JOSHUA 24:14 - BUKUIT NE TILIL

¹⁴ Oiywei anyun Jehovah, ak oboisiechi inendet eng’ muguleldo ne matinyei kenisiet ak eng’ imanit: ak oiste kanamonik che kiotei kwanisiekwok eng’ Ainet bitonin, ak eng’ Misri; ak oboisiechi Jehovah.

Bukuit Ne Tilil

¹⁴ “Oiywei anyun Kamuktaindet ne Toroor ak oboisyechi ineendet eng' muguleldo ne ma tinyei keniisyet ak eng' imanit. Oiste kanamonik che kiotei kwanisyekwok eng' aineet pitoniin ak eng' Misiri, ak oboisyechi Kamuktaindet ne Toroor.

BUKUIT NE TILIIL Sireet ne Dutero Kanon

¹⁴ “Oiywei anyun Kamuktaindet ne Toroor ak oboisyechi ineendet eng' muguleldo ne ma tinyei keniisyet ak eng' imanit. Oiste kanamonik che kiotei kwanisyekwok eng' aineet pitoniin ak eng' Misiri, ak oboisyechi Kamuktaindet ne Toroor.

JOSHUA 24:14 Referencias Cruzadas

TAUNET 17:1

Ak ye kingo bo Abram kenyisiek tamanwogik sogol ak sogol, komong’ji Jehovah Abram, ak kolenji, A Kamuktaindet ne bo Kamuktaet; wendote tainnyu, ak iegu ne igesunotgei.

TAUNET 35:2

Kimwachi Jakobo anyun bikab gonnyi, ak tugul che kimi koboto inendet, kolenji, Olakte kanaamonik che mi kwenung’wong’ che bo bororiosiek alak, ak oanyingei, ak owal ngoroikwok:

2 LAITORINIK 20:3

Ee Jehovah, asain ale, ibwat ole kiatepte eng’ imanda eng’ taing’ung’, ak eng’ muguleldo ne igesunotgei, ak ayai ne mie eng’ taing’ung’. Ak kirir Hesekia eng’ ng’wanindo.

EZRAH 9:11

che kigeng’at eng’ otwogiguk maotik, ile, Ma tilil emet ne obendi oname kobunjok, amu simwekab bik che bo emotinwek, eng’ tugukwak che kiwechei che kigonyiit ng’wanindanywa emet kong’eete tabanda age agoi tabanda age.

Kitabuutap JOB 1:1

Kimi chi eng’ emetab Us, ne kigiguure Job; ak kiigesunotgei chichoto ak ko bo iman, ne kiiywei Kamuktaindet, ak koistoegei yaitio.

Kitabuutap JOB 28:28

Ak kimwachi bik, kolenji, Ogeero, ngiywei Kiptaiyat, ko ng’omnatet noto; Ak ngeistoege yaitiet, ko naet noto.

TIENWOGIKAL 111:10

Kaiyweisiet ne kiywei Jehovah ko taunetab ng’omnatet; Tinyei kaguiyet ne mie ichek tugul che yaei choto: Tebyei koigeny kalosunennyi.

TIENWOGIKAL 119:1

Boiboen che igesunotgei eng’ oret, Che bendote ng’atutietab Jehovah.

TIENWOGIKAL 119:80

Ingoek ne igesunotgei muguleldanyu eng’ ng’atutiguk; Si malilan.

TIENWOGIKAL 130:4

Ago mitei nyoetab kaat eng’ inye, Si kobiit kiywein.

TIENWOGIKAL 81:10

A Jehovah Kamuktaindeng’ung’, Ne kiamutun itogosu eng’ emetab Misri: Iseng’eng’e, si anyiit kuting’ung’.

EZEKIEL 20:18

Ak kialenji lagokwak eng’ ong’atet, Amobendate ng’atutikab kwanisiekwok, anan osub kiruogutikwak, anan ong’wanitege kanamonikwak;

EZEKIEL 23:3

Ak kiyai ichek kugoinatosiek eng’ Misri; kiyai kugoinatosiek eng’ ming’inatenywa: kigichiil kinaikwak eng’ oloto, ak kigitui kutuswekab kinaikwak che bo bergeinatenywa eng’ oloto.

