DANIEL 8:14 - Bukuit Ne Tilil

¹⁴ Ak ki wolji kole, “Kitiliili ole-tiliil ko kagogeskei koskoleng'usyek ak karonusyek eliphuusyek aeng' ak pogol somok.”

BUKUIT NE TILIL

¹⁴ Ak kilenja, kitilili ole tilil ko kagogesgei koskoleng’usiek ak karonusiek elfusiek aeng’ ak bogol somok.

DANIEL 8:14 Referencias Cruzadas

TAUNET 1:5

Ki kuure Kamuktaindet lapkeiyet Peet ak koguure mesundeito Kemoi. Koimen ak koeech, peetuut ne tai.

ISAIAH 1:27

Tuun kityaachi Zion eng' kirwooget, ak kityaache eng' imanda piikyik che sigu.

ISAIAH 45:25

Ki ityin imanda iyoteet tugul ne po Israel eng' Kamuktaindet ne Toroor, ak kolasunegei.

DANIEL 12:11

Kobooch peetuusyek che ki istoi kagoochinet ne kibeelei ne po kotugul, ak kinde kiit ne kiwechei ne ng'emisyei, ko egu peetuusyek eliphuut agenge ak pogol aeng' ak tamanwogik sogool.

DANIEL 12:12

Iberuurot ineendet ne igenisyei, ne itei peetuusyek eliphuut agenge ak pogol somok ak sosom ak muut.

DANIEL 12:7

Agas chiito ne ki ilaachi ngoroigap katanit ne ki mi paragutap peegap ainonooto, ye kinamjin parak eunnyi ne po tai ak eunnyi ne po kaataam kotokyi kipsengwet. Ak ki agas koyasyo eng' ineendet ne sabei koigeny kole punjin kenyiit, kenyiisyek ak kebebertap kenyiit, ak ye tuun kagogees icheek tonet ne tonatoni kimnateetap piik che tiliileen, kogeskei anyun tuguuchuuto tugul.

DANIEL 7:25

Mwaei ng'aleek che kirindoi Ineendet Ne Toroor Miising', ak koim miising' piik che tiliileen che po Ineendet Ne Toroor Miising', ak ki leen ineendet kowal peetuusyek ak ng'atuutik; ak kigoochi ineendet koboi icheek agoi kobek kenyiit, ak kenyiisyek, ak kebebertap kenyiit.

DANIEL 8:26

Po iman ng'ang'utyetap koskoleng'usyek ak karonusyek ne kagemwa. Ago tuch inyee ng'ang'utyonooto, amu po peetuusyek che chaang' che pwoonei.

GALATYEK 3:8

Ak kisip kogeer siruutyet kole iityin Kamuktaindet imanda Pororyosyek eng' kayaneet, kogisip koamji logoiywek che myach Abraham, koleenji, Kiberuuri pororyosyek tugul eng' inyee.

NG'ANG'UTYET 11:15

Ak ki kuut malaikaiyatap tisap; ak ki piit tweguunoik che eecheen eng' kipsengwet, ak ki mwa kole, “Kagoek laitornatetap ng'wony laitornatetap Kiptaiyandennyo, ak ne po Kristo; ak laitorani inee koigeny ak koigeny.”

NG'ANG'UTYET 12:14

Ak ki kigoochi kwonyooto kebebaik aeng' che po kipsiichit ne oo, si kobiit kotirirene kwo surkwen agoi oldanyi, ole kibae, eng' peetuusyek, ak peetuusyek alak, ak kebebertap peetuusyek, koistoegei togeetap ereneet.

NG'ANG'UTYET 13:5

Ak ki kigoochi ineendet kutit kong'alaal tuguuk che eecheen ak chubisyosyek; ak ki kigoochi ineendet kimnateet koboisyee arawek artam ak aeng'.