JOSHUA 24:14 - Bukuit Ne Tilil

¹⁴ “Oiywei anyun Kamuktaindet ne Toroor ak oboisyechi ineendet eng' muguleldo ne ma tinyei keniisyet ak eng' imanit. Oiste kanamonik che kiotei kwanisyekwok eng' aineet pitoniin ak eng' Misiri, ak oboisyechi Kamuktaindet ne Toroor.

BUKUIT NE TILIIL Sireet ne Dutero Kanon

¹⁴ “Oiywei anyun Kamuktaindet ne Toroor ak oboisyechi ineendet eng' muguleldo ne ma tinyei keniisyet ak eng' imanit. Oiste kanamonik che kiotei kwanisyekwok eng' aineet pitoniin ak eng' Misiri, ak oboisyechi Kamuktaindet ne Toroor.

BUKUIT NE TILIL

¹⁴ Oiywei anyun Jehovah, ak oboisiechi inendet eng’ muguleldo ne matinyei kenisiet ak eng’ imanit: ak oiste kanamonik che kiotei kwanisiekwok eng’ Ainet bitonin, ak eng’ Misri; ak oboisiechi Jehovah.

JOSHUA 24:14 Referencias Cruzadas

TAUNET 17:1

Ye kingo po Abram kenyiisyek tamanwogik sogool ak sogool, kogimong'ji Kamuktaindet ne Toroor ak koleenji, “Aa Kamuktaindet Ne po Kamuktaet. Wendote tainnyu ak iegu ne ititaat,

TAUNET 35:2

Ki mwachi Jakobo anyun piigap koonnyi, ak tugul che ki mi kobooto ineendet koleenji, “Olakte kanamonik che mi kwenung'wong' che po pororyosyek alak, oanyinygei ak owal ngoroikwok.

2 LAITORINIK 20:3

“Ee Kamuktaindet ne Toroor, asaain ale, ibwaat ole ki atepte eng' imanda eng' taing'ung', ak eng' muguleldo ne ititaat, ak ayai ne myee eng' taing'ung'.” Ak ki riir Hezekiah eng' ng'wanindo.

EZRAH 9:11

che kigeng'at eng' otwogiguk maotik, ile, “Ma tiliil emet ne obendi oname kobunjook, amu simwegap piik che po emotinwek, eng' tuguukwak che kiwechei che ki konyiit ng'wanindanywa emet kong'etee tabanda age agoi tabanda age.

Kitabuutap JOB 1:1

Ki mi chii eng' emetap Us ne ki kiguure Job. Ki igeesunotkei ineendet ak ko po iman. Ki iywei Kamuktaindet ak koistoegei yaityo.

Kitabuutap JOB 28:28

Ak ki mwachi chiito, koleenji, ‘Ogeero, ngiywei Kiptaiyat, ko utaatyet nooto; Ak ngeistoegei yaityet, ko kaguiyet nooto.’ ”

TIENWOGIKAL 111:10

Kaiyweisyet ne kiywei Kamuktaindet ne Toroor ko taunetap utaatyet; tinyei kaguiyet ne myee icheek tugul che yaei chooto. Tebyei koigeny kalasunennyi.

TIENWOGIKAL 119:1

Poiboen che ititaatiin eng' ooreet, che pendote ng'atuutyetap Kamuktaindet ne Toroor.

TIENWOGIKAL 119:80

Ingoek ne ititaat muguleldanyu eng' ng'atuutiguk; si ma lilan.

TIENWOGIKAL 130:4

Ago miitei nyoetap kaat eng' inyee, si kobiit kiywein.

TIENWOGIKAL 81:10

Aa Kamuktaindet ne Toroor Kamuktaindeng'ung', Ne ki amutun itogosu eng' emetap Misiri: Iseng'eng'e, si anyiit kuting'ung'.

EZEKIEL 20:18

Ak ki aleenji lagokwak eng' surkwen, Amobendate ng'atuutigap kwanisyekwok, anan osup kirwoogutikwak, anan ong'wanitegei kanamonikwak;

EZEKIEL 23:3

Ak ki yai icheek kugoinatosyek eng' Misiri; ki yai kugoinatosyek eng' ming'inatennywa: ki kichiil kinaikwak eng' olooto, ak ki kitui kutusweegap kinaikwak che po pergeinatennywa eng' olooto.

