DANIEL 8:16 - Bukuit Ne Tilil

¹⁶ Ki agas kutitap chiito eng' kwenutap aineet ne ki kuuree Ulai, ne ki kuurso kole, “Gabriel, iboorchi chiichi koguiyo ng'ang'utyet.”

BUKUIT NE TILIL

¹⁶ Ak kiagas kutitab chito eng’ kwenutab ainet Ulai, ne kiguurso kole, Gabriel, iborji chichi koguiyo ng’ang’utiet.

DANIEL 8:16 Referencias Cruzadas

DANIEL 10:14

Kanyo anyun si kobiit aboorun iguiye tuguuk che tuun pwaanjin piiguk eng' peetuusyek che po let, amu po ng'ang'utyet peetuusyek che chaang'.”

DANIEL 10:21

Ago amwaun kiit ne siraat eng' siruutik che po iman. Ama mi age ne toreto agirinda chuuto kobatee Mikael, pounindeng'wong'.

DANIEL 7:16

Ki ariikyi age eng' chooto ki tonondos eng' yooto, ak ateebe ineendet kaguiyetap tuguuchuuto tugul. Komwaiwo anyun, ak koboorwo kaaroretap tuguuchooto.

DANIEL 8:2

Ak ki ageer ng'ang'utyet, ak kinga keere, ami Susa, nganaseet ne oo eng' emetap Elam; ki ageer ami ole neegitee aineet Ulai.

SEKARIA 1:9

Ki ale anyun, “Ee kiptaiyandennyu, nee chu?” Ak ki leenjo malaikaiyat ne ki ng'alaalwo, “Ta aboorun kiit ne po chuuto.”

SEKARIA 2:4

ak koleenji ineendet, “Labat, ng'alaalji murenonin ileenji: Ki menyei Jerusalem ko uu ye ki menyei nganasook che mengeechen che ma tinyei irimoik, amu chaang'indap piik ak tuuga che mi.

LUKA 1:19

Ak ki wolji `malaikaiyat koleenji, “Aa Gabriel, ne atononi eng' taitap Kamuktaindet; kagiyokwo ang'alaalun, ak aibun logoiywechu myachen.

LUKA 1:26

Ki iyookto `Kamuktaindet malaikaiyat Gabriel eng' arawetap lo kwo nganaseet ne po Galilaya, ne kiguure Nazareth,

POISYONIGAP CHE KIYOKTOI 10:13

Ki nyoonji anyun tweguunet koleenji, “Ng'eet, Petero; eeny ak iam.”

POISYONIGAP CHE KIYOKTOI 9:7

Ak kitononso konam kuut piik che kibendi kobooto ineendet, kogasei tweguunet, ama keerei chii.

HEBRANIK 1:14

Tos malakaisyek tugul koma saboonwek che mi poisyet, che kiyooktoi kobois agobo icheek che tuun nyooru yetunet?

NG'ANG'UTYET 1:12

Ak ki awelelgei ale ageer kuutinooto ki ng'alaalwo. Ak kingo kaawelelgei ageer keelyek tisap che po taisyek che po thahabu;

NG'ANG'UTYET 22:16

“Anee Jeso ne kaayogu malaikaiyandennyu si kobaoryanwok tuguuchu eng' kanisosyek. Aa tigityot ak keswootap Daudi, taboiyat ne po karon ne ikwenyi.”