JOSHUA 13:25 - BUKUIT NE TILIL

²⁵ Ak kiwotenywa ko ki Jaser, ak nganasok tugul che bo Gilead, ak kebebertab emetab lagokab Amon, agoi Aroer ne mi taitab Raba;

Bukuit Ne Tilil

²⁵ Kiwotennywa ko ki Jaser, nganasook tugul che po Gilead ak kebebertap emetap lagogap Ammon, agoi Aroer ne mi taitap Rabbah,

BUKUIT NE TILIIL Sireet ne Dutero Kanon

²⁵ Kiwotennywa ko ki Jaser, nganasook tugul che po Gilead ak kebebertap emetap lagogap Ammon, agoi Aroer ne mi taitap Rabbah,

JOSHUA 13:25 Referencias Cruzadas

2 SAMUEL 11:1

Ak kingogesgei kenyit, eng’ betusiek che kicham kobendi laitorinik luget, koyokto Daudi Joab koboto otwogikyik, ak Israel tugul; ak kobar lagokab Amon, ak kiyiem Raba. Ago kitebi Daudi eng’ Jerusalem.

2 SAMUEL 12:26

Ak kibargei Joab ak Raba ne bo lagokab Amon, ak kiluul nganasetab kaplaitoriat.

2 SAMUEL 24:5

Ak kilandae Jordan, ak kiteech Aroer, komostab tai ne bo nganaset ne mi kwenutab atebwetab Gad, kotokyigei Jaser:

1 ATEPTAP PEETUUSYEK 26:31

Che bo Hebronik, ko ki Jerija ne o, che bo Hebronik, ko u ibinwekwak, eng’ gorikab kwanisiek. Kigicheng’ bichoto eng’ kenyitab artam ne bo laitornatetab Daudi, ak kibiit eng’ ichek bik che kimen che nyigonen eng’ Jaser ne bo Gilead.

1 ATEPTAP PEETUUSYEK 6:81

ak Hesbon koboto emotinwekyik che kiyagisie, ak Jaser koboto emotinwekyik che kiyagisie.

ISAIAH 16:8

Amu restos mbarenikab Hesbon, ak ketikab sabibuk che bo Sibma; kigoiri kiptainikab bororiosiek ketikyik che kororon; kiit Jaser, kiombeniot agoi ong’atet; kiwakta temenikyik, kisiir nyanjet.

ISAIAH 17:2

Kigebagakta nganasokab Aroer: bunjin akwotisiekab kechirek che ruitos, ama mi chi ne imui.

JEREMIA 48:32

Arirjinin eng’ rirek che siirei che bo Jaser, ee ketitab sabibuk ne bo Sibma: kagolandae nyanjet temeniguk, kiit nyanjetab Jaser: kagonam luuloindet logoeguk che bo kemei, ak ole kitue sabibuk.

EZEKIEL 21:20

Lewen oret si kobiit koit rotwetab chok Raba ne bo lagokab Amon, ak koit Juda eng’ Jerusalem ne ng’otat.

AMOS 1:14

ago anaami mat eng’ irimetab Raba, ak kobeel gorikyik che bo laitoriat, koboto waagat eng’ betutab boriet, koboto usonet ne o eng’ betutab kipchurjuriet:

KAITOSYEK 21:32

Ak kiiyokto Musa bik kosegei Jaser, ak kiluul nganasokyik, ak kion Amorik che kimi oloto.

KAITOSYEK 32:35

Atrot-sopan, Jaser, ak Jogbea;

NG'ATUTIK 2:19

ak ye irikte ole negite lagokab Amonik, ko meiim anan omoiye kiy ak bichoto: amu magonin emetab lagokab Amonik kobunjin: amu kiagochi lagokab Lot kobunji.

NG'ATUTIK 3:11

(Amu king’et Og inegei, laitoriatab Basan, ne bo che king’et eng’ Repaik; ogeero, ki bo karnet itogunnyi; tos ma mi itogunoto Raba ne bo lagokab Amon? Ki kakwautik sogol che bo eut koindanyi, ak ki kakwautik ang’wan che bo eut tebeesindanyi, ko u kakwautietab chito.)

JOSHUA 13:11

ak Gilead, ak kiwotetab Gesurik ak Maakatik, ak tulwet tugul ne bo Hermon, ak Basan tugul agoi Saleka;

JOSHUA 13:24

Ak kiigochi Musa bororietab Gad, lagokab Gad, ko u ortinwekwak.

JOSHUA 13:26

ak koboch Hesbon kot koit Ramat-mispe, ak Betonim; ak koboch Maanaim kot koit kiwotetab Debir;

JOSHUA 21:39

Hesbon koboto emotinwekyik che kiyagisie, Jaser koboto emotinwekyik che kiyagisie; nganasok ang’wan tugul.

KIRUOGIK 5:17

Kimeny Gilead Jordan bitonin: Ak Dan, ko kilya si kotebi eng’ melisiek? Kiteb Aser kosisyigei eng’ ngegutab nyanjet, Kimeny ole negite luukwekab beekyik.