HOSEA 3:5

Ye ibata koweek piigap Israel ak kocheeng' Kamuktaindet ne Toroor Kamuktaindennywa ak Daudi laitoryandenywa; pwaanjin `icheek Kamuktaindet ne Toroor ak myeeindonyi eng' kaiyweisyet eng' peetuusyek che po let.

ATEPTAP LAWIK 17:7

Si mata koeng'ji oik tiseiywekwak kogeny, che kocham kosuboti koibegei tugul. Egu ng'olyoondoni ng'atuutyet ne po koigeny eng' icheek eng' ibinwekwak tugul.

MIKAH 6:8

Ee inyee chii, kagoboorun ineendet kiit ne myee; ak nee ne magenen Kamuktaindet ne Toroor, kobatee iyai imanda, ak icham rireenet, ak iwendote eng' kaming'inetapkei kobooto Kamuktaindeng'ung'?

LUKA 8:15

Ak che mi ng'ung'unyek che myach, ko icheeget, che ye kagogas ng'olyoot, konam komyee, eng' mugulelwek che po telunateet ak ko myachen, ak koiiyo logoek eng' kagiiletapkei.

POISYONIGAP CHE KIYOKTOI 9:31

Konyoor anyun kamuung'et kaniset eng' emet komugul ne po Judea, Galilaya ak Samaria ak koteegak. Ak ye kibendoti eng' kayweetap Kiptaiyat ak eng' kagaigaet ne po Kabuuset ne Tiliil, kotesak.

2 KORINTOEK 1:12

Amu kalasunennyo ko ni, paornateetap kabwaatennyo, keele ki kiteptoi tiliilindo ak atepto ne ma tinyei keniisyet, ne po Kamuktaindet, eng' ng'wony, ma eng' utaatyetap poorto ago eng' myeeindap Kamuktaindet, ak ne siirei miising' ko eng' komostang'wong'.

EPESOEK 6:24

Ingotep myeeindo kobooto icheek tugul che chamei Kiptaiyandennyo Jeso Kristo eng' atepto ne ma ng'emaksei.

NG'ATUTIK 10:12

“Ara anyun Israel, nee ne magenen Kamuktaindet ne Toroor Kamuktaindeng'ung', kobatee iywei ineendet kamuktaindeng'ung', iwendote ortinwekyik tugul, icham ineendet ak ioot Kamuktaindeng'ung' eng' muguleldang'ung' tugul ak eng' saboondang'ung' tugul,

NG'ATUTIK 18:13

Egu ne ititaat eng' Kamuktaindet ne Toroor Kamuktaindeng'ung'.

NG'ATUTIK 6:13

Iywei Kamuktaindet ne Toroor Kamuktaindeng'ung', oot ineendet ak iyasye eng' kainennyi.

PILIPIK 1:10

si kobiit onai komyee tuguuk che po telunateet; si kobiit oegu che ma tinyei keniisyet, che ma tinyei kanagut agoi peetuutap Kristo;

JOSHUA 24:2

Yeityo kong'alaal `Joshua ak koleenji piik tugul, “Kamwa ko uu ni Kamuktaindet ne Toroor, Kamuktaindetap Israel kole, Ki menyei kwanisyekwok keny aineet pitoniin; che icheeget ko Tera kwandap Abraham ak kwandap Nahor ak kiotei kanamonik.

JOSHUA 24:23

Ara anyun, oiste kanamonik che too che mi kwenung'wong' ak otokyi mugulelwekwok Kamuktaindet ne Toroor, Kamuktaindetap Israel.

1 SAMUEL 12:14

Ngot oiywei Kamuktaindet ne Toroor ak oot ineendet, ogas iit kutinnyi, amobistoe ng'atuutyennyi, ak ngot oegu okweek ak laitoryat ne poiywok kasubiigap Kamuktaindet ne Toroor Kamuktaindeng'wong', komyeeitu anyun eng' okweek.

1 SAMUEL 12:24

Ne siirei tugul, ko oiywei Kamuktaindet ne Toroor kityo ak oot ineendet eng' imanit, eng' mugulelwekwok tugul, ak obwaat olete tuguuk che eecheen che ki koyaiywok.

1 SAMUEL 7:3

Ki leenji `Samuel koot tugul ne po Israel, “Ngot oweekyinigei Kamuktaindet ne Toroor eng' mugulelwekwok tugul, ko nyolu oiste kamuktaik che pororyosyek alak ak Astarot eng' kwenung'wong' ak otokyi mugulelwekwok Kamuktaindet ne Toroor ak oot ineendet ineegei, si kosarwok eng' eunegap Philistiik.”