JOSHUA 13:25 - Bukuit Ne Tilil

²⁵ Kiwotennywa ko ki Jaser, nganasook tugul che po Gilead ak kebebertap emetap lagogap Ammon, agoi Aroer ne mi taitap Rabbah,

BUKUIT NE TILIIL Sireet ne Dutero Kanon

²⁵ Kiwotennywa ko ki Jaser, nganasook tugul che po Gilead ak kebebertap emetap lagogap Ammon, agoi Aroer ne mi taitap Rabbah,

BUKUIT NE TILIL

²⁵ Ak kiwotenywa ko ki Jaser, ak nganasok tugul che bo Gilead, ak kebebertab emetab lagokab Amon, agoi Aroer ne mi taitab Raba;

JOSHUA 13:25 Referencias Cruzadas

2 SAMUEL 11:1

Kingo it kasartap kenyiit ne cham kobee laitorinik lugeet, koyookto `Daudi Joab kobooto otwogikyik ak Israel tugul kobar lagogap Ammon. Kiyiem lugeetap Israel Rabbah. Ago ki tebi Daudi eng' Jerusalem.

2 SAMUEL 12:26

Kibargei `Joab ak Rabbah ne po lagogap Ammon, ak kiluul nganaseetap kaplaitoryat.

2 SAMUEL 24:5

Kilandae Jordan ak komung'yo eng' Aroer, komostap tai ne po nganaseet ne mi kwenutap atebweetap Gad kotokyigei Jaser,

1 ATEPTAP PEETUUSYEK 26:31

Eng' che po Hebronik, ko ki Jerija ne oo, ko uu ibinwekwak ak eng' kooriigap kwanisyek. Ki kicheeng' pichooto eng' kenyiitap artam ne po laitornatetap Daudi, ak ki piit eng' icheek piik che kiimeen che nyigoonen eng' Jaser ne po Gilead.

1 ATEPTAP PEETUUSYEK 6:81

Hesbon kobooto emotinwekyik che kiyagisye ak Jaser kobooto emotinwekyik che kiyagisye.

ISAIAH 16:8

Amu restos mbareenigap Hesbon, ak keetiigap sabibuk che po Sibma; kigoiri keetiikyik che korooron kiptainigap pororyosyek, kiit Jaser ak ki ombeniot agoi surkwen, kiwakta mooriikyik ak kisiir nyanjet.

ISAIAH 17:2

Kigebagaakta nganasoogap Aroer; punjin akwotisyegap keechiirek che ruitos, ama mi chii ne imui.

JEREMIA 48:32

Ariirchinin eng' riirek che siirei che po Jaser, ee keetitap sabibuk ne po Sibma: kagolandae nyanjet temeniguk, kiit nyanjetap Jaser: kagonam luuloindet logoeguk che po kemei, ak ole kitue sabibuk.

EZEKIEL 21:20

Lewen ooreet si kobiit koit rotwetap chok Rabbah ne po lagogap Ammon, ak koit Judah eng' Jerusalem ne ng'ootaat.

AMOS 1:14

Ara anaami maat eng' irimeetap Rabbah, ak kobeel irimosyekyik che po laitoryat, kobooto waagaat eng' peetuutap pooryeet, kobooto usoonet ne oo eng' peetuutap kipchurchuryet.

KAITOSYEK 21:32

Ki iyookto `Musa piik kosegei Jaser, ak ki iluul nganasookyik ak ki oon Amorik che ki mi olooto.

KAITOSYEK 32:35

Atrot-sopan, Jaser Jogbea,

NG'ATUTIK 2:19

ak ye iriikte ole neegitee lagogap Amonik, ko meiim anan omoiye kiy ak pichooto, amu ma koonin emetap lagogap Amonik kobunjiin, amu ki agoochi lagogap Lot kobunji.’ ”

NG'ATUTIK 3:11

(Amu ki ng'et Og ineegei, laitoryatap Bashan, ne po che ki ng'et eng' Repaik; ogeero, ki po karnet itogunnyi; tos ma mi itogunooto Rabbah ne po lagogap Ammon? Ki futisyek taman ak somok koindonyi ak ki mitainik futisyek lo tebeesindanyi, ko uu kakwautyetap chiito.)

JOSHUA 13:11

Gilead ak kiwotetap Gesurik ak Maakatik ak tulweet tugul ne po Hermon ak Bashan tugul agoi Saleka,

JOSHUA 13:24

Ki igoochi `Musa pororyetap Gad, ko uu ortinwekwak.

JOSHUA 13:26

kobooch Hesbon kot koit Ramat-mispe ak Betonim. Kobooch Mahanaim kot koit kiwotetap Debir,

JOSHUA 21:39

ak Hesbon kobooto emotinwekyik che kiyagisye, Jaser kobooto emotinwekyik che kiyagisye. Tugul ko nganasook ang'wan.

KIRUOGIK 5:17

Ki meny Gilead Jordan pitoniin, ak Dan, ko kilya si kotebee melisyek? Ki tep Asher kosisyigei eng' ngeguutap nyanjet, komeny ole neegitee luukwegap peekyik.