HOSEA 3:5

ye ibata koweek lagokab Israel, ak kocheng’ Jehovah Kamuktaindenywa, ak Daudi laitoriandenywa; ak kobwanji Jehovah ak mieindanyi eng’ kaiyweisiet eng’ betusiek che bo let.

ATEPTAP LAWIK 17:7

Ak si mata koeng’ji oik tiseiywekwak kogeny, che kocham kosuboti koibegei tugul. Egu ng’olyondoni ng’atutiet ne bo koigeny eng’ ichek eng’ ibinwekwak tugul.

MIKAH 6:8

Ee inye chi, kagoborun inendet kit ne mie; ak nee ne magenen Jehovah, kobate iyai imanda, ak icham rirenet, ak iwendote eng’ kaming’inetab ge koboto Kamuktaindeng’ung’?

LUKA 8:15

Ak che mi ng’ung’unyek che miach, ko icheget, che ye kagogas ng’olyot, konam komie, eng’ mugulelwek che bo telunatet ak ko miachen, ak koiiyo logoek eng’ kagiiletab ge.

POISYONIGAP CHE KIYOKTOI 9:31

Konyor anyun kamuung’et kaniset ne mi Judea komugul ak Galili ak Samaria, koteegak; ak ye kibendoti eng’ kaiyweisietab Kiptaiyat ak eng’ kagaigaet ne bo Tamirmiriet ne Tilil, kotesak.

2 KORINTOEK 1:12

Amu kalosunennyo ko ni, baornatetab kabwatennyo, kele kigiteptoi tililindo ak atepto ne matinyei kenisiet, ne bo Jehovah, eng’ ng’ony, ma eng’ ng’omnatetab borto ago eng’ mieindab Jehovah, ak ne siirei mising’ ko eng’ komostang’wong’.

EPESOEK 6:24

Ingoteb mieindo koboto ichek tugul che chamei Kiptaiyandennyo Jesu Kristo eng’ atepto ne ma ng’emaksei.

NG'ATUTIK 10:12

Ara anyun Israel, nee ne magenen Jehovah Kamuktaindeng’ung’, kobate iywei Jehovah Kamuktaindeng’ung’, iwendote ortinwekyik tugul, ak icham inendet, ak iot Jehovah Kamuktaindeng’ung’ eng’ muguleldang’ung’ tugul ak eng’ sobondang’ung’ tugul,

NG'ATUTIK 18:13

Egu ne igesunotgei eng’ Jehovah Kamuktaindeng’ung’.

NG'ATUTIK 6:13

Iywei Jehovah Kamuktaindeng’ung’; ak iot, ak iyosie eng’ kainennyi.

PILIPIK 1:10

si kobiit onai komie tuguk che bo telunatet; si kobiit oegu che matinyei kenisiet, che matinyei kanagut agoi betutab Kristo;

JOSHUA 24:2

Ak kilenji Josua bik tugul, Kamwa ko u ni Jehovah Kamuktaindetab Israel, kole, Kimenyei kwanisiekwok keny Ainet bitonin, Tera, kwandab Abraham, ak ko kwandab Nahor: ak kiotei kanamonik.

JOSHUA 24:23

Ara anyun, oiste kanamonik che too che mi kwenung’wong’, ak otokyi mugulelwekwok Jehovah Kamuktaindetab israel.

1 SAMUEL 12:14

Ngot oiywei Jehovah, ak oot inendet, ak ogas it kutinnyi, amobistoe ng’atutietab Jehovah, ak ngot oegu okwek ak laitoriat agine ne koboiywok, kasubikab Jehovah Kamuktaindeng’wong’, komieitu anyun:

1 SAMUEL 12:24

Oiywei Jehovah kityo, ak oot inendet eng’ imanit eng’ mugulelwekwok tugul: ak obwat ole te tuguk che eechen che kigoyaiywok.

1 SAMUEL 7:3

Ak king’alalji Samuel got tugul ne bo Israel, kolenji, Ngot oweekyinige Jehovah eng’ mugulelwekwok tugul, oiste anyun kanamonik che too ak Astarot eng’ kwenung’wong’ ak otokyi mugulelwekwok Jehovah ak oot inendet inegei: si kosoruok eng’ eunekab Pilistik.