne o eng’ kipsengwet, kole, Haleluya. Bo Jehovah nenyo yetunet, torornatet, ak kamuktaet;

NG'ANG'UTYET 19:6

Ak kiagas kit ne u kutitab tuiyet ne o, ak ko u cheetab beek che chang’, ak ko u cheetab tulosiek che kimen, kole, Haleluya: amu laitorani Kiptaiyat Jehovah nenyo, Kamuktaindet.

NG'ANG'UTYET 20:4

Ak kiageer ng’echerokab laitornatet, ak kitebe ichek, ak kigigochi ichek koruoch: ak kiageer sobonwekab ichek che kigitil metowek amu baornatetab Jesu, ak agobo ng’olyotab Jehovah, ak ichek che kima kolosu tiondo, anan kanamwennyi, ak che kimanyor berutiet eng’ togochikwak anan eng’ eunekwak; ak kisopcho ak kolaitoran koboto Kristo kenyisiek elfut.

NG'ANG'UTYET 8:12

Ak kiguut malaikaiyatab ang’wan, ak kigikwer kebeberta agenge eng’ somok ne bo asista, ak kebeberta agenge eng’ somok ne bo arawet, ak kebeberta agenge eng’ somok ne bo kecheik; si koimenit kebeberta agenge eng’ somok ne bo tuguchoto, ama iluu betut eng’ kebeberta agenge eng’ somok, ak koigei noto agine kemout.

NG'ANG'UTYET 9:1

Ak kiguut malaikaiyatab mut, ak kiageer kecheiyat kobunu kipsengwet kobutyi ng’ony: ak kigigochi inendet yateiywot ne bo keringet ne maigoksei.

NG'ANG'UTYET 9:13

Ak kiguut malaikaiyatab lo, ak kiagas kutit ne mong’une kuinoikab kapkorosutab tahabu ne mi taitab Jehovah,