DANIEL 8:15 - Bukuit Ne Tilil

¹⁵ Kingo kaageer anee Daniel ng'ang'utyonooto, acheeng' anyun ale aguiyo; ak ogeero, ki tonon eng' tainnyu itonda ne uu ne po chii.

BUKUIT NE TILIL

¹⁵ Ak kingo kaageer ane Daniel ng’ang’utionoto, acheng’ anyun ale aguiyo; ak ogeero, kitonon eng’ tainnyu itonda ne u ne bo chi.

DANIEL 8:15 Referencias Cruzadas

ISAIAH 9:6

Amu kagisikwech lakweet, kagigoonech weeriit; ak ting'ee ineendet pounateet tigikyennyi. Kiguure kainennyi: “Kotigonindet ne po Kwong'uut, Kamuktaindet Ne po Kamuktaet, Kwanda ne po Koigeny, Pounindetap Kaalyeet.”

DANIEL 10:16

Ak ogeero, ki twa kutinnyu age ne kergei ak weeriigap piik, ayaat kutinnyu anyun ang'alaal, ak aleenji ineendet ne ki tonon eng' tainnyu, “Ee kiptaiyandennyu, kagobwanjo aragenosyekyuk amu ng'ang'utyet, ak ma atinyei kimnon.

DANIEL 10:18

Yeityo kotwaa kogeny age ne uu chiito, ak kogimiita.

DANIEL 10:5

ang'eet met ak atabende, ageer chiito ne ilaachi ngoroigap katanit, ne kiga rategei thahabu ne karaaran ne po Upas.

DANIEL 12:8

Ki agas ago ma aguiye; yeityo amwa ale, “Ee kiptaiyandennyu, egu nee kagesunetap tuguuchuuto?”

DANIEL 7:13

Ki ageer eng' ng'ang'utigap kemoi, age ne kergei ak weeriitap chii, konyo eng' pooligap kipsengwet. Ki nyo ole mi Ineendet ne po Keny, ak ki kimut ineendet koriik taitap Ineendet ne po Keny.

DANIEL 7:28

Igesunegei yuto ng'olyoondonooto. Ki iima miising' kabwaatutikyuk, anee Daniel, ak ki walak togeennyu; ago ki agonoree muguleldanyu ng'olyoondonooto.

DANIEL 8:1

Ki nyoonjo anee Daniel, ng'ang'utyet ne uu ne kiga ageer eng' tai eng' kenyiit ne po somok ne po laitoryat Belshazzar.

DANIEL 8:19

Ak ki le, keero, aboorun inai tuguuk che tuun piitu let che po nereegek; amu po ng'ang'utyonooto peetuut ne ki king'at ne po let.

SEKARIA 1:9

Ki ale anyun, “Ee kiptaiyandennyu, nee chu?” Ak ki leenjo malaikaiyat ne ki ng'alaalwo, “Ta aboorun kiit ne po chuuto.”

MATAYO 13:36

Ki pagaakta anyun tuiyosyek, ak kwo ko. Ki pwanji kasubikyik ak koleenji, “Iarorwech agobo kalewenetap chemulbainigap mbar.”

MATAYO 24:15

“Ye ogeer anyun kiit ne kiwechei ne po ng'emisyet kotonone ole-tiliil, ko uu ye ki mwa maotyot Daniel (ingoguiyo ineendet ne somani),

MATAYO 24:30

“Ak kotook anyun eng' kipsengwet kaboorunetap Weeriitap chii, ak koteiyo anyun pororyosyek tugul che po ng'wony, ak kogeer Weeriitap chii konyonei eng' pooligap kipsengwet kobooto kimnateet ak liilindo ne oo.

MARIKO 13:14

“Ago ye tuun ogeer kiit ne kiwechei ne po ng'emisyet kotonone ole ma nyoljin kotonone (ingoguiyo ne somani), ingomwechi anyun che mi Judea tuloonook:

MARIKO 4:12

si eng' ‘keeret kogeerei ama ibestos, ak eng' kaseet kogasei ama iguitos; si ma week ak kenyochi kaat.’ ”

JOSHUA 5:14

Kowol chiichooto kole, “Achicha, kaanyo nguno aegu kiptaiyatap lugeet ne po Kamuktaindet ne Toroor.” Ki ing'uruuk Joshua kot koit ng'wony togeennyi kolas ak koleenji, “Imwachini nee otwogindeng'ung', ee kiptaiyandennyu?”

NG'ANG'UTYET 1:13

ak eng' kwenutap kelyechooto po taisyek ageer chiito ne kergei ak weeriitap chii, kolaachi ngoryeet ne itei keelyek ak koratategei pireneetap thahabu eng' tegeet.

NG'ANG'UTYET 13:18

Mi yu utaatyet. Ineendet ne tinyei kaguiyet, koiit koitetap tyondo; amu nooto koitetap chii: ak koiitennyi ko pogol lo ak tamanwogik lo ak lo.